A d v e r t i s e m e n t With Us

ဆိုင်ကယ်စီးလူဆိုးဂိုဏ်းဝင် သြစတြေးလျနှင့် ကနေဒါ နိုင်ငံသား ၄ ဦးကို ထိုင်းရဲ ဖမ်းဆီး

ထိုင်းနိုင်ငံ ပတ္တယား အပန်းဖြေမြို့မှာ ဆိုင်ကယ်စီး လူဆိုးဂိုဏ်းအဖွဲ့တဖွဲ့မှ သြစတြေးလျ နိုင်ငံသား ၃ ယောက်နဲ့ ကနေဒါနိုင်ငံသား ၁ ယောက်ကို ဖမ်းဆီးလိုက်တယ်လို့ ထိုင်းရဲတပ်ဖွဲ့က ဒီနေ့ ပြောပါတယ်။ Hells Angels မော်တော်ဆိုင်ကယ်စီး လူရမ်းကားအဖွဲ့ဝင်တွေရဲ့ နေအိမ်တွေကို ရဲတပ်ဖွဲ့က ဝင်ရောက်စီးနင်းရာမှာ လက်နက်၊ ငွေနဲ့ တန်ဖိုးကြီးကားတွေကို သိမ်းဆည်းရမိခဲ့တာလည်း ဖြစ်ပါတယ်။ “သူတို့ဟာ လူ့အဖွဲ့အစည်းကို ခြိမ်းခြောက်အန္တရာယ်ပြုနေပါတယ်။ အထူးသဖြင့်  သေနတ်သံ၊ စစ်လက်နက်နဲ့ တရားမဝင် မူးယစ်ဆေးရောင်းချမှုတွေ ကင်းမဲ့ရမယ့် နေရာဖြစ်တဲ့ ပတ္တယားလို့ ကမ္ဘာလှည့်ခရီးသွားတွေ အလာများတဲ့ နယ်မြေတွင်းမှာ ခြိမ်းခြောက်အန္တရာယ်ပြုနေတာပါ” လို့ ထိုင်းကမ္ဘာလှည့်ခရီးသည်နဲ့ ဆိုင်တဲ့ ရဲတပ်ဖွဲ့ရဲ့ ယာယီလက်ထောက်ရဲချုပ် ဆူရာချတ် ဟက်ပါက ပြောကြားသွားပါတယ်။ အခု ဖမ်းဆီးထားသူတွေထဲက သြတြေးလျနိုင်ငံသား ၁ ဦးနဲ့ ကနေဒါ နိုင်ငံသား ၁ ဦးကို သူ့တို့ရဲ့ မိခင်နိုင်ငံကို ချက်ချင်းပြန်ပို့မှာဖြစ်ပြီး၊ ကျန်သြစတြေးလျနိုင်ငံသား  ၂ ဦးကို မူးယစ်ဆေး သုံးစွဲထားတာ တွေ့ရှိရတဲ့အတွက် ထိုင်းနိုင်ငံမှာပဲ တရားစွဲဆိုသွားမယ်လို့ ထိုင်း ကမ္ဘာလှည့်ခရီးသွားနဲ့ဆိုင်တဲ့ ရဲတပ်ဖွဲ့က ပြောကြားပါတယ်။ ထိုင်းအစိုးရဟာ ထိုင်းနိုင်ငံတွင်းမှာပဲ နေထိုင်ဆဲလို့ ယူဆထားတဲ့ နောက်ထပ် နိုင်ငံခြားသား ၃ ဦးကိုလည်း ရှာဖွေနေတယ်လို့ ရိုက်တင်သတင်းမှာ ဖော်ပြထားပါတယ်။

A d v e r t i s e m e n t With Us

More News
Up