ဥပဒေ ၃ ခု သမ္မတ လက်မှတ်ထိုးထုတ်ပြန်ရန် ပြည်ထောင်စုလွှတ်တော်ပေးပို့
DVB
·
November 25, 2017
ပြည်ထောင်စုစာရင်းစစ်ချုပ်ဥပဒေကို ပြင်ဆင်တဲ့ ဥပဒေကြမ်း၊ စာရင်းအင်းဥပဒေကြမ်းနဲ့ မြန်မာနိုင်ငံ ကုမ္ပဏီများ ဥပဒေကြမ်းတို့ကို သမ္မတက လက်မှတ်ထိုးထုတ်ပြန်ဖို့ ပြည်ထောင်စု လွှတ်တော်က ပေးပို့လိုက်ပါတယ်။
နိုဝင်ဘာ ၂၄ ရက် ပြည်ထောင်စုလွှတ်တော်မှာ လွှတ်တော်နာယက မန်းဝင်းခိုင်သန်းက ဥပဒေကြမ်း ၃ ခု ပေးပို့နိုင်ခဲ့ကြောင်း ပြောကြားသွားတာဖြစ်ပြီး ဒီတကြိမ် ပြည်ထောင်စု လွှတ်တော်ကနေ အစိုးရဘဏ္ဍာနှစ်ပြင်ဆင်သတ်မှတ်မှာကို ဆွေးနွေး မှတ်တမ်းတင်ထား လိုက်နိုင်တယ်လို့လည်း ပြောပါတယ်။
ပြည်ထောင်စုလွှတ်တော်ဆိုင်ရာ ဖွံ့ဖြိုးရေးရန်ပုံငွေတွေကို မြို့နယ်ပေါင်း ၃၂၅ မြို့နယ်အတွက် ကျပ်သန်းပေါင်း ၃၂၄၉၉.၉၉၈ ခွင့်ပြုပေးခဲ့ပြီး အဲ့ဒီရန်ပုံငွေတွေနဲ့ ခွင့်ပြုလုပ်ငန်းတွေ ပြီးစီးအောင် ဆောင်ရွက်ကြဖို့လည်း လွှတ်တော်နာယက ကမှာပါတယ်။
နောက်တကြိမ် ပြန်ကျင်းပမယ့် ၇ ကြိမ်မြောက် ပြည်ထောင်စုလွှတ်တော်မှာ နိုင်ငံတော်၏ အမျိုးသားစီမံကိန်း ဥပဒေကြမ်း၊ အခွန်အကောက်ဆိုင်ရာ ဥပဒေကြမ်းနဲ့ ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေကြမ်းတို့ကို ဆက်လက် ဆွေးနွေးအတည်ပြုကြမှာ ဖြစ်ပါတယ်။