အင်းလေးကန်အတွင်း ကမ္ဘာလှည့်ခရီးသည်တင်စက်လှေတိုက်မှုဖြစ်ပွား
နန်းမြနဒီ
·
January 10, 2018
ရှမ်းပြည်နယ်တောင်ပိုင်း ညောင်ရွှေမြို့နယ် အင်းလေးဖောင်တော်ဦးဘုရားအနီးမှာ ဒီကနေ့ မွန်းလွဲပိုင်းက လှေချင်းတိုက်မှုဖြစ်ပွားခဲ့ပါတယ်။
အနီးရှိ လှေတစ်စီးကမထွက်ခွာသေးဘဲရပ်ထားချိန်မှာ နိုင်ငံခြားသားတွေတင်လာတဲ့ လှေတစ်စီးကမှားပြီးဖြတ်လာလို့ တိုက်မိတာဖြစ်ပြီး ထိခိုက်ဒဏ်ရာရသူမရှိ၊ ဆုံးရှုံးမှုတွေမရှိဘူးလို့ ဖောင်တောင်ဦးဘုရားတည်ရှိရာ တာလေးကျေးရွာအုပ်ချုပ်ရေးမှူး ဦးစိုးရွှေက ဒီဗွီဘီကို ပြောပါတယ်။
“တိုး(ကမ္ဘာလှည့်ခရီးသည်)ပါတဲ့ စက်လှေကအထွက်မှာ လမ်းဖြတ်မှားသွားလို့ တိုက်မိတာ။ ကုလားထိုင်တွေ ဘာတွေပါတော့ မထိန်းနိုင်ဘဲ မှောက်သွားတာပေါ့။ လှေ ဆိုတာမျိုးက မထွက်သေးပေမယ့် လေတိုက်ရင် ရေထဲမှာ ရွှေ့လျားမှု ရှိတယ်လေ။ ကားနဲ့ မတူဘူးပေါ့။ တဘက်က လှေက ထွက်လာတုန်း ရပ်ထားတဲ့ လှေကရွေ့နေတော့ တိုက်မိတဲ့ သဘောပါဘဲ။”
တိုက်မိတဲ့လှေနှစ်စီးမှာ တစီးက ကမ္ဘာလှည့်ခရီးသည် လေးဦး ပါလာပြီး နောက်တစီးမှာ လူနှစ်ဦးပါလာကြောင်း၊ တိုက်ခဲ့ပြီး ပျက်စီးဆုံးရှုံးမှု၊ ဒဏ်ရာရတာတွေမရှိလို့ ဘာမှ အမှုအခင်းမဖြစ်ခဲ့ဘူးလို့ အုပ်ချုပ်ရေးမှူးက ပြောပါတယ်။
ဓာတ်ပုံ - စိုင်းစိုးဟန်
