ပလိပ်ပန်ဒါချည်မျှင်အထည်စက်ရုံအလုပ်သမားများ ဆိုင်ကယ်အစီး ၁၂၀ကျော်ဖြင့်ဆန္ဒပြ
Aung Aung Naing
·
December 17, 2017
မန္တလေးတိုင်းဒေသကြီး ပလိပ်ပန်ဒါချည်မျှင်အထည်စက်ရုံက အလုပ်သမား ၂၀၀ ကျော်ဟာ ဒီနေ့ မနက်ပိုင်းက ပလိပ်ပန်ဒါချည်မျှင်အထည်စက်ရုံမှ မဟာအောင်မြေမြို့နယ် ပြည်သူ့ဟစ်တိုင်ကွင်းအထိ ဆိုင်ကယ်အစီး ၁၂၀ ကျော်နဲ့ ဆန္ဒပြခဲ့ကြပါတယ်။
ပန်ဒါချည်မျှင်စက်ရုံက အလုပ်သမားတွေဟာ ၈ လကြာသပိတ်တိုက်ပွဲဆင်နွှဲခဲ့ကြပြီး အလုပ်သမားဝန်ကြီးဌာနက အချက် ၂၈ ချက်ပါ အလုပ်ရှင်အလုပ်သမား နှစ်ဦးသဘောတူစာချုပ် ချုပ်ဆိုခဲ့ကြတာပါ။
ဒါပေမယ့်အလုပ်ရှင်ဘက်က စာချုပ်ချိုးဖောက်ပြီး အလုပ်ရပ်နားထားတဲ့ အလုပ်သမား အမှုဆောင် ၂ ဦးကို အမြန်ဆုံး ပြန်လည်ခန့်ထားပေးဖို့ ချုပ်ဆိုထားတဲ့စာချုပ်ကို အကောင်ထည် ဖော်ပေးဖို့နဲ့ အလုပ်သမားဥပဒေစိုးမိုးဖို့ စတဲ့ အချက် (၆) ချက်တောင်းဆိုခဲ့ကြတာပါ။
ပန်ဒါစက်ရုံအလုပ်အမှုဆောင် မဇာခြည်ဝင်းက “အလုပ်သမားဝန်ကြီးဌာနအနေနဲ့ စာချုပ် ချိုးဖောက်တဲ့ အလုပ်ရှင်ကို ထိထိရောက်ရောက် အရေးမယူတာကို အလုပ်သမား ၂၀၀ ကျော်က မကျေမနပ်ဖြစ်တဲ့အတွက် ဆန္ဒပြရတာ ဖြစ်တယ်”လို့ ပြောပါတယ်။
လွှဲပြောင်းခံ နိုင်ငံဝန်ထမ်းဟောင်းများ ဘဝအာမခံချက်ရရှိရေး၊ ၂၈ ချက်ပါ သဘောတူညီ ချက် စာချုပ်ကို အပြည့်အဝအကောင်အထည်ဖော်ပေးရေး၊ အလုပ်အမှုဆောင် ၂ ဦးကို ပြန်လည်ခန့်ထားပေးရေး၊ အလုပ်သမားဥပဒေစိုးမိုးရေး၊ ဥပဒေအထက်ရှိ အလုပ်ရှင်များ အလိုမရှိ၊ အလုပ်သမားအရေးဝင်ရောက်ဆောင်ရွက် မပေးသောလူကြီးများ အလိုမရှိ စတဲ့ကြွေးကျော်သံတွေနဲ့အတူ ပလိပ်ပန်ဒါချည်မျှင်စက်ရုံမှ မန္တလေးပြည်သူ့ဟစ်တိုင်ကွင်းအထိ ဆန္ဒပြခဲ့ကြပါတယ်။