A d v e r t i s e m e n t With Us

ချဲလ်ဆီး၊ မန်ယူ အနိုင်ကန်မည့် ပရီးမီးယားလိဂ် ပွဲစဉ်များ

ပရီးမီးယားလိဂ် ပွဲစဉ် ၂၇ အဖြစ် တနင်္ဂနွေနေ့မှာ ဟတ်ဒါဖီးလ်ဒ်နဲ့ ဘုန်းမောက်၊ နယူးကာဆယ်နဲ့ မန်ယူ၊ ဆောက်သမ်တန်နဲ့ လီဗာပူးတို့ တွေ့ဆုံနေပြီး ချဲလ်ဆီး-ဝက်စ်ဘရွန်းကတော့ အင်္ဂါမနက် အစောပိုင်း ယှဉ်ပြိုင်မှာ ဖြစ်ပါတယ်။ ဟတ်ဒါဖီးလ်ဒ်-ဘုန်းမောက် ဟတ်ဒါဖီးလ်ဒ်ဟာ နောက်ဆုံးယှဉ်ပြိုင်ခဲ့တဲ့ ပရီးမီးယားလိဂ် ၅ ပွဲလုံး ရှုံးပွဲတွေ့ခဲ့ပြီး လက်ရှိ အမှတ်ပေးဇယားမှာလည်း တန်းဆင်းဇုန် အဆင့် ၁၉ မှာ ရပ်တည်နေပါတယ်။ ဒါပေမယ့်လည်း ကြားရက်က ယှဉ်ပြိုင်ခဲ့တဲ့ အက်ဖ်အေဖလား စတုတ္ထအဆင့် ပြန်ကန်ပွဲစဉ်မှာတော့ ချန်ပီယံရှစ်ကလပ် ဘာမင်ဂမ်ကို အချိန်ပိုသွင်းဂိုး လေးဂိုးတဂိုးနဲ့နိုင်ပြီး ပဉ္စမအဆင့်ကို တက်လှမ်းနိုင်ခဲ့တဲ့အတွက် စိတ်ပိုင်းဆိုင်ရာ တက်ကြွမှု ရှိနေမှာ ဖြစ်ပါတယ်။ ဘုန်းမောက်ကလည်း ပရီးမီးယားလိဂ် နောက်ဆုံးသုံးပွဲမှာ ၂ ပွဲနိုင်၊ ၁ ပွဲသရေ ရလဒ်နဲ့ ရလဒ်ကောင်းတွေ ရယူထားနိုင်နေတာပါ။ ဒါပေမယ့်လည်း ဘုန်းမောက်ဟာ အဝေးကွင်းပွဲတွေမှာ ရုန်းကန်ရလေ့ရှိပြီး အဝေးကွင်း ၁၃ ပွဲမှာ ၃ ပွဲပဲ အနိုင်ရပြီး ၄ ပွဲသရေ၊ ၆ ပွဲ ရှုံးနိမ့်ထားပါတယ်။ လက်ရှိမှာလည်း အသင်းတိုက်စစ်မှူး ဒီဖိုး ဒဏ်ရာရနေတဲ့အတွက် တိုက်စစ်ပိုင်း အားနည်းဖွယ် ရှိပါတယ်။ ဒီနှစ်သင်း နောက်ဆုံးတွေ့ဆုံမှုမှာ ဘုန်းမောက်က ၄ ဂိုး ဂိုးမရှိနဲ့ အနိုင်ရခဲ့ပေမယ့် အခု ဒုတိယအကျော့မှာတော့ တန်းဆင်းဇုန်က လွတ်မြောက်ရေး ရုန်းကန်လာမယ့် ဟတ်ဒါဖီးလ်ဒ်ကြောင့် ဘုန်းမောက် အခက်တွေ့နိုင်ပြီး အနိုင်ရဖို့ မလွယ်ဘဲ သွင်းဂိုးနည်းနည်းနဲ့ သရေကျသွားနိုင်ချေ ရှိနေပါတယ်။ နယူးကာဆယ်-မန်ယူ တန်းတက် နယူးကာဆယ်အသင်းဟာ ဒီရာသီ ပရီးမီးယားလိဂ်မှာ ရုန်းကန်နေရပြီး ပရီးမီးယားလိဂ် ပွဲစဉ် ၂၆ ပွဲအပြီးမှာ နိုင်ပွဲ ၆ ပွဲပဲရှိပြီး ၇ ပွဲသရေ၊ ၁၃ ပွဲရှုံးနိမ့်ကာ ရမှတ် ၂၅ မှတ်နဲ့ တန်းဆင်းဇုန်အထက် အဆင့် ၁၆ မှာ ရပ်တည်နေပါတယ်။ ဒါပေမယ့်လည်း တန်းဆင်းဇုန်အတွင်းက အသင်းတွေနဲ့ အမှတ်မကွာတဲ့အတွက် လာမယ့်ရာသီ တန်းမဆင်းရရေး ရုန်းကန်ရမှာပါ။ ဒါ့အပြင် နယူးကာဆယ်ဟာ ပရီးမီးယားလိဂ် အိမ်ကွင်း နောက်ဆုံး ၈ ပွဲမှာ နိုင်ပွဲမရဘဲ သရေပွဲနဲ့ ရှုံးပွဲတွေပဲ တွေ့ခဲ့တာပါ။ မန်ယူကလည်း လက်ရှိ ပရီးမီးယားလိဂ် အမှတ်ပေးဇယား အဆင့် ၂ နေရာမှာ ရပ်တည်နေပေမယ့် အောက်ကအသင်းတွေနဲ့ အမှတ်မပြတ်တာမို့ လာမယ့်ရာသီ ချန်ပီယံဝင်ခွင့်ရ ထိပ်ဆုံးလေးသင်းအတွင်းဝင်ရေး အမှားခံလို့ မရတဲ့ အနေအထား ဖြစ်နေပါတယ်။ မန်ယူဟာ အာဆင်နယ်က ဆန်းချက်ဇ်ကို ခေါ်ယူထားတဲ့အတွက် တိုက်စစ်ပိုင်း ပိုကောင်းလာနိုင်ပေမယ့် ဆန်းချက်ဇ်နဲ့ ကျန်ကစားသမားတွေ အချိတ်အဆက်အပိုင်းမှာတော့ အားနည်းနေသေးတာ တွေ့ရပါတယ်။ ဒါ့အပြင် အဓိက ကွင်းလယ်လူ ပေါ့ဂ်ဘာကို ပြီးခဲ့တဲ့ပွဲစဉ်မှာ အရန်ခုံပို့ထားတဲ့ နည်းပြ မော်ရင်ဟိုရဲ့ ဗျူဟာကလည်း မေးခွန်းထုတ်စရာ ဖြစ်နေပါတယ်။ ဒါပေမယ့်လည်း ရာသီကုန်ဆုံးခါနီး အမှားခံလို့မရတော့တဲ့ အခြေအနေ ဖြစ်နေတာမို့ မန်ယူအနေနဲ့ နိုင်သင့်တဲ့ပွဲတွေကို အနိုင်ကန်ပြီး အမှတ်ဆုံးရှုံးမှု မရှိအောင် ကြိုးစားမှာဖြစ်တဲ့အတွက် ပထမအကျော့က လေးဂိုး တဂိုးနဲ့ အနိုင်ရခဲ့တဲ့ မန်ယူပဲ နိုင်ပွဲထပ်ယူသွားနိုင်လိမ့်မယ်လို့ ယူဆမိပါတယ်။ ဆောက်သမ်တန်-လီဗာပူး အခုနောက်ပိုင်းပွဲစဉ်တွေမှာ ဆောက်သမ်တန်ဟာ အမှတ်ဆုံးရှုံးမှုမရှိအောင် ကစားနေလို့ လီဗာပူး အခက်တွေ့ဖွယ် ရှိနိုင်ပါတယ်။ ဆောက်သမ်တန်ဟာ လက်ရှိ အမှတ်ပေးဇယား အဆင့် ၁၅ မှာ ရပ်တည်နေတယ် ဆိုပေမယ့် တန်းဆင်းဇုန်အသင်းတွေနဲ့ အမှတ်မကွာတဲ့အတွက်လည်း ရာသီကုန် ပရီးမီးယားလိဂ်မှာ တင်ကျန်နိုင်ရေး ကြိုးစားရုန်းကန်နေတာပါ။ ဒါ့အပြင် တိုက်စစ်မှူး အော်စတင်ကလွဲလို့ ကျန်ကစားသမားတွေ ပွဲပယ်၊ ဒဏ်ရာရတာ ကင်းစင်နေတဲ့အတွက်လည်း အိမ်ကွင်းမှာ ရလဒ်ကောင်းရဖို့ ဆောက်သမ်တန် အင်ပြည့်အားပြည့် ကစားလာဖို့ရှိပါတယ်။ လက်ရှိ အမှတ်ပေးဇယား အဆင့် ၃ မှာ ရပ်တည်နေတဲ့ လီဗာပူးအသင်းဟာ ရာသီကုန် ထိပ်ဆုံးလေးသင်းအတွင်းဝင်ရေး ကြိုးစားနေရပါတယ်။ အဓိက ကွင်းလယ်လူ ကော်တင်ဟိုကို ရောင်းချလိုက်ပြီး နောက်ပိုင်း ကွင်းလယ်ပံ့ပိုးမှု အားနည်းသွားပြီး ရလဒ်ပိုင်း မတည်မငြိမ် ဖြစ်လာနေတာပါ။ အမှတ်ပေးဇယားထိပ်က မန်စီးတီးကို အိမ်ကွင်းမှာ လေးဂိုး သုံးဂိုးနဲ့ အနိုင်ရခဲ့ပေမယ့် ဆွမ်ဆီးကို အဝေးကွင်းမှာ တဂိုး ဂိုးမရှိနဲ့ ပြန်ရှုံးခဲ့တဲ့ ရလဒ်က ခြေစွမ်း မတည်ငြိမ်မှုကို ပြသနေတာပါ။ ဒီနှစ်သင်း ပထမအကျော့ တွေ့ခဲ့တုန်းက လီဗာပူး သုံးဂိုးပြတ်နဲ့ အနိုင်ရခဲ့ပေမယ့် အခု ဒုတိယအကျော့မှာတော့ တန်းဆင်းဇုန်နဲ့ ၂ မှတ်သာ ကွာဟတဲ့ ဆောက်သမ်တန်ရဲ့ ရုန်းအားကြောင့် လီဗာပူး အခက်တွေ့နိုင်ပြီး အမှတ်ဆုံးရှုံးနိုင်ခြေ ရှိနေပါတယ်။ ချဲလ်ဆီး-ဝက်စ်ဘရွန်း ပရီးမီးယားလိဂ်မှာ ရှုံးပွဲဆက်ပြီး ဖိအားတွေဝင်နေတဲ့ ချဲလ်ဆီးနည်းပြ ကွန်တီအတွက် ဒီပွဲဟာ မဖြစ်မနေ နိုင်ပွဲပြန်ယူရမယ့်ပွဲတပွဲ ဖြစ်နေတာပါ။ လက်ရှိ အမှတ်ပေးဇယားမှာလည်း ရမှတ် ၅၀ နဲ့ အဆင့် ၄ မှာ ရပ်တည်နေတယ်ဆိုပေမယ့် အဆင့် ၅ က စပါးနဲ့ တမှတ်သာ ကွာဟနေတာပါ။ ဒါကြောင့် လာမယ့်ရာသီ ချန်ပီယံလိဂ် ဝင်ခွင့်ရဖို့ပါ ရုန်းကန်နေရတဲ့အတွက် ချဲလ်ဆီးဟာ ဒီပွဲကို နိုင်မှဖြစ်မယ့်အခြေအနေ ရှိနေတာပါ။ ချဲလ်ဆီးအသင်းဟာ တိုက်စစ်မှူး မိုရာတာ ဒဏ်ရာကြောင့် ပါဝင်နိုင်မှာမဟုတ်ဘဲ ကွင်းလယ်လူ ဘာကာယိုကိုလည်း ပွဲပယ်ခံထားရတဲ့ ဒီပွဲကို လွဲချော်မှာပါ။ ဒါကြောင့် ချဲလ်ဆီးဟာ တိုက်စစ်မှာ အသစ်ခေါ်ယူထားတဲ့ အာဆင်နယ် တိုက်စစ်မှူးဟောင်း ဂျရူးကို ပွဲထွက်အသုံးပြုလာမယ်လို့ ခန့်မှန်းရပြီး ကျန် အဓိက ကစားသမားတွေဖြစ်တဲ့ ကော့တွိုက်စ်၊ ရူဒီဂါ၊ အလွန်ဆို၊ ဟာဇက်၊ ကန်တေး၊ ဖာဘရီဂတ်စ် စတဲ့ ကစားသမားတွေ အသုံးပြုဖွယ် ရှိနေပါတယ်။ ဝက်စ်ဘရွန်းအသင်းဟာ ပွဲစဉ် ၂၆ အပြီးမှာ  နိုင်ပွဲ ၃ ပွဲပဲရှိပြီး ၁၁ ပွဲသရေ၊ ၁၂ ပွဲရှုံး၊ ရမှတ် ၂၀ နဲ့ အမှတ်ပေးဇယား အောက်ဆုံးမှာရှိနေပြီး တန်းဆင်းရမယ့် အခြေအနေနဲ့ ကြုံနေရပါတယ်။ ရာသီအစကတည်းက ရလဒ်တွေမကောင်းလို့ နည်းပြ တိုနီပူးလစ်ကို ထုတ်ပယ်ခဲ့ပြီးနောက် ပရီးမီးယားလိဂ် အတွေ့အကြုံများတဲ့ အလန်ပါဂျူးကို နည်းပြ ခန့်အပ်ခဲ့ပေမယ့်လည်း ရလဒ်တွေကတော့ ဆိုးရွားနေဆဲပဲ ဖြစ်ပါတယ်။ ဒီနှစ်သင်း ပထမအကျော့မှာ ချဲလ်ဆီးက ၄ ဂိုးပြတ်နဲ့ အနိုင်ရခဲ့သလို အခု ဒုတိယအကျော့မှာလည်း နိုင်ပွဲပြန်ရှာမယ့် ချဲလ်ဆီးပဲ အသာစီးရသွားမယ်လို့ ယူဆမိပါတယ်။ ဘီဘီစီက အားကစားသတင်း သုံးသပ်တင်ဆက်သူ လော်ရိုကလည်း ချဲလ်ဆီး ၂ ဂိုးပြတ်လောက်နဲ့ အနိုင်ရမယ်လို့ ခန့်မှန်းထားသလို အဝေးကွင်း ၁၂ ပွဲဆက် နိုင်ပွဲ ပျောက်ဆုံးနေတဲ့ ဝက်စ်ဘရွန်းအသင်းရဲ့ ခြေစွမ်းကြောင့်လည်း ချဲလ်ဆီးပဲ အနိုင်ရပြီး နည်းပြ ကွန်တီ ဖိအားဒဏ်တွေက လျော့ပါးစေလိမ့်မယ်လို့ သုံးသပ်မိပါတယ်။

A d v e r t i s e m e n t With Us

More News
Up