မြန်မာနိုင်ငံက အခြေခံပညာကျောင်း တကျောင်းချင်းစီရဲ့ သန့်စင်ခန်းရေအိမ် လိုအပ်ချက်အရ စုစုပေါင်း ရေအိမ် သန့်စင်ခန်း ၅ သောင်းနီးပါးထပ်ပြီး လိုအပ်နေကြောင်း ကမ္ဘာ့ရေအိမ်များနေ့ အခမ်းအနားမှာ ပညာရေးဝန်ကြီး ဒေါက်တာမျိုးသိမ်းကြီးက ပြောကြားသွားပါတယ်။ ကမ္ဘာ့ရေအိမ်များနေ့အခမ်းအနားကို ဗိုလ်တထောင် ကျောင်းပေါင်းစုံကနေ ကမ္ဘာ့ရေအိမ်သန့်စင်ရေးနေ့ ခေါင်းစဉ်နဲ့ စိန်ပေါကျောင်းမှာ နိုဝင်ဘာ ၂၅ ရက်နေ့ မနက် ၇ နာရီ မှာ ပြုလုပ်ကျင်းပခဲ့ပါတယ်။ ကမ္ဘာပေါ်မှာ စွန့်ပစ်အညစ်အကြေးတွေကနေ အသက်ကို ထိခိုက်ခြိမ်းခြောက်နိုင်တဲ့ ရောဂါတွေ ပြန့်ပွားမှုကို သန့်စင်ခန်းအိမ်သာတွေကနေ လူ့အသက်ဘဝတွေကို ရှင်သန်စေဖို့အတွက် ဒီအခမ်းအနားကို နိုင်ငံတကာမှာ ကျင်းပနေပြီဖြစ်ပါတယ်။ ဒီအခမ်းအနား ကျင်းပဖို့အတွက် ကမ္ဘာမှာ စင်ကာပူနိုင်ငံက စတင်ဆော်သြခဲ့တာပါ။ မြန်မာနိုင်ငံမှာလည်း ဒုတိယသမ္မတ ဟင်နရီဗန်ထီးယူရဲ့ဇနီးဖြစ်သူနဲ့ စင်ကာပူသံအမတ်ကြီးရဲ့ ဇနီးတို့က စတင်နှိုးဆော်ဆောင်ရွက်ပြီး ပညာရေးဝန်ကြီးဌာနနဲ့ ဦးနေအုပ်စိန်ပေါဦးဆောင်တဲ့ သန့်စင်မေတ္တာအဖွဲ့နဲ့ အလှူရှင်တွေပူးပေါင်းပြီး အ-ထ-က ၆ ဗိုလ်တထောင်ကျောင်းမှာ ပြုလုပ်ကျင်းပခဲ့တာ ဖြစ်ပါတယ်။ ဒီအခမ်းအနားမှာ ပညာရေးဝန်ကြီးဒေါက်တာမျိုးသိမ်းကြီးက လက်ရှိမြန်မာနိုင်ငံမှာ အစိုးရမူလတန်း၊ အလယ်တန်း၊ အထက်တန်းကျောင်းမှာ တက်ရောက်နေသူစုစုပေါင်း ၉ ဒသမ ၁ သန်း ကျော်ရှိပြီး ရေအိမ်သန့်စင်ခန်းစုစုပေါင်း ၁ သိန်း ၉ သောင်းကျော် အသုံးပြုနေကြောင်းနဲ့ နောက်ထပ် ရေအိမ်ပေါင်း ၅ သောင်းနီးပါး ထပ်ပြီး လိုအပ်နေကြောင်း ထည့်သွင်းပြောကြား သွားပါတယ်။