A d v e r t i s e m e n t With Us

၁၄ နှစ်ကြာ ထွက်ပြေးနေသည့် ဂျပန်ယာကူဇာခေါင်းဆောင်အား ထိုင်းတွင် ဖမ်းမိ

ဓာတ်ပုံ - Thepparit Inchan's Facebook
ပြိုင်ဘက် ရာဇဝတ်ဂိုဏ်းအဖွဲ့ဝင်တဦးကို သတ်ဖြတ်ပြီး ၁၄ နှစ်ကြာ ထွက်ပြေးလွတ်မြောက်နေတဲ့ ဂျပန် ယာကူဇာခေါင်းဆောင်ကို ထိုင်းနိုင်ငံ လော့ပ်ဘူရီခရိုင်မှာ ဖမ်းဆီးမိခဲ့တယ်လို့ သိရပါတယ်။ ဒေသဆိုင်ရာ ရဲတွေနဲ့ လူဝင်မှုကြီးကြပ်ရေးဝန်ထမ်းတွေ ပေါင်းစည်းထားတဲ့ အပြည်ပြည်ဆိုင်ရာရဲတပ်ဖွဲ့ (အင်တာပို) အဖွဲ့ကြီးက အစားအစာဝယ်ဖို့ ထွက်လာတဲ့ အသက် ၇၂ နှစ်အရွယ် ရှီနဲဟာရူး ရှီရအိကို ဇန်နဝါရီ ၁၀ ရက်နေ့က ဖမ်းဆီးလိုက်တာပါ။ ရှီရအိဟာ တခြားဂိုဏ်းအဖွဲ့ဝင် ၇ ဦးနဲ့အတူ ပြိုင်ဘက် ယာကူဇာအဖွဲ့ရဲ့ အဓိကခေါင်းဆောင်တဦးကို ၂၀၀၃ ခုနှစ် ဇူလိုင်လလယ်မှာ သတ်ဖြတ်ခဲ့ပြီးနောက် ဂျပန်အာဏာပိုင်တွေက အလိုရှိနေတာပါ။ သူ့မှာ ထိုင်းဇနီးသည် တဦးရှိကာ ထိုင်းနိုင်ငံမှာ ပုန်းအောင်းနေတယ်ဆိုတဲ့ သတင်း ဂျပန်အာဏာပိုင်တွေရပြီး သူ့ကို နောက်ယောင်ခံလိုက်ဖို့ ထိုင်းတော်ဝင်ရဲတပ်ဖွဲ့ကို အကူအညီ တောင်းခဲ့ပါတယ်။ ထိုင်းပီဘီအက်စ်သတင်းတပုဒ်မှာတော့ ရှီရအိဟာ ဇနီးဖြစ်သူနဲ့ အတူတွဲရိုက်ထားတဲ့ ဓာတ်ပုံထဲက သူ့ရဲ့တက်တူးကြောင့် ရဲတွေက သတင်းအစအနရပြီး ခြေရာခံလိုက်နိုင်ခဲ့တယ်လို့ ဖော်ပြပါတယ်။ နောက်ဆုံးမှာ ရဲတွေက သူ လော့ဘူရီခရိုင်မှာ နေထိုင်တာ သိရှိသွားပြီး ဖမ်းဆီးနိုင်ခဲ့တာပါ။ ရှီရအိကို ယာကူဇာအဖွဲ့ဝင်တဦးအနေနဲ့ သူ့ရဲ့ ဘယ်ဘက်လက်က လက်သန်းလေး ပြတ်နေတာနဲ့ ရင်ဘတ်တခုလုံး တက်တူးတွေ ထိုးထားတယ်လို့ သိရပါတယ်။ သူ့ခန္ဓာကိုယ်ပေါ်က တက်တူးတွေကို ကူးပြီး ဂျပန်သံရုံးဆီ ပို့လိုက်ပြီးနောက် သံရုံးကလည်း ဒီတက်တူးမျိုးတွေဟာ ယာကူဇာဂိုဏ်းအဖွဲ့တဖွဲ့ရဲ့ တက်တူးလို့ အတည်ပြု ပြောကြားခဲ့ပါတယ်။ သူ့မှာ နိုင်ငံကူးလက်မှတ်နဲ့ ထိုင်းနိုင်ငံတွင်း ဝင်ရောက်လာတဲ့ အထောက်အထား တစုံတရာ မရှိခဲ့ဘူးလို့ သိရပါတယ်။ လက်ရှိမှာတော့ သက်ဆိုင်ရာ တာဝန်ရှိသူတွေက ထိုင်းနိုင်ငံတွင်း ခုလိုဝင်ရောက်လာပြီး တရားမဝင်နေထိုင်တဲ့ကိစ္စမှာ ဘယ်သူတွေက အကူအညီပေးခဲ့သလဲ ဆိုတာကို စုံစမ်းစစ်ဆေးမှုတွေ ဆက်လက်လုပ်ဆောင်သွားမယ်လို့ ဆိုပါတယ်။ ရှိရအိဟာ ထိုင်းနိုင်ငံကို တရားမဝင် ခိုးဝင်မှုနဲ့ တရားစွဲခံရမှာဖြစ်ပြီး ဂျပန်နိုင်ငံကို ပြန်ပို့တဲ့အခါ လူသတ်မှုနဲ့ တရားစွဲခံရဖို့ရှိကြောင်း ရိုက်တာသတင်းအရ သိရပါတယ်။

A d v e r t i s e m e n t With Us

More News
Up