မြန်မာနိုင်ငံသည် နှစ်ပေါင်းများစွာ ပြည်တွင်းစစ်နွံတွင်း၌ မွန်းနစ်နေခဲ့ရသော နိုင်ငံဖြစ်သည်။ တနည်းအားဖြင့် ကမ္ဘာပေါ်တွင် အရှည်ကြာဆုံး ပြည်တွင်းစစ်ကို တွေ့ကြုံခံစားနေရသော နိုင်ငံဟု ဆိုနိုင်သည်။   ပြည်တွင်းစစ် စတင်ခြင်းနှင့် လွတ်လပ်ရေးရရှိခြင်းသည် မရှေးမနှောင်း ဖြစ်သဖြင့်  ပြီးခဲ့သည့်  ၂၀၁၈ ခုနှစ် ဇန်န၀ါရီလ ၄ ရက်နေ့တွင် ကျရောက်ခဲ့သော ၇၁ နှစ်မြောက် လွတ်လပ်ရေးနေ့သည် ပြည်တွင်းစစ် ၇၁ နှစ် ကြာခဲ့သည်ကိုလည်း အမှတ်ရစေခဲ့သောနေ့တစ်နေ့လည်းဖြစ်သည်။ လွတ်လပ်ရေးနှင့် ပြည်တွင်းစစ်ကို ဆက်စပ်၍ အမှတ်ရခြင်းသည် ဒီမိုကရေစီအကူးအပြောင်း ကာလ အတွက် သတိပေးနေသကဲ့သို့ ရှိပါသည်။ ပြီးခဲ့သည့် ၂၀၁၆ ခုနှစ်နှင့် ၂၀၁၇ ခုနှစ်တို့တွင် ဒေါ်အောင်ဆန်းစုကြည် ဦးဆောင်သော ၂၁ ရာစု ပင်လုံညီလာခံကို နှစ်ကြိမ် တိုင်တိုင် ကျင်းပ ပြီးစီးခဲ့ပြီး ဖြစ်သည်။  သို့တိုင် သေနတ်သံများ ပျောက်ကွယ်မသွားခဲ့ပေ။ ငြိမ်းချမ်းရေးစကားဝိုင်းများ၊ တိုက်ပွဲများ၊ လက်နက်ကိုင်ပဋိပက္ခများ ရောပြွမ်း နေသဖြင့် ယနေ့ခေတ်ကို စစ်နှင့်ငြိမ်းချမ်းရေးခေတ်ဟုပင် အမည်ပေးနိုင်ကောင်းပါသည်။ လွတ်လပ်ရေး၊ ပြည်တွင်းစစ်၊ ဒီမိုကရေစီရေး၊ ဖက်ဒရယ်ပြည်ထောင်စု စသည့် စကားလုံးများသည် “စစ်နှင့် ငြိမ်းချမ်းရေးခေတ်” တွင် ပဲ့တင်ထပ်နေသည်။ နိုင်ငံရေးသမားများ၊ လေ့လာသုံးသပ်သူများ၊ ပညာရှင်များအတွက် မြန်မာ့နိုင်ငံရေးသည် အဆုံးသတ် အဖြေရှာတွေ့ရန် မလွယ်သေးသော ပြဿနာကြီးတရပ် ဖြစ်နေပါသည်။ ဖွဲ့စည်းပုံအခြေခံဥပဒေကြောင့်လား၊ တန်းတူညီမျှမှုကို မဖော်ဆောင်နိုင်သောကြောင့်လား၊ ပဋိပက္ခ အခြေပြု စီးပွားရေးကြောင့်လား၊ သယံဇာတ ကျိန်စာကြောင့်လား၊ လူမျိုးဘာသာ ကွဲပြားမှုများကြောင့်လား စသဖြင့် ထည့်သွင်း တွက်ချက်စရာတွေ များပြားလွန်းလှသည်။     ပြည်ထောင်စုအမြင်နှင့် တရားမျှတမှု မြန်မာ့ပြဿနာအတွက် ရှေးဦးပဏာမအနေနှင့် အလိုအပ်ဆုံးအချက်မှာ ယုံကြည်မှု တည်ဆောက်ရေး ဖြစ်ပါသည်။ ပြည်တွင်းစစ် ရှည်ကြာသည်နှင့်အမျှ လူမျိုးစုများအကြား ယုံကြည်မှု ပျက်ပြားလာခဲ့သည်မှာ ယနေ့ဆိုလျှင် သုညမှ ပြန်ပြီး တည်ဆောက်ရသည့် အခြေသို့ ရောက်ခဲ့ပါပြီ။ ယုံကြည်မှုကို ခိုင်ခိုင်မာမာ တည်ဆောက်နိုင်ခြင်း မရှိသရွေ့ ငြိမ်းချမ်းရေး ဆိုသည်မှာ အိပ်မက်သာသာ ဖြစ်နေမည်ဖြစ်ပြီး ဖက်ဒရယ်ပြည်ထောင်စု ဆိုသည်မှာလည်း စိတ်ကူးယဉ်သက်သက်သာ ဖြစ်နေပါလိမ့်မည်။ ဤအချက်အပေါ်တွင် အငြင်းပွားစရာ ရှိမည်မထင်ပါ။ သို့သော် ယုံကြည်မှုတည်ဆောက်ရန်အတွက် လက်တွေ့ အခက်အခဲက မည်သည့်အရာ ဖြစ်သနည်း ဆိုသည်ကိုတော့ ပွင့်ပွင့်လင်းလင်း ပြောရဲဆိုရဲရန် လိုအပ်ပါလိမ့်မည်။ ဖက်ဒရယ်ပြည်ထောင်စုနှင့်ဆက်နွှယ်၍ ပြောဆိုကြရာတွင် တန်းတူညီမျှရေး ဟူသော အချက်ကို အဓိက ဦးစားပေးပြီး ပြောဆိုတတ်ကြသည်။ တန်းတူညီမျှရေးကို မဖော်ဆောင်နိုင်ခဲ့သောကြောင့် အချင်းချင်း ယုံကြည်မှု ပျက်ပြားနေခြင်းဟုလည်း ကောက်ချက်ချနေကြသည်။ လက်ရှိအနေအထားအရ တန်းတူညီမျှရေး ဆိုသည်ကို မျှော်မှန်းနေလျှင် အလှမ်းဝေးနေလိမ့်မည်ဟု စာရေးသူ ယူဆမိပါသည်။ ရှည်ကြာခဲ့သော လက်နက်ကိုင် ပဋိပက္ခကြောင့် နိုင်ငံရေး၊ စီးပွားရေး၊ ပညာရေး၊ လူမှုရေး အစစတွင် လူမျိုးစုများကြား အကွာခြားကြီး ကွာခြားခဲ့ပါပြီ။ နိမ့်ကျသူက နိမ့်ကျလှပြီး ကြီးမြင့်သူက ကြီးမြင့်လွန်းလှခြင်း၊ တိုးတက်သူက တိုးတက်လှပြီး ဆုတ်ယုတ်သူက ဆုတ်ယုတ်လွန်းလှခြင်း၊ ပေါများသူက ပေါများလှပြီး ရှားပါးသူက ရှားပါးလွန်းလှခြင်း စသဖြင့် အဆင့်အတန်းနှင့် အခွင့်အလမ်းတို့ ကွာဟချက်ကြောင့် တန်းတူညီမျှပါမှ ယုံကြည်မှု ရမည်ဆိုလျှင် ငြိမ်းချမ်းရေး ဖြစ်စဉ်မှာ သုညက တက်နိုင်တော့မည် မဟုတ်ပါ။ သို့ဆိုလျှင် မည်သည့်အချက်ကို ယခုအချိန်တွင် ပဓာနထားသင့်သနည်း ဟူသော မေးခွန်းပေါ်လာပါမည်။  စာရေးသူအတွက်တော့ တန်းတူညီမျှမှု ဆိုသည်ထက် တရားမျှတမှုက လက်ရှိအခြေအနေတွင် ပိုပြီးပဓာနကျသည်ဟု မြင်မိပါသည်။ တရားမျှတမှုနှင့် ဖွဲ့စည်းပုံအခြေခံဥပဒေ ဖြစ်နေသည့် အနေအထားသည်  တရားမျှတမှုကို မဖော်ဆောင်နိုင်သောကြောင့် ရင်ကြားမစေ့နိုင်၊ တရားမျှတမှု မရှိသောကြောင့် ယုံကြည်မှုမတည်ဆောက်နိုင်၊ တရားမျှတသော ခွဲဝေခံစားမှု