ဖမ်းဆီးခံလူငယ် ၅ ဦးကို လွှတ်ပေးရန် လက်နက်ကိုင်တပ်ဖွဲ့ ၂ ဖွဲ့တောင်းဆို
DVB
·
January 11, 2018
ဖမ်းဆီးခံထားရတဲ့ ကရင်နီလူငယ် ၅ ဦးကို ခြွင်းချက်မရှိ ပြန်လွှတ်ပေးဖို့ ကယားပြည်နယ်အခြေစိုက် တိုင်းရင်းလက်နက်ကိုင်တွေဖြစ်တဲ့ ကယန်းပြည်သစ်ပါတီနဲ့ ကရင်နီပြည် လူမျိုးပေါင်းစုံပြည်သူ့လွတ်မြောက်ရေးတပ်ဦးတို့က ပူးတွဲတောင်းဆိုလိုက်ပါတယ်။
ကရင်နီအမျိုးသားတိုးတက်ရေးပါတီ (ကေအန်ပီပီ) ရဲဘော် ၃ ဦးနဲ့ အရပ်သား ၁ ဦး သေဆုံးအမှု အမှုမှန် ပေါ်ပေါက်ဖို့ ဒီဇင်ဘာ ၂၂ ရက်က ဆန္ဒထုတ်ဖော် တောင်းဆိုခဲ့တဲ့ လူငယ် ၅ ဦးကို ငြိမ်းစုစီပုဒ်မ-၁၉ နဲ့ ဖမ်းဆီးအရေးယူခဲ့တာကြာင့် အဆိုပါ လူငယ် ၅ ဦးကို ခြွင်းချက် မရှိ အမြန်ဆုံးလွှတ်ပေးဖို့ ပူးတွဲ ကြေညာချက် ထုတ်ပြန်တောင်းဆိုလိုက်တာပါ။
လက်ရှိအချိန်ဟာ မြန်မာတစ်နိုင်ငံလုံးမှာ ငြိမ်းချမ်းရေးရဖို့ အတွက် ပြည်တွင်းစစ်ရပ်စဲရေး ပြည်တွင်းငြိမ်းချမ်းရေးကို အားသွန်ခွန်စိုက်ကြိုးပမ်းနေတဲ့ကာလဖြစ်တယ်၊ ပြည်နယ်အတွင်း ငြိမ်းချမ်းတည်ငြိမ်ရေးကို ထိခိုက်နစ်နာမယ့် ခြိမ်းခြောက်မှု ဖြစ်ရပ်တွေကို မပေါ်ပေါက်စေဖို့ ခုလို ထုတ်ပြန်တာလို့ဆိုပါတယ်။
ဒါ့အပြင် ကေအန်ပီပီတပ်ဖွဲ့ဝင်တွေ ပစ်သတ်ခံရတာဟာ တနိုင်ငံလုံးရဲ့ ငြိမ်းချမ်းရေးကို ထိခိုက်ခြိမ်းခြောက်မှုဖြစ်တယ်၊ အလားတူအဖြစ်မျိုးနောင်မပေါ်ပေါက်စေဖို့၊ တရားမျှတစွာ အရေးယူဆောင်ရွက်ဖို့၊ ကျန်ရစ်သူမိသားစုအတွက် နစ်နာဆုံးရှုံးမှုတွေကို ဆောင်ရွက်ပေးဖို့ လည်းတောင်းဆိုထားပါတယ်။
အမှုမှန် ပေါ်ပေါက်ဖို့ ဆန္ဒပြတောင်းဆိုတဲ့ လူငယ် ၅ ဦးကို ဇန်နဝါရီ ၅ ရက်မှာ ဖမ်းဆီးခဲ့တာဖြစ်ပြီး လတ်တလောမှာ တရားရုံးမှာ အမှုရင်ဆိုင်နေရဆဲ ဖြစ်ပါတယ်။
ခွန်းတူးတူးလေး