ဧရာဝတီတိုင်း စိုက်/မွေးဝန်ကြီးအဖြစ် ညွှန်မှူးဟောင်း ဦးတင်အောင်ဝင်းကို ခန့်အပ်ရန်အဆိုပြု

  ဧရာဝတီတိုင်း စိုက်ပျိုးရေး၊ မွေးမြူရေး၊ သယံဇာတနှင့် ပတ်ဝန်းကျင် ထိန်းသိမ်းရေးဝန်ကြီး အဖြစ် စိုက်ပျိုးရေးဦးစီးဌာနညွှန်ကြားရေးမှူး(အငြိမ်းစား) ဦးတင်အောင်ဝင်းကို ခန့်အပ်ဖို့  ဒီကနေ့ ဧရာဝတီတိုင်းလွှတ်တော်အရေးပေါ်အစည်းအဝေးမှာ ဝန်ကြီးချုပ်က အဆိုပြုတင်သွင်းပါတယ်။ ကျန်းမာရေးအရ ရာထူးကနုတ်ထွက်သွားတဲ့ ဧရာဝတီတိုင်းဒေသကြီး စိုက်ပျိုးရေး၊ မွေးမြူရေး၊ သယံဇာတနှင့် ပတ်ဝန်းကျင်းထိန်းသိမ်းရေးဝန်ကြီး ဦးဘဟိန်းရဲ့ နေရာမှာ ဝန်ကြီး အသစ်အစားထိုးခန့်အပ်နိုင်ဖို့အတွက် အဆိုပြုခဲ့တာဖြစ်ပါတယ်။ ဝန်ကြီးအသစ်အဖြစ် အဆိုပြုခံထားရတဲ့ ဦးတင်အောင်ဝင်းဟာ စိုက်ပျိုးရေးဦးစီးဌာနမှာ ၃၅ နှစ်ကြာ တာဝန်ထမ်းဆောင်ခဲ့တဲ့ အန်အယ်လ်ဒီ ပါတီဝင်မဟုတ်တဲ့ ပြင်ပပညာရှင်တစ်ဦးဖြစ်ပါတယ်။ လွှတ်တော်ကတော့ ဒီကနေ့မှာ ကိုယ်စားလှယ်တွေကို ဦးတင်အောင်ဝင်းရဲ့ ကိုယ်ရေး အကျဉ်းဖြန့်ဝေထားပြီး မနက်ဖြန် ဇန်နဝါရီ ၂၄ ရက်နေ့ လွှတ်တော်အစည်းအဝေးမှာ ကန့်ကွက်သူမရှိရင် လွှတ်တော်က အတည်ပြုသွားမှာဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up