တရားစွဲခံထားရသည့် ကရင်နီ လူငယ် ၃ ဦးအမှု ပြန်ရုပ်သိမ်း
DVB
·
January 23, 2018
ကယားပြည်နယ်က တိုင်းရင်းသားလူငယ် ၃ ဦးကို ငြိမ်းစုစီ ပုဒ်မ၁၉နဲ့ တရားစွဲဆိုထားတဲ့အမှု လွိုင်ကော်မြို့နယ် တရားသူကြီးက ဒီနေ့ ဒုတိယအကြိမ် ရုံးထုတ်မှာ အမှုကို ပြန်လည် ရုတ်သိမ်းပေးလိုက်ပါတယ်။
တရားစွဲဆိုခံထားရတဲ့ ကယန်းအမျိုးသားပါတီ ဥက္ကဋ္ဌ ခွန်းဘီထူး၊ ကယန်းမျိုးဆက်သစ်လူငယ် ဗဟိုကော်မတီဝင် ခွန်းအသန်းနဲ့ ကရင်နီပြည်တောင်သူ လယ်သမား သမဂ္ဂ ဥက္ကဋ္ဌ ခူးတူရယ်တို့ ၃ ဦးရဲ့အမှုနဲ့ပတ်သက်ပြီး ကရင်နီ အမျိုးသားတိုးတက်ရေးပါတီ (ကေအန်ပီပီ)က ကြားဝင်စေ့စပ်ညှိနှိုင်းပေးခဲ့ တာကြောင့် ခုလို အမှုပြန်ရုပ်သိမ်းပေးလိုက်တာပါ။
လူငယ် ၃ ဦးရဲ့ ဒီနေ့ တရားရုံးချိန်းကို မြန်မာနိုင်ငံတဝန်းမှာရှိတဲ့ အရပ်ဘက်အဖွဲ့အစည်း ၂၀ က ကိုယ်စားလှယ် ၆၅ ဦးလောက်က လာရောက်ဝန်းရံခဲ့ကြပါတယ်။
အလားတူ ပြီးခဲ့တဲ့ ဇန်နဝါရီ၁၂ ရက်နေ့က ထောင်ဒဏ် ရက် ၂၀ ချမှတ်ခံထားရတဲ့ လူငယ် ၅ ဦးလည်း ထောင်ရက်စေ့လုိ့ ဇန်နဝါရီ ၂၃ ရက်မှာ ပြန်လည်လွတ်မြောက်လာမယ်လို့ သိရပါတယ်။
ပြီးခဲ့တဲ့ဒီဇင်ဘာလ ၂၀ ရက်က ကေအန်ပီပီရဲဘော် ၃ ဦးနဲ့ အရပ်သား ၁ ဦးကို ဒေသကွပ်ကဲမှု စစ်ဌာနချုပ် (ဒကစ) လွိုင်ကော် လက်အောက်ခံတပ်က ပစ်သတ်ခဲ့တာကြောင့် ဒီကိစ္စအပေါ် အမှန်တရားပေါ်ပေါက်ဖ်ို့ ဆန္ဒထုတ်ဖော်တောင်းဆိုခဲ့တဲ့ လူငယ် ၅ ဦးနဲ့ ဝန်းရံသူ လူငယ် ၃ ဦးတို့ ငြိမ်းစုစီ ဥပဒေနဲ့ ဖမ်းဆီးအရေးယူခံခဲ့ရတာဖြစ်ပါတယ်။
ခွန်းတူးတူးလေး