A d v e r t i s e m e n t With Us

မြန်မာအပါဝင် အမျိုးသမီးများအား လိင်ကုန်ကူးမှုနှင့်ဆက်နွှယ်သည့် ရဲအရာရှိ ၅ ဦး အရေးယူခံရ

ဘန်ကောက်မှာ အနှိပ်ခန်းဖွင့်ပြီး လိင်အရောင်းအဝယ်လုပ်သူ၊ လူကုန်ကူးမှုနဲ့ ဖမ်းဆီးခံရပြီး ဒီအမှုနဲ့ ဆက်စပ်မှုရှိတဲ့ ရဲအရာရှိ ၅ ဦး နေရာတွေက ပြောင်းရွှေ့ခံရတယ်လို့ သိရပါတယ်။ ဗစ်တိုးရီးယားစီးကရက်လို့ အမည်ရတဲ့ အနှိပ်ခန်းကို ဇန်နဝါရီ ၁၂ ရက်နေ့က ရှောင်တခင် ဝင်စစ်ဆေးပြီးနောက် ပြောင်းရွှေ့ခံရတဲ့ ရဲ ၅ ဦးထဲမှာ ဝန်ထုံဂလန်ရဲဌာနရဲ့ စခန်းမှူးဖြစ်သူ သမ်မနွန်ဘန်ရူရန်လည်း ပါဝင်တယ်လို့ သိရပါတယ်။ အထူးစုံစမ်းရေးဌာန (ဒီအက်စ်အိုင်) က ရဲတွေနဲ့ စစ်သားတွေက အသက် ၁၈ နှစ်အောက် ၁၀ ဦး အပါအဝင် အမျိုးသမီး ၁၁၃ ဦးကို ရှောင်တခင် ဝိုင်းခဲ့တာဖြစ်ပြီး အမျိုးသမီးတွေက ထိုင်း၊ လာအို၊ မြန်မာ၊ ကမ္ဘောဒီးယားနိုင်ငံတွေကလို့ သိရပြီး အမျိုးသမီးအများစုက လိင်ကုန်ကူးမှု လုပ်ငန်းထဲ အဓမ္မသွတ်သွင်းခံရတာလို့လည်း ရဲတွေက ယူဆနေကြပါတယ်။ ပြောင်းရွှေ့ခံရတဲ့ ကျန်ရဲအရာရှိ ၄ ဦးက စုံစမ်းရေး ဒုအုပ်ချုပ်ရေးမှူး နာရန်ခရွန်စာနက်၊ ရာဇဝတ်မှုနှိမ်နင်းရေးဌာနရဲ့ ဒုတိယအရာရှိ ပီချိုင်ထွန်သမ်၊ ရာဇဝတ်မှုနှိမ်နင်းရေး အကြီးအကဲ ဒီချာဝါစ်ချန်ကစစ်ကမ်နဲ့ စုံစမ်းရေး အကြီးအကဲ ပရက်ယာဘွန်နီရန်တို့ဖြစ်တယ်လို့ ထိုင်းသတင်းဌာနတွေက ထုတ်ပြန်ထားပါတယ်။ တပြိုင်နက်တည်းမှာပဲ အမျိုးသမီးတွေကို ကြီးကြပ်နေသူ ဘွန်စက်ပ် အာမိုရက်တနာစီရီ၊ အသက် ၅၅ နှစ်ကို ဖမ်းထားကြောင်း ရာဇဝတ်မှုတရားရုံးက ဇန်နဝါရီလ ၁၃ ရက်နေ့မှာ အတည်ပြုခဲ့ပါတယ်။ အသက် ၁၅ နှစ်အောက် မိန်းကလေးတွေကို လူကုန်ကူးပြီး ပြည့်တန်ဆာအဖြစ် သွတ်သွင်းမှုနဲ့ မစ္စတာဘွန်စက်ပ်က အမှု ၅ မှုနဲ့ ရင်ဆိုင်နေရပြီး သူကတော့ စွဲထားတဲ့ အမှုအားလုံးကို ငြင်းဆန်ခဲ့တာပါ။ မစ္စတာဘွန်စက်ပ်ရဲ့ ဆွေမျိုးတွေက အာမခံရဖို့ ထိုင်းငွေ ဘတ် ၅ သိန်း ပေးပေမယ့် သူက ထောင်ဒဏ်အမြောက်အမြား ကျခံရမယ့် ကလေးသူငယ်တွေအပေါ်မှာ ရာဇဝတ်မှု ကျုးလွန်ခဲ့တာဖြစ်လို့ အာမခံမပေးခဲ့ပါဘူး။ သူ့ကို ဘန်ကောက်မြို့ ရီမာန်အကျဉ်းထောင်မှာ ဖမ်းချုပ်ထားတယ်လို့လည်း သိရပါတယ်။ ၂၀၁၄ ခုနှစ် ဇူလိုင်လကနေ ၂၀၁၆ ခုနှစ် မေလ အထိ နန်းလတ်ဆိုတဲ့ မြန်မာအမျိုးသမီးနဲ့ သူမရဲ့ထိုင်းခင်ပွန်းသည်က အဲဒီအချိန်တုန်းက အသက် ၁၅ နှစ် မပြည့်သေးတဲ့ ရှမ်းမိန်းကလေးငယ်တွေကို မြန်မာကနေ ထိုင်းနိုင်ငံကို ခေါ်ဆောင်လာပြီး ဘန်ကောက်က တိုက်ခန်းတွေမှာ နေစေကာ အဲဒီနောက် သူတို့တွေက အနှိပ်ခန်းရဲ့ လိင်လုပ်သားအဖြစ် ခိုင်းစေခံခဲ့ရတာလို့ ဒီအက်စ်အိုင်အပြောအရ သိရပါတယ်။ လိင်ပျော်ပါးသူတွေက ပျော်ပါးဖို့အတွက် ငွေကိုင်ကို ငွေပေးပြီး မြန်မာအမျိုးသမီးနဲ့ ထိုင်းအမျိုးသားစုံတွဲက လစဉ် ပိုက်ဆံရပါတယ်။ မစ္စတာဘွန်စက်ပ်ကတော့ လုပ်ငန်းကို စီမံပြီး ပြဿပေါ်လာရင် ရဲတွေနဲ့ ဖြေရှင်းပါတယ်။ မစ္စတာဘွန်စက်ပ်ကို အသက် ၁၅ နှစ်အောက် မိန်းကလေးတွေကို လက်ခံ ဖမ်းချုပ် လိင်လုပ်သားအဖြစ် ခိုင်းစေပြီး အမြတ်ထုတ်ခြင်း၊ လူကုန်ကူးခြင်း၊ တရားမဝင် ရွှေ့ပြောင်းလာသူတွေကို နေရာထိုင်ခင်းပေးခြင်းနဲ့ အပြည်ပြည်ဆိုင်ရာ ရာဇဝတ်မှု ကျူးလွန်ခြင်း စတဲ့ အမှုတွေနဲ့ တရားစွဲထားတယ်လို့ ဘန်ကောက်ပို့စ်သတင်းမှာ ဇန်နဝါရီလ ၁၃ ရက်နေ့က ဖော်ပြထားပါတယ်။

A d v e r t i s e m e n t With Us

More News
Up