A d v e r t i s e m e n t With Us

အကောင်းဆုံးပြည်တွင်းအလုပ်ရှင်ဆု ရိုးမဘဏ် ရရှိ

  မြန်မာနိုင်ငံရဲ့ ပထမဆုံးဖြစ်တဲ့ အလုပ်ရှင်ဆုပေးပွဲမှာ ရိုးမဘဏ်က အကောင်းဆုံး ပြည်တွင်းလုပ်ငန်းရှင်ဆုကို ဆွတ်ခူးရရှိခဲ့ပါတယ်။ ၂၀၁၇ ခုနှစ်၊ မြန်မာလုပ်ငန်းရှင်ဆုကို အလုပ်အကိုင်ရှာဖွေရေး ဝက်ဘ်ဆိုဒ်ဖြစ်တဲ့ Jobnet.com.mm က စီစဉ်ခဲ့ပြီး မနေ့က ကြေညာလိုက်တာပါ။ ဆုတွေကို ကဏ္ဍအလိုက်ရွှေ၊ ငွေနဲ့ ကြေးဆုတွေ ပေးခဲ့ပြီး အဲဒီထဲကမှ အကောင်းဆုံးထဲက အကောင်းဆုံးဆုအတွက် ပြည်တွင်းကုမ္ပဏီအနေနဲ့ ရိုးမဘဏ်ကရပြီး နိုင်ငံတကာကုမ္ပဏီအနေနဲ့ Unilever ကရခဲ့ပါတယ်။ လူကြိုက်အများဆုံးဆုအတွက် နိုင်ငံတကာကုမ္ပဏီ အော်ရီဒူးကရပြီး  ပြည်တွင်းအတွက် အမ်ပီတီက ရပါတယ်။ စုစုပေါင်း ဆု ၆၁ ခုကို ရွေးချယ်ပေးအပ်ခဲ့ပြီး ကဏ္ဍတစ်ခုခြင်းအလိုက် ရွှေဆုရတဲ့ ကုမ္ပဏီ တွေကတော့ Peace Myanmar Group၊ Sule Shangri-La၊  FAME Pharmaceuticals၊  PriceWaterhouseCoopers (PWC) နှင့် MyWorld Careers တို့ဖြစ်ပါတယ်။ ဒီဆုတွေအတွက် ပြည်တွင်းကုမ္ပဏီတွေအပြင် နိုင်ငံတွင်းမှာဝင်ရောက် လုပ်ကိုင်နေတဲ့ ပြည်ပ ကုမ္ပဏီတွေလည်း ဝင်ရောက် အဆိုပြုခဲ့ကြပြီး အစားအသောက်နဲ့ အဖျော်ယမကာ လုပ်ငန်း၊ ခရီးသွားလုပ်ငန်း၊ ဆက်သွယ်ရေးလုပ်ငန်း၊ ငွေကြေး ဝန်ဆောင်မှုလုပ်ငန်းတွေ၊ ဘဏ်တွေ၊ ဥပဒေ အကျိုးဆောင်လုပ်ငန်း စတာတွေက လျှောက်ထားခဲ့ကြပါတယ်။ ဆုရွေးချယ်ရေးကို သီးခြားအကဲဖြတ်အဖွဲ့နဲ့ ၅ လကြာ ရွေးချယ်ခဲ့တာဖြစ်တယ်လို့ ဖြစ်ပြီး Jobnet ကထုတ်ပြန်ပါတယ်။ ကုမ္ပဏီတွေအနေနဲ့ အလုပ်သမားတွေကို အကောင်းဆုံးစောင့်ရှောက်နိုင်တာ၊ အလုပ်အကိုင် ပေးနိုင်တာ၊ ဆွဲဆောင်နိုင်တာ စတဲ့ အချက်တွေအပေါ်မှာ အကဲဖြတ်တာ ဖြစ်တယ်လို့လည်း ထုတ်ပြန်ထားပါတယ်။
Tags
အကောင်းဆုံးပြည်တွင်းအလုပ်ရှင်ဆု ရိုးမဘဏ် ရရှိ
© Copyright 2020 DVB Designed and Developed by Digit X Myanmar.
Up