A d v e r t i s e m e n t With Us

အိုလံပစ်ပြိုင်ပွဲ လက်ခံကျင်းပမည့် တောင်ကိုရီးယားတွင် လုံခြုံရေးအတွက် လေ့ကျင့်

ဓာတ်ပုံ - ရိုက်တာ
တောင်ကိုရီးယားနိုင်ငံ ပြုံချမ်းမြို့မှာ ဒီဇင်ဘာ ၁၂ ရက်နေ့က လုံခြုံရေးအတွက် လေ့ကျင့်နေကြပါတယ်။ လာမယ့် ဖေဖော်ဝါရီလမှာ ဆောင်းရာသီ အိုလံပစ်ပြိုင်ပွဲ လက်ခံကျင်းပမှာမို့ အကြမ်းဖက် တိုက်ခိုက်မှုတွေကို ဆန့်ကျင်ကာကွယ်နိုင်ရေး ပြင်ဆင်နေတာ ဖြစ်ပါတယ်။ ဒရုန်းယာဉ်မှာ ဗုံးတပ်ပြီး တိုက်ခိုက်တာ၊ အားကစားရုံကို ကားနဲ့ ကျုံးဝင်တိုက်ပစ်တာနဲ့ ပြန်ပေးဆွဲမယ့် အခြေအနေပေါင်းစုံကို ပုံစံတူဖန်တီး လေ့ကျင့်နေကြပါတယ်။ ဒီလေ့ကျင့်မှုကို ရဲနဲ့ မီးသတ်သမားတွေ အပါအဝင် လူအယောက် ၄၂၀ ပါဝင် လေ့ကျင့်ပါတယ်။ ဒီမြို့ဟာ စစ်တပ် အကြီးအကျယ် တပ်ချထားတဲ့ မြောက်ကိုရီးယားနယ်စပ်နဲ့ မိုင် ၅၀ သာ ဝေးပါတယ်။ လတ်တလောလတွေအတွင်း မြောက်ကိုရီးယားက ဒုံးကျည်ပစ်လွှတ် စမ်းသပ်တာတွေ ဆက်တိုက်လုပ်ခဲ့လို့ ကိုရီးယားကျွန်းဆွယ်မှာ စိုးရိမ်ပူပန်မှုတွေ မြင့်တက်ခဲ့ပါတယ်။ မြောက်ကိုရီးယားဟာ ကုလသမဂ္ဂ ဒဏ်ခတ်မှုနဲ့ အမေရိကန်ရဲ့ သတိပေးမှုတွေကို အာခံပြီး နျူကလီးယား လက်နက်တွေကို ပိုင်ဆိုင်ရေး ဆက်လက်ကြိုးစားနေတာပါ။ ဆောင်းရာသီ အိုလံပစ်ပွဲမှာ တောင်ကိုရီးယား လက်နက်ကိုင်တပ်ဖွဲ့ဝင် အယောက် ၅ ထောင် တပ်ချထားမယ်လို့ တောင်ကိုရီးယား အစိုးရအရာရှိတွေက ဆိုပါတယ်။ ဖြောင်းချန် အိုလံပစ်ကော်မတီကလည်း မြောက်ကိုရီးယားက ဆိုင်ဘာ ဖောက်ထွင်းတိုက်ခိုက်မှုကို ကာကွယ်ကြပ်မတ်ဖို့ ပုဂ္ဂလိက ဆိုင်ဘာလုံခြုံရေးကုမ္ပဏီကို ငှားရမ်းထားတယ်လို့ တင်ဒါဆိုင်ရာ စာရွက်စာတမ်းတွေအရ သိရပါတယ်။

A d v e r t i s e m e n t With Us

More News
Up