A d v e r t i s e m e n t With Us

ရေသူမကဲ့သို့ လူတပိုင်း ငါးတပိုင်းပုံ ကလေးမွေး၊ ၄ နာရီအကြာတွင် သေဆုံး

အိန္ဒိယနိုင်ငံမှာ မိခင်တဦးက လူတပိုင်းငါးတပိုင်းပုံစံ ကလေးကို မွေးခဲ့ပြီး နာရီပိုင်းအကြာမှာ သေဆုံးသွားပါတယ်။ အခုလို ပုံစံမျိုးမွေးလာတာဟာ အခုကလေးနဲ့ဆို ကမ္ဘာပေါ်မှာ ၅ ဦးမြောက်အဖြစ် မွေးဖွားခဲ့တယ်လို့ သိရပါတယ်။ မက်ကူရာဘီဘီ အသက် ၂၃ နှစ်က ရေသူမရောဂါလက္ခဏာ ဒါမှမဟုတ် စီရန်နိုမီလီယာ (Sirenomelia) လို့ ခေါ်တဲ့ ခန္ဓာကိုယ်ပုံမှန်မဟုတ်တဲ့ ကလေးကို ဒီဇင်ဘာ ၆ ရက်နေ့က မွေးဖွားခဲ့တာပါ။ ခြေထောက် ၂ ချောင်းက ပူးနေလို့ ယောက်ကျားကလေး၊ မိန်းကလေးမှန်း မသိရတဲ့ ကလေးငယ်က အိန္ဒိယနိုင်ငံမှာတော့ စီရန်နိုမီလီယာရောဂါနဲ့ ဒုတိယမြောက် မွေးဖွားလာတဲ့ ကလေးလို့ ဆိုပါတယ်။ ကလေးက မွေးဖွားပြီး ၄ နာရီအကြာမှာ သေဆုံးသွားတယ်လို့လည်း သိရပါတယ်။ “ဒီလိုကလေးမျိုး အရင်က တခါမှ မတွေ့ဖူးဘူး။ ဒီလိုမွေးတာက ပြည်နယ်မှာ ပထမဦးဆုံးအကြိမ် နိုင်ငံအနေနဲ့တော့ ဒုတိအကြိမ်အဖြစ် မွေးတာပါ။ ကလေးရဲ့ အပေါ်ပိုင်းက ပုံမှန်ပဲ၊ ဒါပေမယ့် ခါးအောက်ပိုင်း ခြေထောက်တွေက တွဲရက်ဖြစ်နေတယ် အောက်ပိုင်းကလည်း လုံးဝမဖွံ့ဖြိုးဘူး” လို့ ကလေးအထူးကု ဒေါက်တာဆူဒစ်ရှာဟာက ပြောပါတယ်။ မိခင်ဖြစ်သူက သူမရဲ့ဦးဆုံးကလေးအတွက် သင့်တော်တဲ့ဆေးဝါးတွေ မတတ်နိုင်သလို အာလ်ထရာဆောင်းလည်း မရိုက်ခဲ့ရပါဘူး။ ဒီလိုဖြစ်တာဟာ သန္ဓေသားလောင်းက သင့်တော်တဲ့ အာဟာရမရှိတာနဲ့ ပုံမှန်မလည်ပတ်မှုကြောင့် ဖြစ်တာလို့ ဆရာဝန်က ပြောပါတယ်။ အိန္ဒိယနိုင်ငံရဲ့ ၂၀၁၆ ခုနှစ်မှာ မွေးဖွားတဲ့ ပထမဦးဆုံးသော ရေသူမပုံစံ ကလေးက ၁၀ မိနစ်ပဲ အသက်ရှင်တယ်လို့ မေရာသတင်းမှာ ဒီဇင်ဘာ ၉ ရက်နေ့က ဖော်ပြထားပါတယ်။

A d v e r t i s e m e n t With Us

More News
Up