မရှိသည့်အတွက် သယံဇာတ ပေါကြွယ်ဝခြင်းသည်ပင်လျှင် ပဋိပက္ခကို ဖန်တီးသော အကြောင်းတရား ဖြစ်နေသကဲ့သို့ ရှိသည်။ ထို့ကြောင့် တရားမျှတမှုသည် အရေးတကြီး ဖော်ဆောင်ရမည့်အရာ ဖြစ်လာသည်။ နိုင်ငံရေးလေ့လာသုံးသပ်သူတချို့က တရားမျှတမှုကို မဖော်ဆောင်နိုင်ခြင်းမှာ ဖွဲ့စည်းပုံအခြေခံဥပဒေပြဿနာဟု ထောက်ပြကြသည်။ ဖွဲ့စည်းပုံအခြေခံဥပဒေက တရားမျှတမှုကို အာမ မခံသဖြင့် နိုင်ငံရေးပဋိပက္ခများ ဆက်လက်ဖြစ်ပွားနေဦးမည်ဟု ကောက်ချက်ချသည်။ နိုင်ငံတနိုင်ငံ၏ ဖွဲ့စည်းပုံအခြေခံဥပဒေက တရားမျှတမှုကို မဖော်ကျူးနိုင်သရွေ့ တိုင်းသူပြည်သား အချင်းချင်းကြား စိတ်ဝမ်းကွဲပြားနေကြရမည်ဟူသော အဆိုမှာ အငြင်းပွားစရာ မရှိပါ။ သို့သော် တရားမျှတမှု ဟူသည် လွယ်လွယ်နားလည်နိုင်သော အရာ မဟုတ်သည်ကိုလည်း သိထားရပါမည်။ တရားမျှတမှုနှင့် တန်းတူအခွင့်အရေး တရားမျှတမှု (Justice) နှင့် တန်းတူညီမျှမှု (Equality) သည် မြန်မာ့နိုင်ငံရေးတွင် ဆင်ခြင်စရာ အကောင်းဆုံး သဘောတရားများ ဖြစ်သည်။ တန်းတူညီမျှမှ တရားမျှတမည်ဟု ကောက်ချက်ချတတ်သည်။ သို့သော် တန်းတူညီမျှတိုင်း တရားမျှတမှု မရှိသည့်သဘောကို ထည့်သွင်းစဉ်းစားမှ တချို့ပြဿနာများ ပြေလည်နိုင်မည်ကို သတိထားရန် လိုအပ်ပါသည်။ ဂျွန်ရော (John Rawls) ၏ တရားမျှတမှု သဘောတရားတခု ဖြစ်သော (A Theory of Justice) စာအုပ်ကို အနည်းငယ် ကိုးကားချင်ပါသည်။ ထိုစာအုပ်သည်  ၁၉၇၁ ခုနှစ်က ထုတ်ဝေခဲ့ပြီး ကမ္ဘာကို ရိုက်ခတ်ခဲ့သော စာအုပ်တအုပ်လည်း ဖြစ်သည်။  ဂျွန်ရောက သူ၏ စာအုပ်တွင် သေချာစွာ ရှင်းလင်းဖွင့်ဆိုခဲ့သည့် မဖြစ်မနေ မှတ်သားထိုက်သော အချက်တချက် ရှိပါသည်။ တရားမျှတမှုသည် တန်းတူညီမျှမှုနှင့် အတူတူဟု ထင်တတ်ကြသော်လည်း (ဂျွန်ရော၏ သီအိုရီအရ) ယင်းသဘောတရားနှစ်ခုသည် ကွဲလွဲနေတတ်ဟု ထောက်ပြခဲ့သည်။ တန်းတူညီမျှ ဆိုသည့် သဘောသည် အညီအမျှ ခွဲဝေရရှိသည့်သဘော ဖြစ်သည်။ ယင်းသို့ တန်းတူညီမျှစွာ အခွင့်အရေး ခွဲဝေရရှိခြင်းသည် အဆင့်အတန်းတူသည့် ဘက်နှစ်ဖက်အတွက် တရားမျှတမှုကို ဖော်ဆောင်နိုင်သော်လည်း နဂိုကတည်းက