မိတ္ထီလာတွင် လင်မယားစကားများ၍ ဇနီးဖြစ်သူ ဆွဲကြိုးချသေဆုံး
DVB
·
January 12, 2018
မိတ္ထီလာမြို့နယ်၊ ဆင်မီးရွာမှာ ဇန်န၀ါရီ ၁၁ ရက်နေ့လယ်ပိုင်းက လင်မယားစကားများပြီး ဇနီးဖြစ်သူ ဆွဲကြိုးချသေဆုံးသွားတယ်လို့ မိတ္ထီလာအမှတ် ၃ ရဲစခန်းတာဝန်ကျရဲအရာရှိက ပြောပါတယ်။
ဆင်မီးရွာနေ ကိုမောင်စိုးနဲ့ မထွေးထွေးခိုင်တို့ လင်မဟား ၂ ဦး စကားများကြပြီး မထွေးထွေးခိုင် နေအိမ်အနောက်ခန်းထဲဝင်ကာ ဆွဲကြိုးချသေဆုံးခဲ့တာလို့ ရဲအရာရှိကဆိုပါတယ်။
မိတ္ထီလာအမှတ်(၃)စခန်းမှူးရဲအုပ်ဇော်လွင်က “မထွေးထွေးခိုင်မှာ ပြင်ပဒဏ်ရာတော့ မတွေ့ရပါဘူး။ အမြင့် ၁၀ ပေလောက်ရှိတဲ့ ထုပ်တန်းကနေ ချည်ကြိုးနဲ့ ဆွဲကြိုးချသေတယ်။ ခြေထောက်နဲ့ကြမ်းပြင်နဲ့ ၅ လက်မလောက်တော့ လွတ်နေတယ် သေဆုံးပြီးမှ လူဝိတ်ကြောင့် ကြိုးပြတ်ကျတယ် ဒုန်း ဆိုတဲ့ အသံထွက်လာတာပေါ့။ စစ်ဆေးဖို့ မိတ္ထီလာဆေးရုံပို့တယ်” လို့ ပြောပါတယ်။
မိတ္ထီလာအမှတ်(၃)ရဲစခန်းက သေမှုသေခင်းအမှတ် ၁/၂၀၁၈ နဲ့ အမှုဖွင့်ထားပြီး ဓမ္မတာအတိုင်း သေဆုံးတာ ဟုတ်မဟုတ် စုံစမ်းစစ်ဆေးနေပါတယ်။
သတင်း-မောင်မောင်လင်း(ဝမ်းတွင်း)
