ဖမ်းဆီးခံရိုက်တာသတင်းထောက် ၂ ဦးကို ပထမဆုံးအကြိမ် ရုံးထုတ်
1.4K
မြန်မာနိုင်ငံ လျှို့ဝှက်ချက်များ အက်ဥပဒေနဲ့ တရားစွဲဆိုခံထားထားရတဲ့ ရိုက်တာ သတင်းဌာနက သတင်းထောက် ကိုဝလုံးနဲ့ ကိုကျော်စိုးဦးတို့ကို ဒီကနေ့ ဒီဇင်ဘာ ၂၇ ရက်နေ့ မနက်က မင်္ဂလာဒုံမြို့နယ်တရားရုံးမှာ ပထမဆုံးအကြိမ်ရုံးထုတ်ပါတယ်။
သူတို့ဟာ သတင်းသမားအလုပ်ကို လုပ်ခဲ့တာကြောင့် အပြစ်မရှိဘူးလို့ ပြောဆိုတယ်လို့ အမှုကိုလိုက်ပါဆောင်ရွက်နေတဲ့ တရားလွှတ်တော်ရှေ့နေ ဦးသန်းဇော်အောင်ကပြောပါတယ်
“ကျနော်တို့မှာ အပြစ်မရှိပါဘူး။ ကျနော်တို့ဟာ သတင်းသမားတွေပါ ကိုယ့်အလုပ်ကို ကိုယ်လုပ်ခဲ့တာပါလို့ ကိုဝလုံးက ပြောဆိုခဲ့ပါတယ်။”
ဖမ်းဆီးခံထားရတဲ့ သတင်းသမားတွေကို CID ရုံးမှာထားရှိကာ စစ်ဆေးခဲ့တာဖြစ်ပြီး လက်ရှိမှာတော့ အင်းစိန်ထောင်ကို ပို့ဆောင် လိုက်ပါတယ်။ ဒုတိယ အကြိမ်ရုံးချိန်းကိုတော့ ဇန်နဝါရီ ၁၀ ရက်နေ့မှာ ပြန်လည်ချိန်းဆိုလိုက်တယ်။
ရိုက်တာသတင်းထောက် ကိုဝလုံး(ခ) ကိုသက်ဦးမောင်နဲ့ ကိုကျော်စိုးဦး(ခ)ကို မိုးအောင်တို့ကို ရဲတပ်ဖွဲ့ဝင်နှစ်ဦးဆီက တရားမ၀င်သတင်းအချက်တွေ ရယူလို့ဆိုပြီး ဒီဇင်ဘာ ၁၂ ရက်က မင်္ဂလာဒုံမြို့နယ်မှာ ဖမ်းဆီးခဲ့ပြီး အမြင့်ဆုံး ထောင်ဒဏ် ၁၄ နှစ်ထိချမှတ်နိုင်တဲ့ ဗြိတိသျှကိုလိုနီခေတ်က ၁၉၂၃ ခုနှစ် အစိုးရလျှို့ဝှက်ချက်အက်ဥပဒေနဲ့ တရားစွဲ ထားတာဖြစ်ပါတယ်။
