A d v e r t i s e m e n t With Us

ချုံခိုတိုက်ခိုက်သည့် ခြင်္သေ့အုပ်ရန်မှ အာဖရိကခွေးအ ဘယ်လိုလွတ်မြောက်ခဲ့သလဲ (ရုပ်သံ)

ချုံခိုတိုက်ခိုက်ကြတဲ့ ရန်သူတွေနဲ့ ထိပ်တိုက်ရင်ဆိုင်ရချိန်မှာ လွတ်မြောက်နိုင်ဖို့ဆိုတာ တကယ့်ကို ခက်ခဲတဲ့ အခြေအနေတခုပါပဲ။ ဒါပေမယ့် ဒီအဖြစ်အပျက်မှာတော့ ဟိုင်အီးနားလို့ခေါ်တဲ့ အာဖရိကခွေးအ တကောင်ကတော့ ရန်သူခြင်္သေ့အုပ်စုကြားက အံ့သြစရာကောင်းလောက်အောင် ထွက်ပြေး လွတ်မြောက်ခဲ့တာကို တွေ့ရမှာပါ။ ဒီအဖြစ်အပျက်ဟာ တောင်အာဖရိကနိုင်ငံနဲ့ ဘော့စ်ဆွာနာ နှစ်နိုင်ငံကြား နယ်စပ် သားရိုင်းတိရစ္ဆာန်ထိန်းသိမ်းရေး ဥယျာဉ်တခုဖြစ်တဲ့ ကေဂလာဂါဒီ ထရမ်စဖရွန်တီယာဥယျာဉ်မှာ ဖြစ်ခဲ့တာလို့ ယူပီအိုင်သတင်းမှာ ဖေဖော်ဝါရီ ၇ ရက်နေ့က ဖော်ပြပါတယ်။ အဖြစ်အပျက် ရုပ်သံဗွီဒီယိုဖိုင်ကို မျက်မြင်တွေ့ရှိသူတဦးဖြစ်တဲ့ အသက် ၆၁ နှစ်အရွယ် လူးဝစ္စလရူးဇ်က မှတ်တမ်းယူထားနိုင်ခဲ့တာပါ။ ရုပ်သံဗွီဒီယိုဖိုင်ထဲမှာ ဟိုင်အီးနားခွေးအဟာ စောင့်နေကြတဲ့ ခြင်္သေ့တွေကို သတိမမူမိခဲ့ဘဲ လမ်းလျှောက်လာခဲ့တာကို တွေ့ရပါတယ်။ အဲဒီအချိန်မှာတော့ ခြင်္သေ့တွေဟာ မြေပြင်မှာ ပြားပြားဝပ် မလှုပ်မယှက် ရှိနေခဲ့ကြကာ သားကောင်ကို အလစ်အငိုက်တိုက်ခိုက်ဖို့ စောင့်နေခဲ့ကြတာပါ။ အချိန်အနည်းငယ်အကြာမှာတော့ အနီးကို တဖြည်းဖြည်းရောက်လာခဲ့တဲ့ ခွေးအကို အချိန်ကိုက် ဝိုင်းဝန်းတိုက်ခိုက်ဖို့ ကြိုးစားခဲ့ချိန်မှာတော့ သူတို့ကို ခွေးအက သတိပြုမိသွားခဲ့ပါတယ်။ ခွေးအဟာ ရုတ်တရက်ပဲ ကွင်းပြင်ထဲမှာ နောက်ပြန်လှည့်ပြေးခဲ့ချိန်မှာတော့ ခြင်္သေ့တွေဟာ နောက်က တဟုန်ထိုး ပြေးလိုက်ခဲ့ကြတာကို တွေ့ရပါတယ်။ ဖမ်းမိတော့မလားဆိုတဲ့ အတွေးနဲ့ အုပ်စုဖွဲ့လိုက်နေခဲ့ကြတာကို တွေ့ရတာဟာ အသည်းယားစရာကောင်းလှပြီး နောက်ဆုံးမှာတော့ ခွေးအဟာ အန္တရာယ်ကြားက သီသီလေး လွတ်မြောက်သွားခဲ့တာကို တွေ့ရပါတယ်။ ဒီရုပ်သံဗွီဒီယိုဖိုင်ကို မျှဝေခဲ့သူ လရူးဇ်ကတော့ “ဒါဟာ ဟိုင်အီးနားရဲ့ ကံကောင်းတဲ့နေ့ပါပဲ။ သူဟာ တောဘုရင်တွေ တိုက်ခိုက်မှုရန်ကနေ လွတ်မြောက်အောင် စွမ်းဆောင်နိုင်ခဲ့ပြီလေ” လို့ ရေးသားဖော်ပြခဲ့ပါတယ်။

A d v e r t i s e m e n t With Us

More News
Up