A d v e r t i s e m e n t With Us

ကတ်တလန်ခေါင်းဆောင် ပူအိဒမုန် ဘာစီလိုနာသို့ ပြန်လာမည်ဟု ပြော

ကတ်တလန်ရွေးကောက်ပွဲမှာ စပိန်ကနေခွဲထွက်ရေး လိုလားတဲ့ ပါတီတွေက အမတ်နေရာအများစု အနိုင်ရရှိလိုက်အပြီးမှာ ကတ်တလန်ခေါင်းဆောင် ပူအိဒမုန်က ကတ်တလန်ကို ပြန်လာမယ်လို့ ပြောကြားသွားပါတယ်။ သူနဲ့ သူ့အစိုးရအဖွဲ့ တာဝန်ပြန်လည်ထမ်းဆောင်ဖို့ ဘာစီလိုနာမှာရှိတဲ့ ကတ်တလန်အစိုးရရုံးကို ပြန်လာမယ်လို့ ဒီဇင်ဘာ ၂၁ ရက်နေ့မှာ ကတ်တလန်ခေါင်းဆောင် ပူအိဒမုန်က ပြောကြားသွားတာပါ။ ရွေးကောက်ပွဲမှာ ကတ်တလန်ခွဲထွက်ရေးလိုလားတဲ့ ပါတီတွေ အမတ်နေရာအများစု အနိုင်ရခဲ့တာနဲ့ ပတ်သက်ပြီး ကတ်တလန်သမ္မတနိုင်ငံက စပိန်အပေါ်အောင်ပွဲ ဖြစ်တယ်လို့ ဘယ်လ်ဂျီယံ ဘရပ်ဆဲလ်မြို့မှာ ထွက်ပြေးတိမ်းရှောင်နေတဲ့ ပူအိဒမုန်က ပြောကြားခဲ့ပါတယ်။ နောက်ပြီး ဖမ်းဆီးထားတဲ့ ကတ်တလန်အစိုးရအဖွဲ့ဝင်တွေကို ချက်ချင်းလွှတ်ပေးဖို့ကိုလည်း ပူအိဒမုန်က တောင်းဆိုခဲ့ပါတယ်။

A d v e r t i s e m e n t With Us

More News
Up