A d v e r t i s e m e n t With Us

ထိုင်းဘုရင်ကြီး၏ ကြီးကျယ်ခမ်းနားသည့် လောင်တိုက်ဗိမာန် ပြန်လည်ဖြုတ်ချ

ပြီးခဲ့တဲ့နှစ် အောက်တိုဘာက နတ်ရွာစံ န၀မမြောက်ထိုင်းဘုရင်ကြီး ဘူမိဘောလ်အဒူ ယာဒေ့ခ်ျရဲ့ ရုပ်ကလပ်ကို မီးမြှိုက်သင်္ဂြိုဟ်ခဲ့ရာ လောင်တိုက်ဗိမာန်ကြီးကို ဇန်န၀ါရီ ၁၁ ရက်နေ့က စတင်ဖြုတ်ချနေပြီ ဖြစ်ပါတယ်။ နတ်ဘုံနတ်နန်းအသွင် ဆောက်လုပ်ထားတဲ့ အဆိုပါလောင်တိုက်ဗိမာန်ကို အများသူငှာ လေ့လာကြည့်ရှုစေဖို့ နှစ်လကျော်ကြာ ပြသထားပြီးမှာ ခုလို ပြန်လည်ဖြုတ်သိမ်းနေတာပါ။ ဒီမတိုင်ခင်က ဗိမာန်ရဲ့မြောက်ဘက်မှာ အထူးစီမံစိုက်ပျိုးထားတဲ့ လယ်ကွက် ၉ ကွက်ထဲက ၀င်းမှည့်စပါးပင်တွေ အခမ်းအနားနဲ့  ဦးစွာရိတ်သိမ်းခဲ့ပါတယ်။ လောင်တိုက်ဗိမာန်ဖြုတ်ချတဲ့ အခမ်းအနားကို မင်းတိုင်ပင်ခံအမတ် ဗိုလ်ချုပ်ကြီး  စူရယုဒ် ကျူလာနွန်း ဦးဆောင်ပြီး နန်းတွင်းဓလေ့ထုံးစံ၊ သံဃာတော်တွေ ပင့်ဖိတ်သရဇ္ဇာယ်ကာ ဗိမာန်ရဲ့ အမြင့်ဆုံးအဆင့်ရှိ ထီးဖြူတော်ကို ဦးစွာ ကြိုးနဲ့ ဆွဲချခဲ့ကြပါတယ်။ အဲဒီနောက် ဗိမာန်အောက်ခြေရှိ တောတွင်းသတ္တ၀ါတွေရဲ့ ရုပ်တုတွေကို ဖယ်ရှားပြီး ဗိမာန်မြောက်ဘက်လှေခါးကနေ စတင်ဖျက်ချပါတယ်။ အဆိုပါ လောင်တိုက်ဗိမာန်နဲ့ ယာယီစံနန်းတွေ၊ ယာယီပြတိုက်တွေကို ဘုရင်ကြီး နတ်ရွာစံပြီးတဲ့ ၂၀၁၆ အောက်တိုဘာကစ ၂၀၁၇ အောက်တိုဘာဆန်းထိ တစ်နှစ်တာကာလအတွင်း အကျွမ်းကျင်ဆုံး ဗိသုကာအဖွဲ့၊ ဆောက်လုပ်ရေး အင်ဂျင်နီယာ ပညာရှင်တွေက ၀ိုင်းဝန်းတည်ဆောက်ခဲ့တာ ဖြစ်ပါတယ်။ လောင်တိုက်ဗိမ္မာန်မှာ အောက်ခြေက ဟိမ၀န္တာတောပုံစံနဲ့  ၇ ဆောင်ဘုံ ဆောက်လုပ်ပြီး ၅၅ မီတာ (၁၇ ထပ်တိုက်စာ) မြင့်မားကာ နှစ်တစ်ရာအတွင်း တော်ဝင်မိသားစု လောင်တိုက်ဗိမာန်တွေထဲက အကြီးမားဆုံးလို့ ဆိုပါတယ်။ အဆိုပါ ဗိမာန်နဲ့ ယာယီစံနန်းတွေကို ၂ လအတွင်း အပြီးရှင်းလင်းမှာဖြစ်ပြီး ဖြုတ်ချလိုက်တဲ့ အစိပ်အပိုင်းတွေကိုတော့  ဘန်ကောက်နန်းတွင်းပြတိုက်မှာ တချို့၊ ပထုန်ဌာနီခရိုင် ဘုရင်ကြီးပြတိုက်နဲ့ အယုဒ္ဓယမှာရှိတဲ့ ရှေးဟောင်းပြတိုက်တွေမှာ ထားရှိမယ်လို့ ဆိုပါတယ်။

A d v e r t i s e m e n t With Us

More News
Up