ကင်ဆာရောဂါ ထိန်းချုပ်ရေး ဆွေးနွေးပွဲ မြိတ်မြို့တွင်ကျင်းပ
DVB
·
November 24, 2017
ကင်ဆာရောဂါထိန်းချုပ်ရေးမှာ ဆရာဝန်တွေရဲ့ အခန်းကဏ္ဍနဲ့ပတ်သက်တဲ့ ဆွေးနွေးပွဲတခုကို မြိတ်မြို့၊ ကန်ဖျားနယ်မြေရှိ ဒက္ခိဏဒီပါ ပုဂ္ဂလိကဆေးရုံမှာ နိုဝင်ဘာ ၂၃ ရက်က ကျင်းပပါတယ်။
မြန်မာနိုင်ငံ ဆရာဝန်အသင်း(မြိတ်)နဲ့ ရွှေရောင်နှင်းဆီ ကင်ဆာဖောင်ဒေးရှင်းတို့ ပူးပါင်းကျင်းပတဲ့ အဆိုပါပွဲကို ရန်ကုန်မြို့က ရောက်ရှိလာတဲ့ ကင်ဆာရောဂါအထူး ကုဆရာဝန်ကြီး ၉ ဦး တက်ရောက် ပညာပေးဟောပြောခဲ့ပြီး အပြန်အလှန် မေးမြန်းဆွေးနွေးခဲ့ပါတယ်။
အထွေထွေသမားတော် ဒေါက်တာမိုးအောင်ကျော်နိုင်က“ကင်ဆာရောဂါကို ကာကွယ်နိုင်ဖို့ ကင်ဆာရောဂါနဲ့ပတ်သက်ပြီး ကြိုတင်သိရှိထားပြီး ရှောင်ရှားနိုင်ဖို့ ဆွေးနွေးပွဲပြုလုပ်တာပါ။ ကင်ဆာရောဂါနဲ့ပတ်သက်ပြီး ကြိုတင်သိရှိထားရင် ရှောင်ရှားနိုင်မယ့် နည်းလမ်းတွေ သိထားမယ်။ ဖြစ်ပွားမယ့်နှုန်းလည်း လျော့ကျလာမယ်။ ဖြစ်ပွားရင်လည်း ကုသဖို့ လွယ်ကူပါ့မယ်။ ဒါကြောင့် ဆရာတို့အနေနဲ့ ကမ္ဘာပေါ်မှာ အဖြစ်များဆုံး ကင်ဆာရောဂါ ၈ မျိုးနဲ့ပတ်သက်ပြီး သိရှိထားဖို့ လာရောက်ပြီး ပညာပေး ဆွေးနွေးကြတာ”လို့ ပြောပါတယ်။
ဟောပြောပွဲ အစီအစဉ်ကို မြိတ်မြို့ရှိ ဆရာဝန်တွေတက်ရောက်လာခဲ့ကြပြီး ကင်ဆာရောဂါတွေနဲ့ ပတ်သက်ပြီး သိရှိလိုတာတွေကို အပြန်အလှန် ဆွေးနွေးခဲ့ကြပါတယ်။
ကင်ဆာရောဂါ ပညာပေး ဟောပြောရာမှာ အဆုတ်ကင်ဆာ၊ သွေးကင်ဆာ၊ သားအိမ်ခေါင်းကင်ဆာ၊ ရင်သားကင်ဆာ၊ အူမကြီးကင်ဆာ၊ ခံတွင်းကင်ဆာ၊ အသည်းကင်ဆာနဲ့ အမျိုးသားလိင်အင်္ဂါ ကင်ဆာတွေအကြောင်းတွေအဓိကပါဝင်ပါတယ်။
သတင်း - မြတ်ထွဋ် (မြိတ်)