အဆင့်အတန်း မတူညီသည့် ဘက်နှစ်ဖက်အတွက်တော့ တရားမျှတမှုကို ပိုပြီး တိမ်းစောင်းသွားစေနိုင်ပါသည်။ အထူးသဖြင့် ပြည်ထောင်စုစနစ်ကို ဖန်တီးလိုပါက ယင်းအချက်ကို သတိကောင်းကောင်း ထားသင့်ပါသည်။ ဂျွန်ရော၏ တရားမျှတတမှု သီအိုရီအရမူ နိမ့်ကျနေသည့်သူကို အခွင့်အရေး ပိုပေးမှသာ တရားမျှတသည်ဟု ဖွင့်ဆိုထားသည်။ ဥပမာ- ချင်းပြည်နယ် သို့မဟုတ် ရခိုင်ပြည်နယ်တွင် ရှိနေသော ၁၀ တန်းကျောင်းသားတယောက်သည် ရန်ကုန်မြို့တွင် ရှိနေသော  ၁၀ တန်း ကျောင်းသားတယောက်ကို  မည်သို့မျှ ယှဉ်နိုင်မည် မဟုတ်ပေ။ ထိုသို့ မယှဉ်နိုင်သည့်အတွက်လည်း ဆေးတက္ကသိုလ်တက်ခွင့် ရရှိသူများတွင် ရန်ကုန်က ကျောင်းသားများကသာ အမြဲများပြားနေပါမည်။ ရန်ကုန်က ကျောင်းသားများက အခွင့်အလမ်းသာနေသည့်အတွက် ရန်ကုန်တွင်သာ ဆရာဝန်ဦးရေ များပြားမည်။ ချင်းပြည်နယ်ကမူ ထိုသို့ ဖြစ်ရန် အခွင့်အလမ်း နည်းပါးသည်။ ထို့ကြောင့် ချင်းပြည်နယ်က လူကို ဟန်းဒီကက် (Handicap) ပေးပါမှ တရားမျှတမည်ဟု ဂျွန်ရော၏ သီအိုရီအရ ကောက်ချက်ချရမည် ဖြစ်သည်။ ၂၀၁၄ ခုနှစ် မြန်မာနိုင်ငံ၏ လူဦးရေနှင့် အိမ်အကြောင်းအရာ သန်းခေါင်စာရင်းအရ ချင်းပြည်နယ်တွင်  လူဦးရေစုစု ပေါင်း ၄၇၈ ၈၀၁ ဦးရှိပြီး၊ ယင်းအနက် ယောက်ျားဦးရေ  ၂၂၉၆၀၄ ဦးနှင့် မ ဦးရေ ၂၄၆၁၉၇ ဦး ရှိကြောင်း သိရသည်။ စာတတ်မြောက်မှု ရာခိုင်နှုန်းအား လေ့လာရာတွင်  ၁၅ နှစ်နှင့်အထက် စာတတ်မြောက်သူ ပမာဏ ၇၁ ဒသမ ၉ ရာခိုင်နှုန်း ရှိကြောင်း သိရသော်လည်း တက္ကသိုလ်အဆင့်သို့ ရောက်သည့် ကျောင်းသား ဦးရေ ၉၉၉၄ ဦးသာရှိပြီး ဘွဲ့လန်တက်နိုင်သူ ၉၃၉ ဦးသာ ရှိကြောင်း သိရှိရသည်။ အသက်မွေးဝမ်းကျောင်းသင်တန်း တက်ရောက်နိုင်သူ ဦးရေ ၃၁၄ ဦးသာ ဖော်ပြထားသည်။ ထို့ကြောင့် ဆေးတက္ကသိုလ်ဝင်ခွင့် အမှတ်ကို သတ်မှတ်ရာတွင် တနိုင်ငံလုံးအတွက် တသမတ်တည်း သတ်မှတ်ခြင်းသည် တရားမျှတပါသလားဟု စဉ်းစားသင့်သည်။ ရန်ကုန် ကျောင်းသားကို  အမှတ် ၅၀၀ နှင့် ဝင်ခွင့်ပေးပြီး ချင်းပြည်နယ် သို့မဟုတ် ရခိုင်ပြည်နယ်က ကျောင်းသားကို ၅၀၀ ထက်နည်းသော အမှတ်ဖြင့် ဝင်ခွင့်ပြုပါမှ တရားမျှတမှုကို ဖော်ဆောင်နိုင်ပါလိမ့်မည်။ (မှတ်ချက်။  ချင်းနှင့် ရခိုင်ကို ရွေးချယ်ဥပမာပေးခြင်းမှာ အဆင်းရဲဆုံး ပြည်နယ်များ ဖြစ်နေသည့်အတွက် ဖြစ်ပါသည်။) သို့ပါမှ ယင်းတိုင်းရင်းသားများသည်လည်း ဆရာဝန်ဖြစ်ခွင့် ရလာပါလိမ့်မည်။ ဥပမာ ချင်းပြည်နယ်တွင် ချင်းလူမျိုး ဆရာဝန်တွေ များလာပါလိမ့်မည်။ ချင်းပြည်နယ်သည် ကျန်းမာရေးတွင် ပိုပြီးဖွံ့ဖြိုးလာပါမည်။ ချင်းလူမျိုး၏ ဥပဓိအမှတ်အသား (Indentity) သည် ပို၍မြင့်မားလာပါမည်။ ဤသည်မှာ တရားမျှတမှုကို ထည့်သွင်းစဉ်းစားပါမှ ပြည်ထောင်စု ဟူသော အမြင်အတွက် အထောက်အပံ့ဖြစ်မည်ကို ပြညွှန်းသည့် ဥပမာတခု ဖြစ်ပါသည်။ တနည်းအားဖြင့် ယင်းကဲ့သို့ တရားမျှတမှုကို ဦးစားပေးသည့်အဆင့်မှ တန်းတူညီမျှ အဆင့်သို့ ရောက်လာနိုင်ခြင်းကို သဘောပေါက်ခြင်းသည် ပြည်ထောင်စုအမြင်ကို ပိုမို ရှင်သန် ထွန်းကားလာစေလိမ့်မည်။ ပြည်ထောင်စုအမြင် ပြည်ထောင်စု ဆိုသည့် အမြင်သည် လုံးဝ မရှိခဲ့သည် မဟုတ်။ ဖက်ဒရယ်ပြည်ထောင်စု တည်ထောင်ရန် ပင်လုံညီလာခံ ပြုလုပ်ခဲ့သည်မှာ ယင်းကို အထင်အရှား ပြဆိုထားခြင်း ဖြစ်သည်။ ငြိမ်းချမ်းရေးဆွေးနွေးပွဲများ လုပ်ဆောင်နေခြင်းသည်လည်း ပြည်ထောင်စုအမြင်ဖြင့် လုပ်ဆောင်နေခြင်းဟု ယေဘုယျအားဖြင့် ကောက်ချက်ချနိုင်သည်။ သို့သော်ငြား ပြည်ထောင်စု ဆိုသည်ကို လူတိုင်း၏ ဉာဏ်မျက်စိတွင် အနာဂတ်ရုပ်ပုံ (Vision) အဖြစ် မြင်အောင်ကြည့်ရန် လွယ်ကူလှသည်တော့ မဟုတ်။ မြင်အောင် ကြည့်နိုင်မှ ဉာဏ်ရည်ပြည့်ဝပြီး ကျင့်ကြံ လုပ်ဆောင်မှုမှန်သမျှသည် ပြည်ထောင်စုလူ့အဖွဲ့အစည်း ဟူသော သဘောကို ထင်ဟပ်နိုင်ပါလိမ့်မည်။ ပြည်ထောင်စုသည် လူ့အဖွဲ့အစည်းပုံစံတခု၊ လောကပုံစံတခု ဖြစ်ပါသည်။ ပြည်ထောင်စု ဆိုသည်မှာ သူ့ဘာသာ ဖြစ်တည်လာခြင်း မဟုတ်။ ပြည်ထောင်စုနှင့် သက်ဆိုင်သည့် ဆက်ဆံရေးကို တည်ဆောက်နိုင်မှ ဖြစ်လာမည့်အရာ ဖြစ်သည်။ စင်စစ်  ပြည်ထောင်စု ဖြစ်ပေါ်လာရေးအတွက် လူမျိုးစုတို့နှင့် ဆက်ဆံရေး ရှိရမည်။ မြန်မာက ကျန်လူမျိုးများကို ဆက်ဆံသလို ကျန်သည့်လူမျိုးများကလည်း အခြား