ပါကစ္စတန် မိန်းကလေးငယ် အဓမ္မပြုကျင့် သတ်ဖြတ်ခံရမှု ရုန်းရင်းဆန်ခတ်ဖြစ်

ဓာတ်ပုံ - ဘီဘီစီ
ပါကစ္စတန်နိုင်ငံ ကာစာမြို့မှာ မိန်းကလေးငယ်တဦး အဓမ္မပြုကျင့် သတ်ဖြတ်ခံရပြီးနောက် ဆန္ဒပြခဲ့တဲ့အတွက် ရုန်းရင်းဆန်ခတ်ဖြစ်ပြီး ဆန္ဒပြသူ ၂ ဦး သေဆုံးခဲ့ပါတယ်။ အသက် ၇ နှစ်အရွယ် ဇိုင်နက်ဘ်ဆိုတဲ့မိန်းကလေးဟာ ရက်အတော်ကြာ ပျောက်ဆုံးနေပြီး ဇန်နဝါရီ ၉ ရက်နေ့မှာမှ သူမအိမ်နဲ့ ၂ ကီလိုမီတာဝေးတဲ့ အမှိုက်ပုံထဲကနေ သူမရဲ့အလောင်းကို ရှာတွေ့ခဲ့ပါတယ်။ သူမဟာ အဓမ္မပြုကျင့်ခံရပြီးနောက် လည်ပင်းညှစ် သတ်ဖြတ်ခံခဲ့ရတာလို့ ဇန်နဝါရီ ၁၀ ရက် ဘီဘီစီသတင်းမှာ ဖော်ပြထားပါတယ်။ ဆန္ဒပြသူတွေက အာဏာပိုင်တွေဟာ လူသတ်မှုတွေ၊ လိင်ပိုင်းဆိုင်ရာ စော်ကားမှုတွေနဲ့  ပြန်ပေးဆွဲမှုတွေကို ရပ်တန့်နိုင်ဖို့ လုပ်ဆောင်ရာမှာ အားနည်းတယ်လို့ ပြောပါတယ်။ ဇိုင်နက် သတ်ဖြတ်ခံရမှုကို မကျေနပ်တဲ့ ဆန္ဒပြမှုတွေဟာ ပါကစ္စတန် ဒေသအနှံ့ ပျံ့နှံ့ခဲ့ပြီး ဆန္ဒပြသူတွေဟာ ကာစာမြို့ရဲဌာနကို ဖျက်ဆီးဖို့ ကြိုးစားတဲ့အတွက် ရဲတပ်ဖွဲ့ဝင်တွေက ပစ်ခတ်ခဲ့ရာက ဆန္ဒပြသူ ၂ ဦး သေဆုံးခဲ့တာပါ။ ဒီကိစ္စနဲ့ပတ်သက်ပြီး နာမည်ကြီး ရုပ်ရှင်အကျော်အမော်တွေကလည်း လူသတ်သမားကို ဖမ်းဆီးဖို့နဲ့ စစ်တပ်က ရဲတွေကို ကူညီထောက်ပံ့ဖို့ တောင်းဆိုခဲ့ကြပါတယ်။ ဇိုင်နက် ပျောက်ဆုံးပြီးတဲ့နောက် မိသားစုတွေက ရဲတွေကို အကြောင်းကြားခဲ့ပေမယ့် ရဲတွေက ချက်ချင်းအရေးမယူခဲ့ဘူးလို့ မိသားစုက ဆိုပါတယ်။ မိန်းကလေး မပျောက်ဆုံးခင် သူမ ဘာတွေလုပ်ခဲ့သလဲဆိုတာကို ပြတဲ့ စောင့်ကြည့်ကင်မရာ ရုပ်သံကိုလည်း မိန်းကလေးရဲ့ ဆွေမျိုးတွေက ရခဲ့တာဖြစ်ပြီး ရဲတွေက ရခဲ့တာမဟုတ်ဘူးလို့လည်း သိရပါတယ်။ မိန်းကလေးလက်ကို အမျိုးသားတဦး တွဲခေါ်သွားတဲ့ ရုပ်သံက လူမှုကွန်ရက်ပေါ်မှာ ပျံ့နှံ့နေပြီး “အကယ်၍ ရဲတွေသာ ချက်ချင်းဆောင်ရွက်ခဲ့ရင် ရာဇဝတ်သားကို ဖမ်းဆီးနိုင်မယ်" လို့ ဇိုင်နက်ရဲ့ဖခင်က ဂျီယိုတီဗွီသတင်းကို ပြောပါတယ်။ ရဲတွေကတော့ ကာစာမြို့မှာ ဒီလိုအမှုတွေ လတိုင်းဖြစ်တယ်လို့ ပြောလိုက်ပြီး ပြီးခဲ့တဲ့ လကလည်း အသက် ၉ နှစ်အရွယ် မိန်းကလေးတဦး သူမအိမ်နားက ဈေးဆိုင်ကိုသွားရင်း ပျောက်ဆုံးခဲ့ပါသေးတယ်။ သူမက ဖမ်းဆီးသူလက်ထဲက ထွက်ပြေးနိုင်ပြီး အိမ်ကို အရောက်ပြန်လာနိုင်ပေမယ့် သူမ တွေ့ကြုံခဲ့ရတာတွေနဲ့ ပတ်သက်လို့ စိတ်ဒဏ်ရာ ရခဲ့တယ်လို့လည်း သတင်းမှာ ဖော်ပြထားပါတယ်။ ပြီးခဲ့တဲ့ ၂ နှစ်အတွင်း အခုလိုမျိုး သတ်ဖြတ်ခံခဲ့ရတဲ့အမှု ၁၂ မှု ရှိခဲ့တယ်လို့ ကာစာမြို့ ရဲတွေက ပြောလိုက်ပြီး အဲဒီအမှုတွေထဲက ၅ မှုဟာ တဦးတည်းကပဲ လုပ်ဆောင်ခဲ့တာ တွေ့ရှိရကြောင်း ဆိုပါတယ်။ အဲဒီကျူးလွန်သူကို ရဲတပ်ဖွဲ့ဝင်တွေက ရှာဖွေနေပြီး ဖြစ်နိုင်ခြေရှိတဲ့ သံသယရှိသူ အယောက် ၉၀ ဆီက ဒီအန်အေနမူနာလည်း ယူထားတယ်လို့ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up