လဟယ်မြို့နယ်တွင် နေအိမ် ၆ လုံး မီးလောင်

နာဂတိုင်းရင်းသားဒေသ ဖြစ်တဲ့ စစ်ကိုင်းတိုင်းဒေသကြီး လဟယ်မြို့နယ် ကာမွေလော်ရှီကျေးရွာမှာ ဒီဇင်ဘာလ ၂၇ ရက်နေ့ နေ့လယ်ပိုင်းက ကလေးငယ်တဦး မီးကြွင်းမီးကျန် ဆော့ကစားရာမှ လူနေအိမ် ၆ လုံး လောင်ကျွမ်းသွားတယ်လို့ သိရပါတယ်။ ဖြစ်စဉ်မှာ ဦးဝမ်လိမ်ရဲ့သားငယ်ဖြစ်သူ ၉ နှစ်အရွယ်ရှိ ကလေးငယ်ဟာ နေအိမ်မီးဖိုက မီးကြွင်းမီးကျန်ကို ဆော့ကစားရာမှ နေအိမ်မီးလောင်ရာ တခြားအိမ်ခြေတွေပါ ကူးစက် လောင်ကျွမ်းသွားတယ်လို့ သိရပါတယ်။ “ရွာက လဟယ်နဲ့ဆို မိုင် ၉၀ လောက်ဝေးတယ်။ ရွာတိုင်းမှာ အရန်မီးသတ်တွေ ဖွဲ့စည်းထားပါတယ်။ အကုန်ဝိုင်းငြှိမ်းသတ်ရတာပေါ့”လို့ စစ်ကိုင်းတိုင်း မီးသတ်ဦးစီးဌာမှ ဦးစီးမှူး ဦးမင်းစန်းအေးက ပြောပါတယ်။ အခုလို မီးလောင်ကျွမ်းမှုကြောင့် ဆုံးရှုံးမှုတန်ဖိုးဟာ ငွေကျပ် ၃၀၀,၀၀၀ ခန့် ရှိတယ်လို့ ဆိုပါတယ်။ နေအိမ်တွေ မီးလောင်ကျွမ်းမှုနဲ့ပတ်သက်ပြီး ကလေးငယ်ရဲ့ ဖခင်ဖြစ်သူ ဦးဝမ်လိမ်ကို မီးပေါ့ဆစွာ အသုံးပြုမှု ရာဇသတ်ကြီးဥပဒေပုဒ်မ ၂၈၅ ဖြင့် လဟယ်မြို့မရဲစခန်းက အမှုဖွင့် အရေးယူထားပါတယ်။ မီးလောင်ကျွမ်းခဲ့တဲ့ ကျေးရွာဟာ မြို့နဲ့အလှမ်းဝေးတဲ့ ကျေးရွာဖြစ်တဲ့အတွက် အရေးပေါ် လူမှုအကူညီလည်း လိုအပ်နေတယ်လို့ သိရပါတယ်။ သတင်း - ရန်နိုင်စိုး

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up