တရားမဝင် သားသတ်မုဆိုးတဦးအား ခြင်္သေ့အုပ်က တိုက်ခိုက်စားသောက်

တောင်အာဖရိကနိုင်ငံ၊ ကရူဂျာ အမျိုးသား ဘေးမဲ့ဥယျာဉ်တခုအနီးမှာ တရားမဝင် သားသတ်မုဆိုးတဦးဟာ ခြင်္သေ့အုပ်စုတစုရဲ့ တိုက်ခိုက်စားသောက်ခြင်းကို ခံခဲ့ရတယ်လို့ အေအက်ဖ်ပီသတင်းတပုဒ်မှာ ဖော်ပြပါတယ်။ အဲဒီမုဆိုးအမျိုးသားရဲ့ အလောင်းကိုတော့ ဖေဖော်ဝါရီ ၁၂ ရက်နေ့က လင်မ်ပိုပိုဒေသတွင်း ပုဂ္ဂလိက ကစားကွင်းဥယျာဉ်နားမှာ တွေ့ရှိခဲ့ကြတာဖြစ်ပြီး ခြင်္သေ့တိုက်ခိုက်ခံရမှုကြောင့် သူ့ရဲ့ ခန္ဓာကိုယ်တခုလုံး မရှိတော့ဘဲ ဦးခေါင်းပိုင်းတခုတည်းသာ ကျန်နေခဲ့တာလို့ ရဲတွေက ဆိုပါတယ်။ ပြီးခဲ့တဲ့နှစ်တွေအတွင်းမှာ သားရိုင်းတိရစ္ဆာန်တွေကို တရားမဝင် အမဲလိုက် သတ်ဖြတ်မှုတွေဟာ ပိုမိုများပြားလာနေခဲ့တာ ဖြစ်တယ်လို့ သတင်းမှာ ဖော်ပြပါတယ်။ “ဒီလူဟာ ဥယျာဉ်အနီးမှာ သားရိုင်းတိရစ္ဆာန်တွေကို ခိုးပြီး အမဲလိုက် သတ်ဖြတ်ဖို့ ကြိုးစားချိန်မှာ ခြင်္သေ့အုပ်နဲ့ တွေ့ခဲ့ပုံရတယ်။ ခြင်္သေ့တွေရဲ့ တိုက်ခိုက်ခံရပြီး သူ့တကိုယ်လုံး အစားခံလိုက်ရလို့ ခေါင်းနဲ့ တခြားအစိတ်အပိုင်း အနည်းငယ်ပဲ ကျန်နေခဲ့တယ်” လို့ လင်မ်ပိုပိုဒေသတွင်း ရဲဌာနမှ တာဝန်ရှိသူ မုတ်တ်ရှီငိုပီးက ပြောပါတယ်။ သေဆုံးသူကို တွေ့ရှိခဲ့တဲ့ နေရာမှာတော့ အမဲလိုက်ရိုင်ဖယ်သေနတ်တလက်ကို တွေ့ရှိခဲ့ပြီး လက်ရှိမှာတော့ ရဲတွေက သေဆုံးသူ ဘယ်သူဘယ်ဝါဖြစ်တယ်ဆိုတာကို အတည်ပြုနိုင်ဖို့ ဆက်လက်လုပ်ဆောင်နေကြတယ်လို့ သတင်းမှာ ဖော်ပြပါတယ်။ ပြီးခဲ့တဲ့နှစ်ကတော့ ခြင်္သေ့ကောင်ရေ တော်တော်များများကို ဒီခရိုင်ထဲက ယာခင်းတခုထဲမှာ အဆိပ်မိသေဆုံးနေတာ တွေ့ရပြီး သူတို့တွေရဲ့ ဦးခေါင်းနဲ့ ခြေသည်းတွေကိုတော့ လှီးဖြတ်ယူဆောင်သွားခဲ့ကြတာကို တွေ့ရတယ်လို့ ဆိုပါတယ်။ ခြင်္သေ့တွေရဲ့ ခန္ဓာကိုယ်အစိတ်အပိုင်းတွေကိုတော့ အာဖရိကဒေသတွင်းမှာ တိုင်းရင်းဆေးအနေနဲ့ အသုံးပြုလေ့ရှိကြတာ ဖြစ်ပါတယ်။ တရားမဝင် သားသတ်မုဆိုးတွေဟာ ဘေးမဲ့ဥယျာဉ်တွေထဲမှ ကြံ့တွေကိုလည်း ပစ်မှတ်ထား သတ်ဖြတ်လေ့ရှိကြပြီး တရုတ်၊ ဗီယက်နမ်နဲ့ တခြားအာရှနိုင်ငံတွေဆီ တင်ပို့ ရောင်းချလေ့ရှိကြတယ်လို့ ဆိုပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up