ကျောင်းသားအား သံတုတ်ချောင်းဖြင့် ရိုက်သည့် ပါမောက္ခကိစ္စ စတင်စစ်ဆေး
DVB
·
December 9, 2017
မော်လမြိုင်နည်းပညာတက္ကသိုလ်ရဲ့ လက်တွေ့ပရောဂျက်ကာလတွေမှာ ကျောင်းသူ၊ ကျောင်းသားတွေအပေါ် သံတုတ်ချောင်းနဲ့ရိုက်နှက်ခဲ့တဲ့ ပါမောက္ခတဦးအပါအ၀င် သက်ဆိုင်ရာ ဆရာ၊ ဆရာမ ကျောင်းသူ၊ ကျောင်းသားတွေကို ဒီဇင်ဘာလ ၆ ရက်နေ့က မော်လမြိုင်တက္ကသိုလ်မှာ စတင်စစ်ဆေးခဲ့ပါတယ်။
အဆိုပါ စစ်ဆေးရေးအဖွဲ့မှာ ဥက္ကဋ္ဌအဖြစ် မော်လမြိုင်တက္ကသိုလ် ပါမောက္ခချုပ် ဒေါက်တာအောင်မြတ်ကျော်စိန်၊ အဖွဲ့ဝင်အဖြစ် သထုံကွန်ပျူတာတက္ကသိုလ်ကျောင်းအုပ်ကြီး ဒေါက်တာဝင်းဌေးနဲ့ အဏ္ဏ၀ါ သိပ္ပံဌာနမှူးတဦးတို့က တာဝန်ယူပြီး မော်လမြိုင်နည်းပညာ တက္ကသိုလ်မှ ဦးဆောင်တိုင်ကြားသူ စက်မှုအင်ဂျင်နီယာဌာနမှူး ပါမောက္ခဒေါက်တာ သန့်ဇင်ဝင်း၊ တိုင်ကြားခံရသူ ပါမောက္ခဒေါက်တာသန္တာအောင်နဲ့ လက်မှတ်ရေးထိုးထောက်ခံခဲ့ကြတဲ့ ဆရာ၊ဆရာမ ၄ ဦး၊ ကျောင်းသူ၊ ကျောင်းသား ၇ ဦးတို့ကို ခေါ်ယူစစ်ဆေးခဲ့တာဖြစ်ပါတယ်။
အဆင့်မြင့်ပညာဦးစီးဌာနမှ ညွှန်ကြားရေးမှူးချုပ် ဒေါက်တာသိန်းဝင်းက “စစ်ဆေးတာကတော့ မော်လမြိုင် ပါချုပ် ဒေါက်တာအောင်မြတ်ကျော်စိန်ကို စစ်ဆေးခိုင်းထားတယ်။ သူ့ဆီက ဆရာတို့ဆီ report မတက်သေးဘူး။ သူ့ဆီကို မေးရင်တော့ အချက်အလက်အသေးစိတ် သိနိုင်မယ်။ အဲလိုစစ်ဆေးဖို့ ဆရာ လက်မှတ်ထိုးပြီး ထုတ်ထားတယ်” လို့ ပြောပါတယ်။
ဒီကိစ္စနဲ့ပတ်သက်ပြီး မော်လမြိုင်တက္ကသိုလ် ပါမောက္ခချုပ် ဒေါက်တာ အောင်မြတ်ကျော်စိန်ကို မေးမြန်းခဲ့ပေမယ့် ဖြေကြားဖို့ ငြင်းဆိုခဲ့ပါတယ်။
စစ်ဆေးရာမှာ အဖွဲ့ဝင်အဖြစ် ပါဝင်ခဲ့တဲ့ သထုံကွန်ပျူတာတက္ကသိုလ် ကျောင်းအုပ်ကြီး ဒေါက်တာဝင်းဌေးက “ဒီနေ့(ဒီဇင်ဘာလ ၈ ရက်နေ့) နောက်ဆုံး ကျနော်တို့ Report တင်မှာပါ။ သက်ဆိုင်တဲ့သူတွေရဲ့ စစ်ဆေးတွေ့ရှိချက်တွေကို အဆင့်မြင့်ပညာက ညွှန်ချုပ်ကို ဒီညနေတင်ပြီ” လို့ ပြောပါတယ်။
စစ်ဆေးချက်တွေအပေါ်မူတည်ပြီး အပြစ်ရှိပါက အရေးယူဆောင်ရွက်သွားမယ်လို့ အဆင့်မြင့်ပညာဦးစီးဌာနမှ တာဝန်ရှိသူတွေက ပြောပါတယ်။
ဦးဆောင်တိုင်ကြားသူ ဆရာတစ်ဦးက “မျှော်လင့်ထားသလို မဖြစ်လာသေးဘူး။ ဖြစ်စဉ်ဖြစ်တာက ၁၀ လပိုင်း ၃၀ ရက်နေ့လောက်ကဖြစ်သွားတာ။ ၁၁ လပိုင်း တလလုံး ဘာမှ မလုပ်ဘူး။ ဒီဇင်ဘာ ၅ ရက်၊ ၆ ရက်မှ သိရတယ်ဆိုတော့ တကယ်လို့သာ ကျနော်တို့ကို အလေးအနက်ထားတယ်၊ ဆရာ၊ဆရာမတွေအပေါ် လေးစားတန်ဖိုးထားတယ်ဆိုရင် ဒီလောက်ကြီး ကြာစရာမရှိဘူး။ ပြဿနာကို သွေးအေးအောင် လုပ်လိုက်တဲ့သဘောပဲရှိတယ်။ စစ်ဆေးတဲ့အခါမှာလည်း ဘာအကြောင်းအရာကို စစ်ဆေးဖို့ ခေါ်တာလဲဆိုတာ မသိရဘူး။ ဒါကတော့ သိပ်ပြီးတော့ သဘာဝမကျဘူး။” လို့ ပြောပါတယ်။
ပြီးခဲ့တဲ့ နိုဝင်ဘာလ (၆) ရက်နေ့က မော်လမြိုင်နည်းပညာတက္ကသိုလ် ဆရာ၊ ဆရာမ ၁၅ ဦးနဲ့ ကျောင်းသူ၊ ကျောင်းသားတွေ စုပေါင်းလက်မှတ်ထိုးကာ ကျောင်းသားတွေကို သံတုတ်ချောင်းနဲ့ရိုက်ပြီး ကိုယ်နှုတ်ရိုင်းပျတဲ့ ပါမောက္ခဆရာမကို အရေးယူပေးဖို့ အဆင့်မြင့်ပညာဦးစီးဌာနကို တိုင်ကြားခဲ့ပြီး တိုင်ကြားမှုမှာ ပါဝင်တဲ့ ဗွီဒီယိုင်ဖိုင်တချို့လည်း လူမှုကွန်ယက်တွေမှာ ပျံ့နှံ့ခဲ့ပါတယ်။
သတင်းနှင့်ဓာတ်ပုံ - အာကာမင်း