အမေရိကန် ကျေးလက်ဒေသများတွင် မြန်နှုန်းမြင့်အင်တာနက် အသုံးပြုနိုင်ရေး လုပ်ဆောင်မည်

ဓာတ်ပုံ - ရိုက်တာ
အမေရိကန် ကျေးလက်ဒေသတွေမှာ မြန်နှုန်းမြင့် အင်တာနက် အသုံးပြုနိုင်စေမယ့် လုပ်ငန်းတွေ လုပ်ဆောင်နိုင်ဖို့ ဇန်နဝါရီ ၈ ရက်မှာ အမေရိကန်သမ္မတ ဒေါ်နယ်ထရမ့်က အမိန့်ထုတ်ပြန်ချက် ၂ ရပ်ကို လက်မှတ်ရေးထိုး ထုတ်ပြန်လိုက်ပါတယ်။ ဒေါ်နယ်ထရမ့် အတည်ပြုလက်မှတ်ရေးထိုးလိုက်တဲ့ အမိန့်ကြေညာစာ နှစ်ခုအရ ပုဂ္ဂလိက ကုမ္ပဏီတွေဟာ ပြည်ထောင်စုအစိုးရပိုင် မြေနဲ့ အဆောက်အဦတွေမှာ ဘရော့ဒ်ဘန်း (Broadband) အင်တာနက်နဲ့ဆိုင်တဲ့ အခြေခံအဆောက်အဦတွေ ဆောက်လုပ်ဖို့ အဆင်ပြေ လွယ်ကူသွားစေမှာ ဖြစ်ပါတယ်။ “လယ်သမားတွေဆီက ပြောတာ ကြားရပါတယ်။ ဘရော့ဒ်ဘန်း အင်တာနက်သုံးနိုင်မှုဟာ လယ်သမားအသိုင်းအဝိုင်းနဲ့ သူတို့လုပ်ငန်းတွေအတွက် အရေးကြီးတဲ့ အရေးကိစ္စဖြစ်တယ်လို့ သိရပါတယ်။ ဒါကြောင့် ဒီနေ့ အမေရိကန်ကျေးလက်ဒေသတွေမှာ ဘရော့ဒ်ဘန်း အင်တာနက် သုံးစွဲနိုင်အောင် ချဲ့ထွင်နိုင်မယ့် ပထမခြေလှမ်း လှမ်းပါတော့မယ်။ ဒါမှ ကျေးလက်နေသူတွေအနေနဲ့ အရင်က မရခဲ့တဲ့ တန်းတူညီတူ ယှဉ်ပြိုင်ခွင့် ရနိုင်မှာဖြစ်ပါတယ်။ ကျေန်ာဟာ ဧရိယာပိုပြီးတော့ ကျယ်ပြန့်မှုလည်းရှိ၊ ပိုပြီးတော့လည်းမြန်၊ ပိုပြီတော့လည်း ကောင်းမွန်တဲ့ အင်တာနက်ဝန်ဆောင်မှု ပေးနိုင်မယ့် သမ္မတအမိန့်နှစ်ရပ်ကို လက်မှတ်ရေးထိုးပါတော့မယ်။ ဒါမှ ဒေါ်နယ်ထရမ့်အစစ်ကို ခင်ဗျားတို့ ရှာဖွေနိုင်အောင်လို့ပါ။ ဒီတနည်းနဲ့ပဲ မီဒီယာကို ရှောင်ကွင်းနိုင်မှာလေ။ မီဒီယာတုတွေကိုပေါ့” လို့ သမ္မတ ဒေါ်နယ်ထရမ့်က ပြောကြားသွားတာပါ။ ကမ္ဘာ့စီးပွားရေးအင်အားအကြီးဆုံး အမေရိကန်နိုင်ငံမှာ မြို့ပြနဲ့ ကျေးလက်အကြား စီးပွားရေးကွာဟမှုကို ကိုယ်တွယ်ဖို့ကိစ္စမှာ ကျေးလက်ဒေသ အင်တာနက်မြန်နှုန်းဟာ အဓိကကျတယ်လို့ ရှုမြင်ထားကြပါတယ်။ အမေရိကန် ကျေးလက်နေသူတွေရဲ့ ၃၉ ရာခိုင်နှုန်းဟာ မြန်နှုန်းမြင့် အင်တာနက်ဝန်ဆောင်မှု မသုံးစွဲနိုင်ဘူးလို့ အမေရိကန်ပြည်ေထာင်စု ဆက်သွယ်ရေးကော်မရှင်ရဲ့ ၂၀၁၆ ခုနှစ် ထုတ်ပြန်ချက်မှာ ဖော်ပြထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up