လူကြီးချင်းစကားများရာမှ ၅ နှစ်အရွယ်ကလေးငယ်ကို ဝါးစိမ်းတုတ်ဖြင့် ရိုက်သတ်
DVB
·
December 30, 2017
ပုသိမ်မြို့ အနောက်တောင်တိုင်းစစ်ဌာနချုပ်လက်အောက်ခံ အမှတ်-၆ စစ်အခြေခံလေ့ကျင့်ရေးတပ်ရင်းမှာ အမျိုးသမီးချင်း စကားများရာမှ ရန်ငြိုးထားပြီး ၅ နှစ်အရွယ်ကလေးကို ဝါးစိမ်းတုတ်နဲ့ ရိုက်သတ်ခဲ့မှု ဒီဇင်ဘာ ၂၉ ရက်နေ့က ဖြစ်ပွားခဲ့တယ်လို့ ဧရာဝတီတိုင်းဒေသကြီးရဲတပ်ဖွဲ့က ပြောပါတယ်။
အမှတ် ၆ လေ့ကျင့်ရေးတပ်ရင်း အိမ်ထောင်သည်လိုင်းခန်းမှာ နေထိုင်တဲ့ စိုက်ခြံတာဝန်ခံတပ်သား ဆန်းဝေရဲ့ဇနီး မဝေဝေလေးဟာ လိုင်းခန်းခေါင်းဆောင် တပ်သားကျော်စိုးနိုင်ရဲ့ဇနီး ဒေါ်နှင်းဝေအောင်နဲ့ လိုင်းခန်းကသောက်သုံးရေကန်လှယ်ဖို့ ကိစ္စနဲ့ပတ်သတ်ပြီး စကားများပြီး ပါးရိုက်ခဲ့တဲ့အပေါ် မကျေနပ်ပဲ အငြိုးထားပြီး ဒေါ်နှင်းဝေအောင်ရဲ့သမီးဖြစ်သူ အိမ်ရှေ့ လာကစားတဲ့အချိန်မှာ အိမ်ခန်းတွင်းခေါ်သွင်းပြီး ဝါးစိမ်းတုတ်နဲ့ ဦးခေါင်းကို ရိုက်သတ်ခဲ့တာလို့ ဧရာဝတီတိုင်းဒေသကြီး ရဲတပ်ဖွဲ့က ဒုရဲမှူးကြီးခင်မောင်လတ်က ပြောပါတယ်။
“အသတ်ခံရတဲ့ကလေးအမေနဲ့ သတ်တဲ့အမျိုးသမီးက ပထမတစ်နေ့က စကားများထားတာ။ အဲဒါမကျေနပ်လို့ ကလေးကိုအိမ်ခေါ်လာပြီး ဝါစိမ်းတုတ်နဲ့ရိုက်သတ်တာ။ သတ်ပြီးမှအလောင်းကို တခြားနေရာသွာစွန့်တာပါ။ သတ်တဲ့အမျိုးသမီးကိုလည်း ဖမ်းထားပြီး သက်သေခံပစ္စည်းလည်း စုံနေပြီဆိုတော့ တရားစွဲဖို့အသင့်ဖြစ်နေပါပြီ။”
မဝေဝေလေးဟာ ကလေးကိုသတ်ပြီး နားမှာဝတ်ဆင်ထားတဲ့ နားကပ်ကို ချွတ်ယူဖွက်ထားခဲ့ပြီး ယောက်ျားဖြစ်သူနဲ့အတူ အလောင်းကို ပီနံအိတ်ထဲထည့်ပြီး လိုင်းခန်းအစပ် လယ်ကွင်းနားမှာရှိတဲ့ ရေမြောင်းထဲက ခြုံပုတ်ထဲကိုသွားပြီး စွန့်ပစ်ခဲ့ကြောင်း၊ ကလေးပျောက်လို့ လိုက်ရှာတဲ့အဖွဲ့မှာ သူတို့လင်မယား မပါတာကနေ တပ်ရင်းမိသားစုတွေက မသင်္ကာလို့ စစ်ဆေးရာမှ လူသတ်မှု ပေါ်ပေါက်ခဲ့တာလို့ ပုသိမ်မ်မြို့မရဲစခန်း စစ်ဆေးထွက်ဆိုချက်တွေအရ သိရပါတယ်။
ပုသိမ်မြို့မရဲစခန်းက မဝေေ၀လေးကို လူသတ်မှု ရာဇသတ်ကြီးဥပဒေပုဒ်မ ၃၀၂ နဲ့ ဖမ်းဆီးစစ်ဆေးနေပြီး အလောင်းဖျောက်ရာမှာ ကူညီခဲ့တဲ့ ယောက်ျားဖြစ်သူ တပ်သားဆန်းဝေကိုတော့ စစ်ခုံရုံးဖွဲ့ပြီး စစ်ဆေးမှုတွေ လုပ်နေတယ်လို့ သိရပါတယ်။