ဘုရားဆင်းတုတော်နှင့် နတ်ရုပ်ခိုးသူတွေ ဖမ်းဆီး
DVB
·
November 23, 2017
ရန်ကုန်တိုင်းနဲ့ ပဲခူးတိုင်းထဲက ဘုရားဆင်းတုတော်နဲ့ နတ်ရုပ်တွေ ခိုးတဲ့သူ ၃ ဦးကို ဖမ်းမိထားတယ်လို့ ရန်ကုန်တိုင်းရဲတပ်ဖွဲ့က သတင်းထုတ်ပြန်ပါတယ်။
နိုဝင်ဘာ ၂၀ ရက် နေ့လည်ပိုင်းမှာ ကမာရွတ်မြို့နယ်၊ ၁၀ ရပ်ကွက်၊ သံလွင်လမ်းရှိ၊ ဓာတ်ပေါင်းစုစေတီအနီးမှာ မသန္တာ(ခ)သန္တာကြည်၊ ဖြိုးမြင့်ဝင်းဆု(ခ) ကိုဖြိုးနဲ့ ရဲမင်း(ခ)မှန်ကြီးတို့ ၃ ဦးကို ဖမ်းမိတာလို့ ရဲ သတင်းမှာ ဖော်ပြပါတယ်။
သူတို့ ၃ ဦးကို စစ်ဆေးဖော်ထုတ်ချက်အရ သူတို့ဟာ ရန်ကုန်နဲ့ ပဲခူးတိုင်းထဲမှာရှိတဲ့ ဘုရားတွေနဲ့ နတ်နန်းတွေကနေ ဘုရားရုပ်ပွားတော်တွေ နတ်ရုပ်ထုတွေ မှန်စီရွှေချ နဂါးရုပ်ထု တွေ မှန်စီရွှေချ ဒေါင်းရုပ်ထုတွေ ကြေးမောင်းတွေ ရွှေချထားတဲ့ ပလ္လင်တွေ ၀ိသာခါရုပ်ထုတွေနဲ့ ဦးတီပွားသစ်သားရုပ်ထုတွေကို ခိုးယူခဲ့ကြတယ်လို့ ဖော်ထုတ်ရရှိခဲ့ပါတယ်။
ရန်ကုန်နဲ့ပဲခူးတိုင်းအတွင်းရှိ ဘုရားရုပ်ပွားတော် ၁၅ ဆူ၊ နတ်ရုပ် ၁၅ ခု၊ မှန်စီရွှေချ နဂါးရုပ်ထု ၂ ခု၊ ပလ္လင် ၂ ခု၊ ကြေးမောင်း ၂ ခု ၀ိသာခါရုပ်ထု ၁ ခုနဲ့ ဦးတီပွားရုပ်ထု ၁ ခုတို့ကို ရဲတပ်ဖွဲ့က ပြန်လည်သိမ်းဆည်းရမိထားပြီး ပိုင်ရှင်တွေအနေနဲ့ သက်ဆိုင်ရာ ရဲစခန်းတွေမှာ လာရောက်စုံစမ်းနိုင်ကြကြောင်း တိုင်းရဲတပ်ဖွဲ့သတင်းမှာ ဖော်ပြထားပါတယ်။