A d v e r t i s e m e n t With Us

ပရီးမီးယားလိဂ် ပျမ်းမျှဂိုးသွင်းမှုနှုန်းတွင် လင်ဂတ်က ဟယ်ရီကိန်းထက် စွမ်းဆောင်ရည်ပို

ဓာတ်ပုံ - အီးပီအေ
မန်ယူကစားသမား လင်ဂတ်ဟာ ပျမ်းမျှ ၈၄ မိနစ်တိုင်းမှာ တဂိုးသွင်းယူထားပြီး ပရီးမီးယားလိဂ်ဂိုး အများဆုံး ကစားသမား ဟယ်ရီကိန်းထက် စွမ်းဆောင်ရည် ပိုများတယ်လို့ စစ်တမ်းတခုက ဖော်ပြပါတယ်။ ပရီးမီးယားလိဂ် ကစားသမားတွေရဲ့ ပွဲကစားချိန်နဲ့ သွင်းဂိုးအရေအတွက် တွက်ချက်မှုအရ လီဗာပူးကစားသမား ဆာလက်က ပျမ်းမျှ ၇၃ မိနစ်မှာ တဂိုးသွင်းယူထားလို့ စွမ်းဆောင်ရည် အကောင်းဆုံး ကစားသမားအဖြစ် ရပ်တည်နေပါတယ်။ ဆာလက်ရဲ့နောက်မှာ မန်စီးတီးတိုက်စစ်မှူး အဂွေရိုက ပျမ်းမျှ ၇၈ မိနစ်မှာ တဂိုး၊ မန်ယူက လင်ဂတ်နဲ့ မန်စီးတီးက စတာလင်တို့က ပျမ်းမျှ ၈၄ မိနစ်တိုင်းမှာ တဂိုး သွင်းယူထားတာပါ။ ပရီးမီးယားလိဂ်သွင်းဂိုး ၁၈ ဂိုး သွင်းယူထားတဲ့ စပါးတိုက်စစ်မှူး ဟယ်ရီကိန်းက ပျမ်းမျှမိနစ် ၈၈ မိနစ်မှာ တဂိုးသွင်းယူထားလို့ အဆင့် ၆ နေရာမှာ ရပ်တည်နေပြီး လီဗာပူး တိုက်စစ်ကစားသမား ကော်တင်ဟိုက အဆင့် ၅ မှာ ရပ်တည်နေပါတယ်။ မန်ယူကစားသမား လင်ဂတ်အနေနဲ့ ပွဲကစားချိန် နည်းပါးပေမယ့် လူစားဝင်ပြီး သွင်းဂိုးတွေလည်း ရယူခဲ့တာကြောင့် ပျမ်းမျှမိနစ်အလိုက် သွင်းဂိုးရရှိမှုမှာ အဆင့် ၃ နေရာ ရောက်ရှိနေတာ ဖြစ်ပါတယ်။

A d v e r t i s e m e n t With Us

More News
Up