လူမသိ သူမသိဘဲ အိမ်အောက်မှာ ဝင်ခွေနေတဲ့ ဧရာမမြွေကြီးတကောင်ကို ရုတ်တရက်တွေ့ရမယ်ဆိုရင် ထိတ်လန့်သွားကြမှာပါပဲ။ ဒီအဖြစ်အပျက်ကတော့ မလေးရှားနိုင်ငံ၊ ပီရက်ခ်ပြည်နယ်တွင်းမှာ ဖြစ်ခဲ့တာလို့ ချန်နယ်နယူးစ်အေးရှား သတင်းမှာ ဒီကနေ့ ဖော်ပြပါတယ်။ အသက် ၅၄ နှစ်အရွယ် အမျိုးသမီး ဆိုလီမား ဂျာမေးလ်ဟာ မနက်ပိုင်းက သူ့အိမ်အောက်ပိုင်းကနေ လဲပြိုပြုတ်ကျတဲ့အသံကို ကြားခဲ့ချိန်မှာ ဒါကို မြေခွေးတကောင်ဖြစ်မယ်လို့ အစပိုင်းက ယူဆခဲ့တာပါ။ ဒါပေမယ့် အိမ်အောက် ယက်မတန်းမှာ ရစ်ခွေနေခဲ့တဲ့ အရှည် ၃ မီတာ၊ အလေးချိန် ၃၅ ကီလိုဂရမ်လောက်ရှိတဲ့ စပါးကြီးမြွေကို တွေ့လိုက်ရချိန်မှာတော့ အံ့အားသင့် အထိတ်တလန့် ဖြစ်သွားခဲ့တာပါ။ ဆိုလီမားဟာ ကလန်ဒေသမီးသတ်နဲ့ ကယ်ဆယ်ရေးဌာနမှာ အလုပ်လုပ်နေတဲ့ သားဖြစ်သူဆီ ဖုန်းဆက်သွယ် အကူအညီ တောင်းခဲ့ပြီးနောက်မှာ ကယ်ဆယ်ရေးအဖွဲ့တွေ ရောက်ရှိလာခဲ့ကြပါတယ်။ သူ့ဆီက ကြောက်လန့်နေတဲ့ ဖုန်းဆက်သွယ်မှု ရအပြီးမှာတော့ ကယ်ဆယ်ရေးအဖွဲ့မှ လူ ၄ ဦးဟာ နေရာမှာ ဖြန့်ကျက်ကာ မြွေကြီးကို ရှာဖွေခဲ့ကြတာ ဖြစ်ပါတယ်။ “ကျနော်တို့လူတွေက အိမ်တွင်း ကျူးကျော်ဝင်ရောက်နေတဲ့ မြွေကြီးကို အချိန် ၁၀ မိနစ်လောက် ရှာဖွေခဲ့ရတယ်။ မြွေဟာ အိမ်ထဲမှာ အမိုးအကာအကွယ်ရဖို့ လာရှာတာဖြစ်နိုင်တယ်” လို့ ကယ်ဆယ်ရေးအဖွဲ့မှ တာဝန်ရှိသူ မိုဒ်ဖာဇ်လီ မိုဟာမက်ဒ် ဇဝါဝီက ပြောပါတယ်။ အခုနှစ် ဇန်နဝါရီလကတည်းက လက်ရှိအချိန်ထိ မြွေကောင်ရေ ၂၆၅ ကောင် ဖမ်းဆီးခဲ့ရပြီး ပြီးခဲ့တဲ့နှစ်နဲ့ နှိုင်းယှဉ်ရင်တော့ ကောင်ရေ ၅၀ လောက် တိုးလာတာလို့ ဆိုပါတယ်။ ဒါဟာ တွားသွား သားရိုင်းတိရစ္ဆာန်တွေရဲ့ ဂေဟဗေဒစနစ် ပျောက်ဆုံးလာတဲ့ အကျိုးဆက်အဖြစ် ခုလို အဖြစ်များလာခဲ့တာလို့ ဆိုပါတယ်။ လက်ရှိမှာတော့ ဒေသတွင်း နေထိုင်သူတွေကိုလည်း သတိနဲ့နေထိုင်ကြဖို့ နှိုးဆော်တိုက်တွန်းမှုတွေ လုပ်ဆောင်နေရတာ ဖြစ်ပါတယ်။