A d v e r t i s e m e n t With Us

ထိုင်းကမ်းခြေ အပန်းဖြေစခန်းတွင် အလှဆင်ထားသည့် ဗုဒ္ဓဦးခေါင်းတော်ရုပ်တုအား ဖယ်ရှား

ဓာတ်ပုံ - BuddhistsNews/Facebook
ထိုင်းနိုင်ငံ ကော့စမွီခရိုင် အပန်းဖြေကမ်းခြေရှေ့ မျက်နှာစာမှာ ဗုဒ္ဓဦးခေါင်းတော် ရုပ်တုကို ထားရှိတာဟာ မသင့်တော်ဘူးဆိုတဲ့ ဝေဖန်မှုတွေ ပျံ့နှံ့ခဲ့ပြီးနောက် ဒီရုပ်တုကို သက်ဆိုင်ရာက ဖယ်ရှားခဲ့ရပါတယ်။ ခုလို ဗုဒ္ဓဘာသာဝင်တွေရဲ့ ဘာသာရေးနဲ့ဆိုင်တဲ့ အထွတ်အမြတ်ထားရာ ရုပ်ပွားတော်ဆင်းတုကို ဒီလိုနေရာမှာ အလှဆင် ထားရှိတာဟာ သင့်တင့်ဆီလျော်မှုမရှိဘဲ ဘာသာတရားကို မထီမဲ့မြင်ပြုရာ ကျတယ်ဆိုတဲ့ ဝေဖန်မှုတွေနဲ့အတူ ဒီဓာတ်ပုံတွေဟာ အင်တာနက်စာမျက်နှာတွေပေါ် ပြီးခဲ့တဲ့ သီတင်းပတ်ကတည်းက ပျံ့နှံ့နေခဲ့တာပါ။ ကျွန်းပေါ်က ကမ်းခြေ အပန်းဖြေစခန်းတွေမှာ ရေကူးဝတ်စုံ မလုံ့တလုံ ဝတ်စားဆင်ယင်ပြီး အရက်သောက်နေကြတဲ့၊ သက်ဝင်လှုပ်ရှားနေကြတဲ့ နိုင်ငံခြားသား ခရီးသွားဧည့်သည်တွေကြားမှာ မတင့်တယ်တဲ့ ဒီ ဗုဒ္ဓဦးခေါင်းတော်ဆင်းတုကို ဖယ်ရှားပစ်မလား၊ ရဲတွေရဲ့ အရေးယူတာ ခံမလားဆိုတဲ့ ဝေဖန်မှတ်ချက်တွေနဲ့အတူ ဖေ့စ်ဘွတ်ခ် လူမှုကွန်ရက်စာမျက်နှာပေါ်မှာ တောင်းဆိုခဲ့ကြပြီး ဝေဖန်ခံခဲ့ရတာ ဖြစ်ပါတယ်။ နက်တာဝတ်ဆိုတဲ့ မှတ်ချက်ရေးသူက အဲ့ဒီနေရာမှာ ဗုဒ္ဓဦးခေါင်းရုပ်တုကို ထားတဲ့သူတွေက ထိုင်းလူမျိုးတွေလားလို့ မေးမြန်းထားပြီး စုမ်ဆန်းဆိုတဲ့ တဦးကတော့ ဒီလိုလုပ်တာ တော်တော်လွန်သွားပြီလို့ မှတ်ချက်ရေးထားပါတယ်။ “ထိုင်းနိုင်ငံမှာ ဗုဒ္ဓဘာသာဝင်တွေ များပေမယ့် တကယ့်ဗုဒ္ဓဘာသာအစစ်ကို သူတို့ နားမလည်ဘူး။ ဗုဒ္ဓရဲ့ ဦးခေါင်းတော်ဆိုတာက ကိုယ့်အဖေနဲ့ အမေရဲ့ ဦးခေါင်းတွေလိုပဲ မြင့်မြတ်တယ်။ ဒါကို အမှုမဲ့ အမှတ်မဲ့ အလှဆင်လို့ မရဘူး” လို့ ပိုထီပက်ကီတာထမ်ဆိုသူက ထောက်ပြခဲ့ပါတယ်။ ဒီဓာတ်ပုံတွေကို ဖေ့စ်ဘွတ်ခ်ပေါ်မှာ ပထမဆုံးတင်ခဲ့တဲ့ စိုင်းပါန်နဲ့ စစ်တပ်အရာရှိတွေ၊ ယဉ်ကျေးမှုဆိုင်ရာ တာဝန်ရှိသူတွေဟာ ဖေဖော်ဝါရီ ၁၀ ရက်နေ့က ဗုဒ္ဓဦးခေါင်းတော် ဆင်းတုထားရှိရာ အပန်းဖြေစခန်းကို သွားရောက်စစ်ဆေးခဲ့ကြချိန်မှာတော့ ရုပ်တုထားရှိတာဟာ ဘာသာရေးအနေနဲ့ မဟုတ်ဘဲ အလှဆင်ထားရှိတာဖြစ်ကြောင်း စစ်ဆေးတွေ့ရှိခဲ့ကြတာပါ။ အဲ့ဒီနောက်တော့ ရုပ်တုကို အလှဆင်ထားတာက ဗုဒ္ဓဘာသာကို စော်ကားရာ ရောက်ပြီး မသင့်တော်ကြောင်း အပန်းဖြေစခန်းကို အကြောင်းကြား သတိပေးခဲ့ကြပါတယ်။ ထိုင်းနိုင်ငံမှာ ဗုဒ္ဓရုပ်ပွားတော်တွေကို အလှဆင်တာက ဥပဒေချိုးဖောက်တာဖြစ်ပြီး ထိုင်းဥပဒေ ပုဒ်မ ၂၀၆ အရ ဘာသာရေးကို စော်ကားခြင်း ဒါမှမဟုတ် အသရေဖျက်ခြင်း ဖြစ်တဲ့ ရာဇဝတ်မှုအတွက် ထောင်ဒဏ် ၂ နှစ်မှ ၇ နှစ်အထိ၊ ဒါမှမဟုတ် ဒဏ်ငွေ ဘတ် ၂၀၀၀ မှ ဘတ် ၁ သောင်း ၄ ထောင်အထိ ပေးဆောင်ရမှာ ဖြစ်ပါတယ်။

A d v e r t i s e m e n t With Us

More News
Up