အခြားသော တိုင်းရင်းသား လူမျိုးများနှင့် ဆက်ဆံရသည်။ ဥပမာ လူမျိုး ၁၀ မျိုးရှိသည် ဆိုပါက အခြား ၉  မျိုးနှင့် ဆက်ဆံရမည်။ လူမျိုး  ၁၃၅ မျိုး ရှိသည်ဆိုလျှင်  လူမျိုးတမျိုးက ကျန်သည့် ၁၃၄ မျိုးနှင့် ဆက်ဆံရမည်။ ထိုသို့ အားလုံးနှင့် ဆက်ဆံရေးရှိမှ ပြည်ထောင်စု ဆိုသည့် လောကတခု ပေါ်လာပေလိမ့်မည်။ ထိုဆက်ဆံရေးမှာ မည်သည့်ဆက်ဆံရေးမျိုး ဖြစ်သင့်သနည်း။ ငြိမ်းချမ်းသည့် ပြည်ထောင်စုကို လိုချင်ပါက ငြိမ်းချမ်းသည့် ပြည်ထောင်စုနှင့်ဆိုင်သည့် ဆက်ဆံရေးမျိုး ဖြစ်ရမည်သာ ဖြစ်သည်။ ထိုနေရာတွင်  တရားမျှတမှုကို အခြေခံသော ဆက်ဆံရေးမျိုး ဖြစ်ရပါလိမ့်မည်။ အမှန်တွင် ပြည်ထောင်စုစိတ်ဓာတ် ဆိုသည်မှာ (လတ်တလော အနေအထားအရ) နောက်တန်းကျနေသည့် သူကို ပိုပြီးအခွင့်အရေးပေးသည့် စိတ်ဓာတ်ဟု တွေးမြင်နိုင်ပါက ပိုပြီးလေးနက်မှု ရှိပါလိမ့်မည်။ ပြည်ထောင်စုအမြင်ဖြင့် စဉ်းစားမည်ဆိုလျှင် ဖွံ့ဖြိုးမှုဆိုသည့် အပိုင်းကို မဖြစ်မနေ ထည့်သွင်းရပါမည်။ အားလုံးအတူတူ ဖွံ့ဖြိုးရန် လိုအပ်ပါသည်။ ထို့အတွက် မဖွံ့ဖြိုးသေးသည့် ဒေသများကို ဖွံ့ဖြိုးရေးဆိုင်ရာ အခွင့်အလမ်းများ ပို၍ ပေးရပါမည်။ ယင်းမှာ ပြည်ထောင်စုစိတ်ဓာတ်ပင် ဖြစ်သည်။ ငြိမ်းချမ်းမှု ဆိုသည်မှ တရားမျှတမှုရှိမှသာ ရရှိနိုင်သည့်အရာ ဖြစ်သည်။  တိုင်းရင်းသားများ၏ စိတ်ထဲတွင် တန်းတူညီမျှမှု မရှိ၊ တရားမျှတမှု မရှိဟု ယူဆနေသေးသရွေ့ ငြိမ်းချမ်းသော ဆက်ဆံရေးမှုမျိုးကို ကျင့်သုံးလိုသောဆန္ဒ ရှိမည် မဟုတ်ပေ။ ငြိမ်းချမ်းရေး ဆိုသည်မှာ ယင်းဆက်ဆံရေး၏ အကျိုးရလဒ် ဖြစ်နေသည့် အတွက်ဟု ဆိုရပေမည်။ ငြိမ်းချမ်းရေးနှင့် တိုင်းပြည်စီးပွားရေး UNHCR ၏ ခန့်မှန်းဖော်ပြချက်အရမူ မြန်မာနိုင်ငံတွင် စစ်ဘေးဒုက္ခသည် ဦးရေ   ၅၈၇၀၀၀ (၂၀၁၅) ရှိကြောင်းနှင့်  (IDMC) ၏ ခန့်မှန်းချက်အရမူ ၆၄၃၀၀၀ (၂၀၁၄) ရှိကြောင်း သိရသည်။ ယင်းအနက် ဒုက္ခသည်စခန်း (IDP Camps)  များတွင် နေထိုင်သူမှာ သောင်းဂဏန်းလောက်သာရှိပြီး အများစုမှာ စစ်ဘေးရှောင်ရင်း ကြုံသလို နေထိုင် စားသောက်နေကြကြောင်းလည်း