ကတ်စရို ညီအစ်ကိုနှစ်ဦး၏ နှစ် ၆၀ ကြာ အုပ်ချုပ်မှု အဆုံးသတ်မည့် ရွေးကောက်ပွဲ

ကျူဘားခေါင်းဆောင် ကတ်စရို ညီအစ်ကိုနှစ်ဦးရဲ့ နှစ်ပေါင်း ၆၀ ကြာ အုပ်ချုပ်မှုကို အဆုံးသတ်မယ့် ရွေးကောက်ပွဲနဲ့ ပတ်သက်ပြီး ကျူဘားပြည်သူတွေက အကောင်းဘက်ကို ရှုမြင်ကြပါတယ်။

၂၀ ရာစု အထင်ရှားဆုံး ခေါင်းဆောင်တွေထဲက တဦးဖြစ်တဲ့ ဖီလ်ဒယ်ကတ်စရိုဟာ အမေရိကန်ပြည်ထောင်စုအနီးရှိ ကျူဘားကျွန်းကို ကွန်မြူနစ်နိုင်ငံအဖြစ် တည်ထောင်ခဲ့ပါတယ်။

အဲဒီနောက် ၂၀၀၈ ခုနှစ်မှာ ညီဖြစ်သူ ရာအူးလ်ကတ်စရိုကို တရားဝင် သမ္မတ အာဏာလွှဲပြောင်းပေးခဲ့ပါတယ်။

“ကျူဘားရွေးကောက်ပွဲက တခြားနိုင်ငံရွေးကောက်ပွဲတွေနဲ့ ကွာပါတယ်။ ဘာလို့လဲဆိုတော့ ဒီရွေးကောက်ပွဲမှာ ငွေက မလွှမ်းမိုးဘူး။ အရှိန်အ၀ါကြီးတဲ့ ပုဂ္ဂိုလ်ေတွက မကြီးစိုးဘူး။ ကျနော်တို့ လူ့အဖွဲ့အစည်းကို ဦးဆောင်သူတွေက ပြည်သူတွေပါ။” ဆိုပြီး သွားဆရာဝန်တဦးက ပြောခဲ့ပါတယ်။

ရာအူးလ်ကတ်စရိုရဲ့ ပြုပြင်ပြောင်းလဲရေးတွေဟာလည်း အရင်ကလိုပဲ ဆက်လက်နှေးကွေးနေဆဲဖြစ်ပါတယ်။

အမေရိကန် သမ္မတ ဒေါ်နယ်ထရမ့်ရဲ့ ရန်လိုတဲ့ ရပ်တည်ချက်ကြောင့် ကျူဘား- အမေရိကန် ဆက်ဆံရေး ပိုမို ဆိုးရွားလာခဲ့ပါတယ်။

“တေ်ာလှန်ရေးပြီးကတည်းက လူတွေဟာ မဲရုံတွေကို သွားပြီး မဲထည့်ကြတယ်။ အင်မတန် ကြီးမားတဲ့ လုပ်ငန်းစဉ်ကြီးပါ။  ဒီနှစ်လည်း ကွာမယ် မထင်ပါဘူး။ ခါတိုင်းလိုပဲ ဖြစ်မှာပါ” လို့ စီးပွားရေး ပညာရှင်တဦးက ပြောခဲ့ပါတယ်။

“ရာအူးလ်ကတ်စ်ရို အနားယူပြီးသွားရင် တခြားကွဲပြားတဲ့ အယူအဆရှိသူတွေ၊ ကျူဘားနိုင်ငံ ဖွံဖြိုးမှုကို ပြောင်းလဲပေးမယ့်သူကို လူတွေဆက်ပြီး ထောက်ခံစေချင်ပါတယ်။” လို့ ဈေးသည်တဦးက ပြောသွားခဲ့ပါတယ်။

နိုဝင်ဘာလ ၂၆ ရက်နေ့မှာ ဒေသန္တရ ရွေးကောက်ပွဲများကို စတင်ပြုလုပ်မှာဖြစ်ပြီး အဲဒီနောက် ဖေဖော်ဝါရီလ နှောင်းပိုင်းမှာ သမ္မတသစ်  ရွေးကောက်တင်မြှောက်ပွဲကို ပြုလုပ်မှာ ဖြစ်ပါတယ်။

အသက် ၈၆ နှစ် ရှိပြီဖြစ်တဲ့  လက်ရှိ ကျူဘားသမ္မတ ရာအူးလ်ကတ်စရိုကတော့ ကွန်မြူနစ်ပါတီ အကြီးအကဲ အဖြစ် ဆက်လက် တာဝန်ယူမှာ ဖြစ်ပါတယ်။