A d v e r t i s e m e n t With Us

ဟွန်ဒူးရပ်စ်တွင် ညမထွက်အမိန့် ထုတ်ပြန်

ဟွန်ဒူးရပ်စ် အစိုးရက နိုင်ငံတွင်း ညမထွက်ရအမိန့်ကို ဒီဇင်ဘာ ၂ ရက်နေ့က ထုတ်ပြန်လိုက်ပါတယ်။ သမ္မတရွေးကောက်ပွဲအပြီး ဆန္ဒပြမှုတွေနဲ့ လုယက်မှုတွေကြောင့် လူအနည်းဆုံး တယောက် သေဆုံးအပြီးမှာ ခုလို အမိန့်ထုတ်တာပါ။ တနိုင်ငံလုံးမှာ ၁၀ ရက် ညမထွက်ရ အမိန့်ကိုထုတ်ပြန်ထားတာဖြစ်ပြီး စစ်တပ်နဲ့ ရဲတွေကိုလည်း တိုးချဲ့ခဲ့ပါတယ်။ ဒါဟာ သမ္မတ ရွေးကောက်ပွဲ မဲရေတွက်မှုကို မကျေနပ်တဲ့ ဆန္ဒပြပွဲတွေကို နှိမ်နင်းဖို့ အကွက်ရွှေ့တာလို့ အတိုက်အခံခေါင်းဆောင်တွေက ဝေဖန်နေကြပါတယ်။ အမိန့်အရ ဒေသခံ အာဏာပိုင်တွေဟာ သူတို့ရဲ့ အခွင့်အာဏာကို ရဲနဲ့ စစ်တပ်ဆီ အပ်နှင်းရမှာပါ။ ရွေးကောက်ပွဲ အနိုင်ရသူကို မကြေညာနိုင်ဘဲ မဲရေတွက်မှု ရပ်တန့်နေတာ ၅ ရက် ရှိပါပြီ။ လက်ရှိ သမ္မတ ဟွမ် ဟနန်ဒဲ့ဇ်က စိန်ခေါ်သူ ရုပ်သံသတင်း ကြေညာသူ ဆယ်လ်ဗာဒေါ နတ်စ်ရာလာကို အနိုင်ရနေတာပါ။ ဒါပေမယ့် အငြင်းပွားစရာ မဲတွေ ထောင်ချီ ရှိနေသေးလို့ ရလဒ်ကို မထုတ်ပြန်နိုင်သေး ပါဘူး။ တနင်္ဂနွေ ရွေးကောက်ပွဲပြီးတည်းက လူအနည်းဆုံး တယောက် သေဆုံးပြီး အယောက် ၂၀ ကျော် ဒဏ်ရာရပါတယ်။ လုယက်မှုကြောင့် လူအယောက် ၁၀၀ ကျော် အဖမ်းခံထားရပါတယ်။ အစိုးရဟာ မဲလိမ်ပြီး ရွေးကောက်ပွဲ ရလဒ်ကို မသမာမှုလုပ်ဖို့ ကြိုးစားနေတယ်လို့ အတိုက်အခံခေါင်းဆောင်တွေက စွပ်စွဲခဲ့ကြပါတယ်။

A d v e r t i s e m e n t With Us

More News
Up