လေ့လာတွေ့ရှိရသည်။ စစ်ဘေးဒုက္ခသည်များသည် ထိုင်းနယ်စပ်နှင့် တရုတ်နယ်စပ်တို့တွင် ပျံ့နှံ့နေထိုင်ကြသည်။ စစ်ဘေးဒဏ်သင့် ပြည်သူများသည် မိမိရပ်တည်ရေးအတွက်ပင် ဘာမှ မသေချာသည့်သူများ ဖြစ်သည်။ တိုင်းပြည်တပြည်လုံးနှင့်ယှဉ်ကာ စီးပွားရေးရှုထောင့်မှ ကြည့်ပါက ထုတ်လုပ်မှုမယ့်နေသူများ ဖြစ်သည်။ စစ်ကြောင့် ပုန်းရှောင်နေရသော စစ်ဘေးဒုက္ခသည်များကို ကူညီပေးရန် လိုအပ်လာသည့်အတွက် တိုင်းပြည်အတွက်လည်း စရိတ်ထောင်းတော့သည်။ ဥပမာ စစ်ဘေးဒုက္ခသည် တဦးကို တရက် စားစရိတ်ငွေ တဒေါ်လာနှင့် တွက်လျှင်ပင် သုံးနှစ်ဆိုလျှင် အမေရိကန်ဒေါ်လာ ၁ ဘီလီယံကျော် ရှိနေသည်။ ယင်းပမာဏသည် နေရာထိုင်ခင်းနှင့် စားစရိတ်သာ ဖြစ်သည်။ ပညာသင်စရိတ်နှင့် ကျန်းမာရေး စောင့်ရှောက်မှု မပါဝင်ပေ။ ထို့နည်းတူ စစ်ဖြစ်နေသော တိုင်းပြည်တွင် ကာကွယ်ရေး အသုံးစရိတ်များ မြင့်တက်နေတတ်နေပြီး နိုင်ငံတော်က နှစ်စဉ် ကျခံနေရသည်။ ဥပမာ မြန်မာနိုင်ငံ၏ ဘတ်ဂျက်ခွဲဝေရာတွင် စစ်သုံးစရိတ်သည် နှစ်စဉ် ဂဏန်းနှစ်လုံးဖြင့် ဦးဆောင်နေသည်။ ဥပမာ ၂၀၁၂- ၁၃ ဘဏ္ဍာနှစ်တွင် ၁၆ ဒသမ ၄၆ ရာခိုင်နှုန်း၊ ၂၀၁၃-၁၄ ဘဏ္ဍာနှစ်တွင် ၁၃ ဒသမ ၉၁ ရာခိုင်နှုန်း၊  ၂၀၁၄-၁၅ ဘဏ္ဍာနှစ်တွင် ၁၃ ဒသမ ၄၄ ရာခိုင်နှုန်း၊ ၂၀၁၅-၁၆ ဘဏ္ဍာနှစ်တွင် ၁၃ ဒသမ ၃၄ ရာခိုင်နှုန်း (ထပ်တိုးမပါ)၊ ၂၀၁၆-၁၇ ဘဏ္ဍာနှစ်တွင် ၁၃ ဒသမ ၄၄ ရာခိုင်နှုန်း (ထပ်တိုးမပါ) အသီးသီး ဖြစ်သည်။ ဥပမာ မြန်မာနိုင်ငံ၏ ၂၀၁၆- ၁၇ ဘဏ္ဍာနှစ်၏ GDP ကို အမေရိကန်ဒေါ်လာ ၆၁ ဘီလီယံဖြင့် တွက်ပါက ထပ်တိုးမပါဘဲ မူလခန့်မှန်းခြေအပေါ် မူတည်တွက်သော စစ်သုံးစရိတ်သည် အမေရိကန်ဒေါ်လာ ၈ ဒသမ ၁၉ ဘီလီယံ ဖြစ်နေသည်။ ထို့ကြောင့် စီးပွားရေးအမြင်ဖြင့် ကြည့်လျှင်လည်း စစ်ပွဲများ ချုပ်ငြိမ်းရန်၊ ငြိမ်းချမ်းရေးရရန် လိုအပ်ပါသည်။ တရားမျှတမှုနှင့် ငြိမ်းချမ်းရေး.. အချုပ်ဆိုရသော် ငြိမ်းချမ်းရေးရရန် ဆိုသည့် နေရာတွင် တရားမျှတမှုသည် များစွာ အခရာကျနေပါသည်။ တရားမျှတသည့် ဆက်ဆံရေးရှိမှသာလျှင် တချိန်ချိန်တွင် တန်းတူညီမျှသည့် အဆင့်ကို ရောက်လာပေလိမ့်မည်။ တိုင်းရင်းသားအားလုံး ပေါင်းစည်းခြင်းအားဖြင့် တရားမျှတမှုနှင့် တန်းတူညီမျှမှုကို ရလာပါက လောကတခု ဖွံ့ဖြိုးလာပေလိမ့်မည်။ ထို့အတူ တိုင်းရင်းသားများကလည်း တို့အားလုံး ဖွံ့ဖြိုးပါလား ဆိုသည့် အမြင်ကို ရလာပေလိမ့်မည်။ သို့မှသာ ငြိမ်းချမ်းရေးကို ဦးတည်လာပေလိမ့်မည်။  ထိုအမြင် မရှိပါက မအောင်မြင်နိုင်။ ဥပမာ အမေရိကန်နိုင်ငံတွင် ပြည်နယ်တခု နိမ့်ကျနေပါက နိမ့်ကျသည့် ပြည်နယ်ကို အခွင့်အလမ်း ပိုပေးတတ်သည်။ နိမ့်ကျနေသည့်သူသည် လိုအပ်ချက် ပိုမင့်နေသောသူ ဖြစ်သည်။ ကျန်းမာရေး စောင့်ရှောက်မှု၊ ပညာရေးမြှင့်တင်မှု အစစ လိုအပ်နေကြသည်။ သို့သော် ထိုသို့ ပြုလုပ်ခြင်းမှာ တိုက်ရိုက်သဘောအားဖြင့် တန်းတူညီမျှမှု မဟုတ်သော်လည်း တန်းတူညီမျှရေးဆီသို့ ဦးတည်သည့် တရားမျှတမှု ဖြစ်ပါသည်။  မြန်မာနိုင်ငံကဲ့သို့ တန်းတူညီမျှမှု ကွာခြားလွန်းသည့် နိုင်ငံတွင် တရားမျှတမှုကို အခြေခံ၍ ကျင့်သုံးခြင်းဖြင့်သာ ပြည်ထောင်စုစိတ်ဓာတ်ကို ရရှိလာပါလိမ့်မည်။ တဦးချင်း အကျိုးစီးပွား၊ သို့မဟုတ် လူမျိုးတမျိုးချင်း အကျိုးစီးပွားကိုသာ ကြည့်နေသရွေ့ ပြည်ထောင်စုအမြင်လည်း မှုန်ဝါးနေပါလိမ့်မည်။ ပြည်ထောင်စုအမြင် မရှိသေးလျှင် လုပ်သမျှ ကိုင်သမျှမှာ ကိုယ့်လူမျိုး ကောင်းစားရေးသက်သက်ကိုသာ ဦးတည်နေလိမ့်မည်။ အချင်းချင်း ယုံကြည်မှုလည်း နည်းပါးနေလိမ့်မည်။  အမျိုးသားပြန်လည်သင့်မြတ်ရေး (National Recouncilation) လည်း ဝေးနေလိမ့်မည်။ ဂျွန်ရော (John Rawls) တင်ပြသည့် တရားမျှတမှု သဘောတရားသည်  နိုင်ငံ တနိုင်ငံလုံးနှင့်ဆိုင်သည့် တရားမျှတမှု ဖြစ်သည်။ နိုင်ငံတနိုင်ငံတွင် တရားမျှတမှု (justice) ရှိခြင်း ဆိုသည်မှာ အားလုံးဖွံ့ဖြိုးရန်အတွက် ဖြစ်သည်။ အထူးသဖြင့် ဖက်ဒရယ်ပြည်ထောင်စုကို ရည်မှန်းသည့် မြန်မာနိုင်ငံအတွက် အလေးအနက်ထားရမည့် သဘောတရား ဖြစ်သည်။ နှစ်ကာလရှည်ကြာစွာ ဖြစ်နေခဲ့ရသော ပဋိပက္ခကို ဖြေရှင်းရန်အတွက် တရားမျှတမှု သဘောတရားကို နားလည်သဘောပေါက်ပြီး လေးလေးနက်နက် ကျင့်သုံးရန်သာ ရှိပါသည်။ ယမင်းမြတ်အေး