မံစီမြို့နယ်မှ စစ်ဘေးရှောင်များ ၄ နှစ်ကျော်လာသည်အထိ နေရပ်မပြန်နိုင်သေး
ကချင်ပြည်နယ်၊ မံစီမြို့နယ်၊ ကျေးရွာ ၂၀ လောက်က စစ်ဘေးရှောင်တွေဟာ ၄ နှစ်ကျော်လာတဲ့ အထိ နေရပ်မပြန်နိုင်သေးဘူးလို့ ဒုက္ခသည်တွေက ပြောပါတယ်။
မုန်ဒိန်းပါ၊ နမ့်ခါ၊ ပန်ဆပ်၊ လွယ်ခန်း၊ ဘန်ထန် စတဲ့ မံစီမြို့ရဲ့ အရှေ့တောင်ဘက်ရွာတွေ က ဒေသခံတွေဟာ မံစီမြို့နားက မိုင်းခေါင်ရွာနားမှာ ၂၀၁၃ ခုနှစ်ကတည်းက ဒုက္ခသည်စခန်းဖွင့် နေထိုင်နေကြရတာပါ။
အဲဒီမှာ ကချင်နှစ်ခြင်းစခန်းတာဝန်ခံ ဦးနော်မိုင်က “ဒီမှာတော့ အဓိက ကချင်နှစ်ခြင်း အသင်းတော်က တာဝန်ယူ ထောက်ပံ့တယ်။ ပြီးတော့ ကမ္ဘာ့စားနပ်ရိက္ခာအဖွဲ့ (WFP)နဲ့ တခြားအဖွဲ့တွေကလည်း ထောက်ပံ့ပါတယ်။ စခန်းက လူတွေကတော့ ကျပန်းအလုပ် လုပ်ကြတာ များပါတယ်” လို့ ပြောပါတယ်။
တပ်မတော်နဲ့ ကေအိုင်အေတို့ တိုက်ပွဲတွေ ဖြစ်ပြီးနောက်ပိုင်း ထွက်ပြေးလာကြရတာ ဖြစ်ပြီး ဗန်းမော်နဲ့ တခြားဘက်တွေကို ရောက်သွားသူတွေလည်း ရှိတယ်လို့ သူက ပြောပါတယ်။
လက်ရှိမှာတော့ နှစ်ခြင်းစခန်းမှာ လူဦးရေ နှစ်ထောင်ကျော် ရှိပါတယ်။ ပြီးတော့ ကက်သလစ်အသင်းတော်က ဖွင့်လှစ်ထားတဲ့ စခန်းလည်း ရှိပြီး လူဦးရေ ၇၈၀ ကျော် ရှိပါတယ်။
စခန်းတာဝန်ခံ ဆရာဘရမ်နူးက “အနီးအနားရွာကလူတွေက တခါတလေတော့ ရွာတွေကို ပြန်ကြတယ်။ အဝေးကလူတွေကတော့ ပြန်ဖို့ မလွယ်ဘူးလေ။ အခုကတော့ တိုက်ပွဲကြီးတွေ မရှိပေမယ့် လှုပ်ရှားတာတွေတော့ ရှိတယ်။ ပြန်ဖို့က အာမခံချက်မရှိဘူးပေါ့” လို့ ဒီဗွီဘီကို ပြောပါတယ်။
ပြီးခဲ့တဲ့ရက်ပိုင်းက ဒုက္ခသည်တချို့ရွာပြန်နေတုန်း တိုက်ပွဲဖြစ်လို့ စခန်းတာဝန်ခံတွေက သွားပြီး ခေါ်ခဲ့ကြရပါတယ်။ ဒုက္ခသည်တွေကို တပ်မတော်က ခေါ်ဆောင်သွားတာမျိုးတွေလည်း ကြုံကြရတယ်လို့ သူတို့က ပြောပါတယ်။
ပြီးခဲ့တဲ့နှစ် မေလတုန်းကတော့ စစ်ရှောင် ဒုက္ခသည် ၃ ယောက်ကို ဖမ်းဆီး ခေါ်ဆောင်သွားပြီး သတ်ပစ်လိုက်လို့ တပ်ရင်းမှူးနဲ့အရာရှိ၊ စစ်သည်တွေကို ထောင်ဒဏ် ၁၀ နှစ်စီချမှတ်ခဲ့ပါတယ်။
