A d v e r t i s e m e n t With Us

၅ နှစ်အရွယ် သမီးရင်းကို ညှဉ်းပန်းနှိပ်စက် သတ်ဖြတ်မှုဖြင့် ဖခင်ရင်းနှင့် မိထွေးကို ဖမ်းဆီး

ဟောင်ကောင်မှာ ငါးနှစ်အရွယ် သမီးဖြစ်သူကို ညှဉ်းပန်းနှိပ်စက် သတ်ဖြတ်မှုနဲ့ ဖခင်ရင်းဖြစ်သူနဲ့ မိထွေးဖြစ်သူ အမျိုးသမီးတို့ ဖမ်းဆီးခံခဲ့ရတယ်လို့ ချန်နယ်လ်နယူးစ်အေးရှား သတင်းမှာ ဖော်ပြပါတယ်။ ချန်းလို့ အမည်ဖော်ပြတဲ့ အဲဒီကလေးငယ်ဟာ ဒဏ်ရာတွေနဲ့ သတိလစ်မေ့မြောကာ တူအန်မန်ဆေးရုံဆီ ဇန်နဝါရီ ၈ ရက်နေ့က ရောက်ရှိလာခဲ့တာ ဖြစ်ပါတယ်။ သူ့ရဲ့ ခန္ဓာကိုယ်ပေါ်က ထိုးသွင်းဒဏ်ရာဟာ ၁၀ စင်တီမီတာလောက် ရှိနေတာဖြစ်ပြီး အရင်ဒဏ်ရာဟောင်းတွေလည်း စစ်ဆေးတွေ့ရှိခဲ့ကာ ဆေးရုံရောက်ပြီး မကြာခင်မှာပဲ သေဆုံးသွားခဲ့တယ်လို့ ဆရာဝန်တွေက အတည်ပြုခဲ့ကြပါတယ်။ ဖခင်ဖြစ်သူဟာ အသက် ၂၆ နှစ်အရွယ် သယ်သူပို့ဆောင်ရေး လုပ်သားတဦးဖြစ်ကာ မိခင်ဖြစ်သူကတော့ အိမ်ရှင်မတဦးဖြစ်ပြီး တိုက်ခန်းတခုမှာ နေထိုင်ကြတာ ဖြစ်ပါတယ်။ နေအိမ်မှာတော့ ၈ နှစ်အရွယ် အစ်ကိုဖြစ်သူ၊ ၇ နှစ်အရွယ် ဖအေတူ မအေကွဲ ဝမ်းကွဲအစ်မတဦးလည်း ရှိနေကာ သေဆုံးသူ ကလေးငယ်ရဲ့ အစ်ကိုဖြစ်သူမှာလည်း ညှဉ်းပန်းနှိပ်စက်မှုကြောင့်ရတဲ့ ဒဏ်ရာတွေကို စစ်ဆေးတွေ့ရှိခဲ့ရတာပါ။ သူ့ကိုတွေ့ရှိချိန်မှာ အာဟာရချို့တဲ့မှုကြောင့် ကိုယ်အလေးချိန်ဟာ ၁၈ ကီလိုဂရမ်သာ ရှိနေခဲ့ပေမယ့် အသက်အန္တရာယ်တော့ စိုးရိမ်ရတဲ့ အခြေအနေမှာ ရှိမနေခဲ့ပါဘူး။ လက်ရှိမှာတော့ ဆေးရုံမှာ ပြုစုစောင့်ရှောက်ထားပြီး လိုအပ်တဲ့ ဆေးဝါးကုသမှုတွေ ဆက်လက်လုပ်ဆောင်ပေးနေတာ ဖြစ်ပါတယ်။ သတင်းရင်းမြစ်တွေရဲ့ အဆိုအရ ညှဉ်းပန်းနှိပ်စက်မှုမှာ ကြိမ်နဲ့ ရိုက်နှက်တာတွေ၊ ကပ်ကြေးနဲ့ ထိုးတာတွေအပြင် ဖိနပ်နဲ့ ရိုက်တာတွေလည်း ပါဝင်တယ်လို့ ဆိုပါတယ်။ လက်ရှိမှာတော့ ရဲတွေက ဒီကိစ္စနဲ့ပတ်သက်ပြီး အရေးယူစုံစမ်းမှုတွေ ဆက်လက်လုပ်ဆောင်နေတာ ဖြစ်ပါတယ်။

A d v e r t i s e m e n t With Us

More News
Up