A d v e r t i s e m e n t With Us

မြွေဟောက်ကိုက်ခံရချိန် အွန်လိုင်းပေါ် အကူအညီတောင်းခဲ့သည့် လူငယ် သေဆုံး

ဓာတ်ပုံ - AsiaWire
အင်ဒိုနီးရှားနိုင်ငံက ဆယ်ကျော်သက် လူငယ်တဦးဟာ အိမ်မှာမွေးထားတဲ့ မြွေဟောက်တကောင် အကိုက်ခံခဲ့ရချိန်မှာ အွန်လိုင်းပေါ်မှတဆင့် အကူအညီတောင်းခဲ့ပေမယ့် အချီန်မမီခဲ့ဘဲ သေဆုံးခဲ့ရတယ်လို့ မေရာသတင်းမှာ ဒီကနေ့ဖော်ပြပါတယ်။ ဒီအဖြစ်အပျက်ဟာ အနောက်ဂျာဗားပြည်နယ်တွင်းမှ နေအိမ်မှာ ဖြစ်ခဲ့တာဖြစ်ပြီး အသက် ၁၄ နှစ်အရွယ် အာရီရယ်ဟာ အဲဒီအချိန်မှာ အိမ်မှာ မြွေကြီးနဲ့အတူ ရှိနေခဲ့တာလို့ ဆိုပါတယ်။ အစပိုင်းမှာတော့ သူဟာ မြွေကြီးကို ရေချိုးသုတ်သင်ပေးပြီးနောက် အတူရှိနေခဲ့ပုံတွေကို Whatsapp အင်တာနက် လူမှုကွန်ရက်စာမျက်နှာပေါ်မှာ တင်ခဲ့ပြီး “ဘာကြောင့် မပြုံးရတာလဲ” လို့ မြွေကြီးကို ရည်ညွှန်းကာ ဖော်ပြခဲ့တာပါ။ အဲဒီနောက်တော့ အချိန် ၄ မိနစ်အကြာမှာ ညာဘက်လက်မောင်းမှာ မြွေကိုက်ခံရတဲ့ ဒဏ်ရာတွေနဲ့ ဓာတ်ပုံတပုံ တက်လာခဲ့ပြီး “ဘဝနဲ့ သေဆုံးခြင်းကြား” လို့ အမည်တပ် ဖော်ပြထားခဲ့တာကို တွေ့ရပါတယ်။ ပုံထဲမှာ ဒဏ်ရာရဲ့ အထက်ကနေ ဖိနပ်ချည်ကြိုးနဲ့ တင်းတင်းချည်ထားခဲ့ကာ အဆိပ်တွေ ပြန့်မသွားဖို့ လုပ်ဆောင်ထားခဲ့တာကို တွေ့ရပါတယ်။ သူသေဆုံးပြီးနောက်မှာတော့ မိခင်ဖြစ်သူက အာရီရယ်ဟာ နေအိမ်မှာ တဦးတည်းရှိနေခ်ျိန် ခုလိုဖြစ်ခဲ့တာဖြစ်ပြီး သူ့ရဲ့ အွန်လိုင်းပေါ်မှာတင်ခဲ့တဲ့ ဓာတ်ပုံနဲ့ စာတွေဟာ နာမည်ကြီးချင်လို့ မဟုတ်ဘဲ အကူအညီတောင်းတာသာဖြစ်တယ်လို့ ပြောလိုက်တာပါ။ သတင်းမီဒီယာတွေမှာတော့ အာရီရယ်ဟာ အွန်လိုင်းပေါ်မှတဆင့် “ကျနော့် သူငယ်ချင်းတယောက်ယောက်များရှိရင် ကျနော့်ကို ဆေးရုံခေါ်သွားပေးကြပါ” လို့ ရေးခဲ့သေးကြောင်း ပြောပါတယ်။ တနာရီလောက်အကြာမှာမှ သူ့ကို ဆေးရုံပို့ဆောင်ပေးနိုင်ခဲ့ပေမယ့် အချိန်မမီတော့ဘဲ နောက်ပိုင်းမှာ သေဆုံးသွားခဲ့တယ်လို့ ဆိုပါတယ်။ အာရီရယ်ဟာ မြွေတွေနဲ့ အကျွမ်းတဝင်ရှိသူတဦးဖြစ်ပြီး ဒေသတွင်း အစိုးရမဟုတ်တဲ့ အဖွဲ့အစည်းတခုရဲ့ တက်ကြွတဲ့ အဖွဲ့ဝင်တဦး ဖြစ်ပါတယ်။ သူဟာ ပရဟိတလုပ်ငန်းတွေမှာ ရန်ပုံငွေရှာဖို့အတွက် လမ်းမတွေပေါ် မြွေတွေနဲ့ သရုပ်ပြတင်ဆက်မှုတွေလည်း လုပ်လေ့ရှိတယ်လို့ သတင်းမှာ ဖော်ပြပါတယ်။

A d v e r t i s e m e n t With Us

More News
Up