ကာယသင်တန်းသူ ၁၆၀ ကျော်ကို လိင်မဖွယ်မရာပြုခဲ့သူ ထောင်ဒဏ် ၁၇၅ နှစ် ချမှတ်ခံရ

အမေရိကန်ပြည်ထောင်စုမှာ အရွယ်မရောက်သေးတဲ့ ကလေးငယ်တွေ အပါအဝင် အမျိုးသမီး အားကစားသမား ၁၆၀ ကျော်ကို လိင်မဖွယ်မရာပြုမှုနဲ့ ကိုယ်ကာယ လေ့ကျင့်ခန်းဆိုင်ရာ ဆရာဝန်ဟောင်း လယ်ရီနက်ဆာကို ထောင်ဒဏ် ၁၇၅ နှစ် ချမှတ်ခဲ့ပါတယ်။ အမေရိကန် ကိုယ်ကာယအလှ အားကစားအသင်းရဲ့ ဆရာဝန်ဖြစ်သူ လယ်ရီနက်ဆာကို မိန်းကလေးတွေအပေါ် လိင်မဖွယ်မရာပြုမှုနဲ့ ဇန်နဝါရီ ၂၄ ရက်က မီချီဂန်ပြည်နယ် တရားရုံးက ထောင်ဒဏ် ၁၇၅ နှစ် ချမှတ်ခဲ့တာဖြစ်ပါတယ်။ “၁၇၅ နှစ်ဆိုတာ မှန်ကန်တယ်လို့ ထင်ပါသလား။ သိပ်မှန်တာပေါ့။ တရားသူကြီး အကွီလီနာကို ကျမတို့အားလုံးအတွက် ပြသခဲ့တဲ့ သူ့ရဲ့ခေါင်းဆောင်မှုအတွက် ကျမ အလွန်ကျေးဇူးတင်ပါတယ်” လို့ ဆရာဝန် နက်ဆာရဲ့ လိင်မဖွယ်မရာ အပြုခံခဲ့ရသူတဦးဖြစ်တဲ့ ရေချယ်ဒန်ဟော်လန်ဒါက ပြောပါတယ်။ နက်ဆာရဲ့ လိင်မဖွယ်မရာ အပြုခံခဲ့ရသူ မိန်းကလေးတဦးရဲ့ မိခင် လီဆာလောရင့်ခ်ျက “ပြောမပြတတ်လောက်အောက်ပါပဲ။ ကျမသမီးက တကယ်ထွားလာပြီး အရွယ်ရောက်နေပြီ။ ဒီဖြစ်ခဲ့တဲ့ကိစ္စက တကယ့်ကို ရင်နာစရာပါ။ အခုအချိန်မှာ ကျမစိတ်ထဲမှာ သမီး အားကစားပြိုင်ပွဲ ဝင်ခဲ့တဲ့အချိန်ကို ပြန်ရောက်သွားပါတယ်။ တကယ့်ကို ကောင်းမွန်ပါတယ်။ ကျမ အလွန်ဂုဏ်ယူခဲ့ရပါတယ်။ နောက်ပြီး အခု သမီး ပညာသင်ဆုရတဲ့ အချိန်ကာလတုန်းကလည်း အလွန်ဝမ်းသာခဲ့ရပါတယ်။ ဒီကိစ္စတွေက ကျမသမီးအတွက် ဘာနဲ့မှ နှိုင်းယှဉ်လို့မရအောင် ဂုဏ်ယူခဲ့ရတဲ့ ကိစ္စတွေပါ။ သမီးက ကျမထက် အများကြီး ကြံ့ခိုင်သန်းစွမ်းပါတယ်” လို့ ပြောပါတယ်။ လိင်မဖွယ်မရာပြုကျင့်ခံခဲ့ရသူ ကေလီလော့ရင့်ခ်ျကလည်း “တကယ်ပါပဲ။ ကျမကတော့ တရားသူကြီး အကွီလီနာကို ကျေးဇူးတင်ပါတယ်။ သူ့ရဲ့အလုပ်အကုန်လုံးကို ဒီကိစ္စမှာ နှစ်မြှုပ်ထားတာပါ။ တဖွဲ့လုံးက ဒီကိစ္စမှာ နှစ်မြှုပ်လုပ်ကိုင်ခဲ့ကြတာပါ။ လောလောဆယ် ပြောစရာ စကားလုံး နည်းနည်းပျောက်နေပါတယ်။ ကျမ တနေ့လုံးငိုနေပေမယ့် အလွန်ပျော်ပါတယ်” လို့ ဆိုပါတယ်။ “ဘာတွေပဲဖြစ်ခဲ့ဖြစ်ခဲ့ ဒီနေ့ဟာ ရာဇဝတ်မှုနဲ့ဆိုင်တဲ့ တရားမျှတမှုစနစ်ဟာ အလုပ်လုပ်နေဆဲ ဆိုတာကို လူတိုင်းလူတိုင်း ယုံကြည်သွားစေတဲ့နေ့ပါ။ ဒီလိုနေ့မျိုးကြောင့် လူတွေဘဝ ရှေ့ဆက်တိုးတက်သွားမယ်လို့ မျှော်လင့်ပါတယ်။ ဒါ အရေးကြီးတဲ့ သတင်းစကားပါ” လို့ မီချီဂန်ပြည်နယ်တက္ကသိုလ်ရဲ့ ရဲချုပ် ဂျင်ဒန်းလပ်က ပြောပါတယ်။ လိင်မဖွယ်မရာပြုခံခဲ့ရသူ ကားလ်စတီဗင်က “သူကတော့ အဝေးကြီးမှာ အချိန်အကြာကြီး သွားရတော့မှာပါ။ သူ ဆေးကုလို့လည်း မရတော့ပါဘူး။ နောက်ထပ် ဘယ်သူ့ကိုမှ သူ လိမ်ညာလို့ မရတော့ပါဘူး။ ဒီမိန်းကလေးငယ်လေးတွေအားလုံး ကြံ့ခိုင်သန်စွမ်းတဲ့ လူကြီး ဖြစ်လာတာဟာ ဒီဆရာဝန်ရဲ့ဘဝကို တကယ့်ကို တုန်လှုပ်ချောက်ချားစေခဲ့တာပါ” လို့ ပြောပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up