A d v e r t i s e m e n t With Us

ထီးတော်တင်ရင် နေပြည်တော် ရေလွှမ်းမည်ဟု တဘောင်ထွက်နေသည့် နေရောင်ပြအင်း စေတီထီးတော်တင်ပွဲ ကျင်းပ

နေပြည်တော်၊ ပုဗ္ဗသီရိမြို့နယ်၊ နေရောင်ပြအင်းထဲမှာရှိတဲ့ ပြည်လုံးချမ်းသာ စေတီတော်မြတ်ကြီးကို ထီးတော်တင်ရင် နေပြည်တော် တခုလုံး ရေလွှမ်းမယ်ဆိုတဲ့ တဘောင်ဟာ ဒေခံ ပြည်သူတွေအကြားမှာ သတင်းတွေ ထွက်ပေါ်ခဲ့တာ အတော်လေး ကြာမြင့်ခဲ့ပြီး ဖြစ်ပါတယ်။ ဒီကနေ့ ဇန်နဝါရီလ ၄ရက်ကမှာတော့ အဲဒီစေတီတော်ကြီးကို ထီတော်တင်လှူ ပူဇော်ပွဲ ကျင်းပခဲ့ပြီး ထွက်ပေါ်နေခဲ့တဲ့ တဘောင်သတင်းတွေအပေါ်မှာတော့ အရှင်စန္ဒာဇောတိက အခုလို ရှင်းလင်းမိန့်ကြားခဲ့ပါတယ်။ “ဗုဒ္ဓရဲ့ကျေးဇူးကြောင့် လူတွေဟာ သေကျေပျက်စီးခြင်း၊ ရေနစ် ဘေးကျခြင်း အဲဒါတွေ အလျှင်းမရှိပါဘူး။ အလျှင်းမရှိလို့ပဲ အခုပဲ နေရောင်ပြအင်း ဘုရားကြီး အရှေ့တောင်အာရှမှာ မုန်တိုင်းဝင်နေတာ။ ဒီနေရာမှာ မုန်တိုင်းမရှိဘူး။ မြန်မာပြည်ကြီး တခုလုံး မိုးရွာနေတာ။ လာသမျှလူ မိုးရွာထဲက ဖြတ်လာကြတာ။ ဒါပေမယ့် ဒကာ ဒကာမတွေ ဒီရောက်လာတဲ့အခါမှာ မိုးမရွာသလား မရွာပါဘူး။ ဒီစေတီတော်ကြီးကို မင်း ၆ ဆက်လက်ထက်မှာ အဆင့်ဆင့် တည်ခဲ့ကြတယ်။ လူတွေဟာ ဒီဟာကြီး ပြီးသွားရင် ရေနစ်မယ်၊ သေကျေမယ်၊ ပျက်စီးမယ်ဆိုပြီး တဘောင်တွေ ထွက်နေတယ်။ ဒီဘုရားကြီးကို အောင်အောင်မြင်မြင်နဲ့ ပြီးသွားပြီဆိုရင် ခက်ခဲပါတယ်၊ ကြမ်းတမ်းပါတယ်ဆိုတဲ့ဟာတွေ မကြမ်းမတမ်း မခက်ခဲဘဲနဲ့ ဘုရားကြောင့် လူတွေ ရေနစ်ပြီး သေကျေကြမယ်ဆိုတဲ့ ဒုက္ခဘေးမျိုး မဟုတ်ပါဘူး”လို့ အရှင်စန္ဒာဇောတိက မိန့်ကြားခဲ့တာပါ။ အဲဒီလို တဘောင်သတင်းကြောင့် ဒေသခံပြည်သူတွေကြားမှာ ယတြာချေကြတာတွေ အခုရက်ပိုင်းအတွင်း အခြားဒေသတွေကို ပြောင်းရွှေ့နေထိုင်ကြမယ်ဆိုတဲ့ သတင်းတွေလည်း ထွက်ပေါ်နေပါတယ်။ နေပြည်တော်ကောင်စီဝင် ဦးမင်းသူက “ဆရာတော်ဘုရားကြီးကိုယ်တိုင် မိန့်ကြားလာတဲ့အထဲမှာ လယ်တီပဏ္ဍိတဦးမောင်ကြီးရဲ့ တပင်ရွှေထီး ဝတ္ထုတော်ကြီးမှာပါတဲ့ ဒီနေရာဟာ သမိုင်းအစဉ်အလာအရ မင်းနေပြည်တော် ဖြစ်လာမယ်တဲ့။ တောင်ငူခေတ်က ထွက်ပေါ်လာတဲ့ တဘောင်ရှိတယ်။ အဲဒီဟာကို တပင်ရွှေထီး ဝတ္ထုတော်ကြီးမှာ သူက ထည့်သွင်းရေးသားခဲ့တယ်။ အဲဒီတဘောင်က အမှန်ပဲ။ အဲဒီနောက်က ထီးတင်တာနဲ့ နေပြည်တော်ကြီး ရေလွှမ်းမယ်ဆိုတာ မဟုတ်ဘူးလို့ ပြောတာ။ ဒါကြောင့် အဲဒါ ကောလာဟလပါ။ တဘောင်အစစ်အမှန်က လယ်တီပဏ္ဍိတဦးမောင်ကြီး ရေးသားတဲ့ ဝတ္ထုတော်ထဲကဟာက အမှန်ပါပဲ”လို့ ပြောပါတယ်။ စေတီတော်ကြီးရဲ့ အမြင့်ဟာဆိုရင် ၁၀၈ တောင်ရှိပြီးတော့ သက်တမ်းဟာဆိုရင် ၆၀ ကျော်ရှိနေပြီလို့ သိရပါတယ်။ စေတီတော်ကြီးကို ရွှေထီးတော်အထွတ် တင်လှူပူဇော်ပွဲကို ဇန်နဝါရီ ၄ ရက်နဲ့ ၅ ရက်နေ့တွေမှာ ကျင်းပမှာဖြစ်ပြီး သံဃာတော်တွေကို ဆွမ်းဆက်ကပ်လှူဒါန်းတာတွေ၊ ကောင်းမှုကုသိုလ်တွေအတွက် ရေစက်သွန်းချ လှူဒါန်းတာတွေ၊ ဆွမ်းဆန်စိမ်း လောင်းလှူတာတွေကို ပြုလုပ်ဖို့ရှိပါတယ်။ ရွှေထီးတော်အထွတ် တင်လှူပူဇော်ပွဲ အောင်ပွဲ အထိမ်းအမှတ်အဖြစ် ဇန်နဝါရီ ၅ ရက်မှာ ဖိုးချစ် ဖာတ်သဘင်နဲ့ ဇန်နဝါရီလ ၆ ရက်၊ ၇ ရက် ညတွေမှာတော့ လွှမ်းဇာတ်သဘင်အဖွဲ့တွေက ဧည့်ခံဖျော်ဖြေသွားမှာ ဖြစ်ပါတယ်။

A d v e r t i s e m e n t With Us

More News
Up