ယခင် ဦးသိန်းစိန် အစိုးရလက်ထက်တွင် ၂၀၁၅ အောက်တိုဘာ ၁၅ ရက်နေ့က တိုင်းရင်းသား လက်နက်ကိုင်အဖွဲ့ ၈ ဖွဲ့နှင့် တနိုင်ငံလုံးဆိုင်ရာ အပစ်အခတ် ရပ်စဲရေးစာချုပ် (အန်စီအေ) ကို လက်မှတ်ရေးထိုးနိုင်ခဲ့သည်။ ယခုအစိုးရလက်ထက်တွင်လည်း ဆက်လက်ပြီး ငြိမ်းချမ်းရေးကိစ္စရပ်များကို ဆောင်ရွက်ခဲ့သည်။ သို့သော် နောက်ထပ် အပစ်ရပ်စဲရေး စာချုပ်ထဲတွင် ထပ်မံတိုးလာသော အဖွဲ့အစည်းများ မရှိသေး။ တိုက်ပွဲများကလည်း ဟိုတကွက် ဒီတကွက်နှင့် အဆက်ပြတ်သွားသည်ဟူ၍ မရှိပေ။ မြန်မာ့တပ်မတော်နှင့် ကချင်လက်နက်ကိုင် ကေအိုင်အေအဖွဲ့တို့ ဆက်တိုက်ဖြစ်ပွားခဲ့သော ဂီဒွန်တိုက်ပွဲ ဖြစ်ပွားပြီးသည့်နောက်မှာတော့ လေးလဝန်းကျင်ခန့် စစ်ငြိမ်နေခဲ့သည်။ ကချင်ပြည်နယ် ဝိုင်းမော်မြို့နယ်တွင်ရှိသော ကေအိုင်အေ၏ ဂီဒွန်စခန်းဝန်းကျင်တွင် ၂၀၁၆ ခုနှစ် စက်တင်ဘာလအတွင်းတွင် တိုက်ပွဲများဖြစ်ပွားပြီး ၂၀၁၆ ဒီဇင်ဘာ ၁၆ ရက်တွင် ဂီဒွန်စခန်း၊ ဒီဇင်ဘာ ၁၇ တွင် လိုင်ဖောင်စခန်းတို့အား မြန်မာ့တပ်မတော်မှ သိမ်းပိုက်နိုင်ခဲ့သည်။ အဆိုပါစခန်းများ သိမ်းပိုက်အပြီး ၂၀၁၇ ဇန်နဝါရီလလယ်ပိုင်းအထိ တိုက်ခိုက်မှုများ ရှိခဲ့သော်လည်း မေလအထိ တိုက်ပွဲများမရှိခဲ့။   သို့သော် တခြားတဖက်တွင် ငြိမ်းချမ်းရေးလုပ်ရန် တာစူနေသောကာလတွင် သေနတ်သံများ မစဲသေးသော ဖြစ်ရပ်များက ရှိနေသည်။ မြန်မာ့နိုင်ငံရေးဖြစ်စဉ်က နိုင်ငံရေးပြဿနာသာဖြစ်ပြီး လက်နက်နှင့်ရှာခဲ့ကြသော အဖြေများအစား ညှိနှိုင်းဆွေးနွေးမှုဖြင့် အဖြေရမည် ဆိုသည်ကိုလည်း နှစ်ဖက်စလုံးက သိနားလည်ထားကြသည်။ သို့သော် သိထားသောအသိကို လက်တွေ့ကျင့်သုံးရာတွင် နှစ်ဦးနှစ်ဖက်မှာ အခက်အခဲကိုယ်စီ ရှိနေကြသည်။ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ဗြိတိန်နိုင်ငံရှိ Inter Mediate အဖွဲ့မှ Mr.Jonatha Powell နှင့်အတူ အငြိမ်းစားဗိုလ်ချုပ်ကြီး Rupert Smith၊ Sir Hugh Orde၊ စစ်သံမှူး Colonel Nigel Goodwin နှင့် တာဝန်ရှိသူများ ၂၀၁၇ မေလ ၁၁ ရက် နေပြည်တော်တွင် တွေ့ဆုံခဲ့စဉ်က ကာကွယ်ရေးဦးစီးချုပ်က မြန်မာနိုင်ငံ ငြိမ်းချမ်းရေးဖြစ်စဉ်အား ယခုလို ပြောကြားခဲ့သည်။ ငြိမ်းချမ်းရေးဖြစ်စဉ်နှင့်ပတ်သက်ပြီး လက်နက်ကိုင်ပဋိပက္ခကို ဖန်တီးသူများအနေဖြင့် ငြိမ်းချမ်းရေးကို အမှန်တကယ် ရယူလိုစိတ်ရှိရန်နှင့် လက်ရှိ လျှောက်လှမ်းနေသော ပါတီစုံ ဒီမိုကရေစီလမ်းကြောင်းကို အမှန်တကယ်လိုလားရန် အရေးကြီးကြောင်း၊ ယင်းလမ်းသို့ လျှောက်လှမ်းမည်ဆိုပါက လက်နက်ကိုင်လမ်းစဉ်၏ အမှား၊ အမှန်ကို ဝေဖန်ပိုင်းခြားနိုင်ရမည်ဖြစ်ကြောင်း ပြောကြားခဲ့သည်ကို တွေ့ရသည်။ ကာကွယ်ရေးဦးစီးချုပ်၏ ပြောစကားထဲတွင် သုံးနှုန်းသွားသော လက်နက်ကိုင်ပဋိပက္ခကို ဖန်တီးသူများအနေဖြင့်ဆိုသော စကားမှာ လက်နက်ကိုင်ပဋိပက္ခကို သီးသန့်ဖန်တီးနေသည့် အသွင်ကိုဆောင်ပြီး ယုံကြည်ချက်အတွက်၊ နိုင်ငံရေး ရပိုင်ခွင့်အတွက် တိုက်ပွဲဝင်ခြင်းကို လျစ်လျူရှုထားသည်။ ယင်းကဲ့သို့ သဘောထားများသည်လည်း တိုင်းရင်းသားလက်နက်ကိုင် ခေါင်းဆောင်များနှင့် မြန်မာ့တပ်မတော်တို့၏ ငြိမ်းချမ်းရေးဆွေးနွေးပွဲသည် ရှေ့ကို ရောက်သင့်သလောက်မရောက် ဖြစ်နေသည်ဟု ဝေဖန်သူများလည်း ရှိသည်။ အဆိုပါဆွေးနွေးပွဲတွင် ထည့်ပြောခဲ့သော စကားတခုမှာ လက်တွေ့ အခြေအနေကိုလည်း ဖော်ပြနေသည်။ တချို့ လက်နက်ကိုင်အဖွဲ့များအနေဖြင့် လူမျိုးရေး အစွန်းရောက်မှုနှင့် ပြည်သူလူထုအပေါ် အကြောက်တရားဖြင့် ဖိနှိပ်ဆက်ဆံခဲ့သည့် အခြေအနေများကြောင့် ယင်းလုပ်ရပ်များအပေါ် စိုးရိမ်ပူပန်မှုရှိနေသည့် အနေအထားများ ရှိကြောင်း၊ တချို့အဖွဲ့၏ နိုင်ငံရေး အခြေခံစိတ်ဓာတ်များသည် မိမိတို့ လက်ရှိ လျှောက်လှမ်းနေသည့် ပါတီစုံဒီမိုကရေစီလမ်းကြောင်းနှင့် များစွာ ကွဲလွဲနေသည့်အတွက် နိုင်ငံတော်အစိုးရ၊ တပ်မတော်တို့နှင့် ခက်ခဲစွာ ညှိနှိုင်းရမည့် အခြေအနေများလည်း ရှိသည်ဟု ပြောကြားခဲ့သည်ကို တွေ့ရသည်။ ယခုလက်ရှိ အခြေအနေတွင်လည်း ဒီဇင်ဘာလတွင် တနိုင်ငံလုံး အပစ်အခတ် ရပ်စဲရေးကို လုပ်ဆောင်သွားမည်ဟု အစိုးရက ကြွေးကြော်ထားသည်။ သို့သော် လက်တွေ့တွင် ပလက်ဝနယ်တွင် ရက္ခိုင့်တပ်မတော် အေအေနှင့် မြန်မာ့တပ်မတော်တို့၏ တိုက်ပွဲက ပြင်းထန်နေသည်။ နိုဝင်ဘာ ၁ ရက်နေ့ကတည်းက နိုဝင်ဘာ ၁၄ ရက်ထိ ချင်းပြည်နယ် ပလက်ဝမြို့နယ်တွင် မြန်မာ့တပ်မတော်နှင့် ရက္ခိုင့်တပ်မတော် (အေအေ) တို့ တိုက်ပွဲဖြစ်နေသည်။ တိုက်ပွဲကာလတွင် စက်မှုသိပ္ပံကျောင်းသားတဦး နှစ်ဖက်အဖွဲ့မှ ပစ်ခတ်သော မှားယွင်းမှုကြောင့် အသက်ဆုံးရှုံးခဲ့ရသည်။ အဆိုပါ လူငယ်သေဆုံးမှုနှင့် ပတ်သက်၍ နိုင်ငံတော်အတိုင်ပင်ခံရုံးမှ ညွှန်ကြားရေးမှူး ဦးဇော်ဌေးက “နိုင်ငံတော်အစိုးရရော၊ လုံခြုံရေးတပ်ဖွဲ့ဝင်တွေရော အကုန်လုံးကတော့ ပြည်သူကို ထိခိုက်လာတဲ့အခါမှာ ထုံးစံအတိုင်းပေါ့၊ ပြန်ပြီးတိုက်ခိုက်ရမှာပဲ” ဟု မီဒီယာများတွင် ဖြေကြားခဲ့သည်။ အမှန်တကယ်က ယင်းနယ်မြေကို တပ်က ထိုးစစ်သွားဆင်နေတာလည်း ဖြစ်သည်။   တပ်မတော် သတင်းမှန်ပြန်ကြားရေး ထုတ်ပြန်ချက်တွင် အေအေအဖွဲ့က တပ်မတော်စစ်ကြောင်းတခုကို ၂၀၁၇ ခုနှစ် သြဂုတ် ၃၁ ရက်တွင် အလစ်ငိုက် ချောင်းမြောင်းတိုက်ခိုက်ခဲ့သည်ဟု ထုတ်ပြန်ထားသည်။ အေအေဘက်မှလည်း မြန်မာ့တပ်မတော်ဘက်မှ လူသားဒိုင်းကာများ လုပ်ခြင်း၊   ၎င်းတို့နေတဲ့နေရာကို တပ်မတော်မှ ထိုးစစ်ပြုလုပ်ကြောင်း၊ ဒေသခံများကို လုပ်အားပေး ခိုင်းစေခြင်းများ ပြုလုပ်နေသည်ဟု အပြန်အလှန် ထုတ်ပြန်ထားသည်။   ယင်းအခြေအနေများကို ကြည့်ခြင်းဖြင့် နိုင်ငံရေးဆွေနွေးပွဲဖြစ်ရန် အလှမ်းဝေးနေသည့် အသွင်သာ ဖြစ်နေသည်။ ၂၀၁၇ ဇွန်လ ၁၇ ရက်နေ့တွင် ဆွီဒင်နိုင်ငံ လွှတ်တော်အတွင်း နိုင်ငံတော်အတိုင်ပင်ခံ ဒေါ်အောင်ဆန်းစုကြည် မိန့်ခွန်းပြောခဲ့ရာတွင်လည်း မြန်မာနိုင်ငံ၏ ငြိမ်းချမ်းရေး လုပ်ငန်းစဉ်များသည် ရှုပ်ထွေးပြီး စိန်ခေါ်မှုများစွာ ပြည့်နှက်နေကြောင်း ထည့်သွင်း ပြောကြားခဲ့သည်။ အမြစ်တွယ်ခဲ့ပြီးဖြစ်သည့် ပဋိပက္ခများကို ဖြေရှင်းရာတွင် အပြန်အလှန် ယုံကြည်မှုနှင့် လေးစားမှုကို မဖြစ်မနေ တည်ဆောက်ရမှာဖြစ်ကြောင်း၊ အစိုးရ၏ ရည်မှန်းချက်သည် ပြည်သူအားလုံး လုံခြုံပြီး လွတ်လပ်မှုနှင့် ဖွံ့ဖြိုးတိုးတက်မှုကို အာမခံချက် ပေးနိုင်သော ဒီမိုကရေစီ ဖက်ဒရယ်ပြည်ထောင်စုကို ဖော်ဆောင်ရန်ဖြစ်ကြောင်း နိုင်ငံတော်အတိုင်ပင်ခံပုဂ္ဂိုလ်မှ ပြောကြားခဲ့သည်ကို တွေ့ရသည်။ သို့ရာတွင် ပြည်သူများအနေဖြင့် ယခုအချိန်ထိ လုံခြုံလွတ်လပ်မှုများကို မခံစားရသေးပါ။ တိုင်းရင်းသား လက်နက်ကိုင်များနှင့် ဖြစ်ပွားသည့် ပြည်တွင်းစစ်အပြင် သြဂုတ် ၂၅ ရက်နေ့က အာဆာအဖွဲ့က အကြမ်းဖက် ဝင်ရောက်တိုက်ခိုက်မှုများကိုလည်း နိုင်ငံတော်အနေဖြင့် ကြုံတွေ့ခဲ့ရသည်။ ပြည်တွင်း လက်နက်ကိုင်များနှင့် အပစ်အခတ် ရပ်စဲရေးမှာလည်း ယခုထိ တဖွဲ့နှင့် ဆွေးနွေးနေခိုက် တခြားတဖွဲ့နှင့် တိုက်နေကြသော သံသရာကို အဆုံးမသတ်နိုင်သေး။ မောင်တောကဒုက္ခသည်များ နေရပ်ပြန်ရန်ကိစ္စကို စီစဉ်နေကြဆဲ ပလက်ဝဒေသခံများ၊ စစ်ပြေးဒုက္ခသည် ဖြစ်နေကြသည်။ သို့သော် ငြိမ်းချမ်းရေးနှင့် ပတ်သက်လာလျှင် တပ်မတော် သဘောထားနှင့် အစိုးရ၏ သဘောထားမှာ ကွဲလွဲနေသယောင် ဖြစ်နေသည်။ ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံ ဒုတိယအကြိမ် အစည်းအဝေးတွင် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်မှ “နေ့စဉ်နေ့တိုင်း စွန့်စားမှုတွေနဲ့ ရင်ဆိုင်နေရတဲ့ ကျမတို့တွေ ငြိမ်းချမ်းရေးရရှိဖို့ ဘယ်လိုစွန့်စားမှုမျိုးကိုမဆို ကြောက်ပြီး နောက်တွန့်နေလို့ မဖြစ်ဘူး။ ကမ္ဘာကြီးက ကျမတို့နိုင်ငံကို စောင့်ဆိုင်းငဲ့ညှာနေမှာ မဟုတ်ပါဘူး။ ကျမတို့ ဒီကနေ့ စိုက်ပျိုးသမျှ နောင်လာနောက်သားတွေ အသီးအပွင့် ခံစားကြရမှာ ဖြစ်ပါတယ်။ သူတို့တွေရဲ့လက်ထဲမှာ ကျမတို့နိုင်ငံကို ပြည်တွင်းစစ်နဲ့ပဲ ထားခဲ့ကြမှာလားလို့ စဉ်းစားကြဖို့လိုပါတယ်။ ကျမတို့လက်ထက် စွန့်လွှတ်မှု၊   စွန့်စားမှုတွေနဲ့ ချလိုက်တဲ့ အုတ်မြစ်ပေါ်မှာ နောင်လာမယ့် သား၊ သမီး၊ မြေး၊ မြစ်တွေက ခိုင်မာတင့်တယ်တဲ့ နိုင်ငံကြီးကို ဆက်လက်တည်ဆောက်၊   မွမ်းမံသွားနိုင်ကြစေချင်ပါတယ်။ ဒီညီလာခံကြီးထဲကို မရောက်ရှိသေးတဲ့ အဖွဲ့အစည်းတွေ၊   လူပုဂ္ဂိုလ်တွေကိုလည်း ကျမတို့နဲ့ အတူတကွ ပူးပေါင်းပြီး သမိုင်းကျန်ခဲ့မယ့် လုပ်ငန်းကြီးမှာ ပါဝင်ကြဖို့ အလေးအနက် ဖိတ်ခေါ်ပါကြောင်း ပြောကြားလိုပါတယ်” ဟု ပြောကြားခဲ့သည်။ ဒေါ်အောင်ဆန်းစုကြည်က ငြိမ်းချမ်းရေး မပြုလုပ်ရသေးသည့် အဖွဲ့အစည်းများကို ငြိမ်းချမ်းရေးဆွေးနွေးပွဲသို့ ဖိတ်ခေါ်ထားသည်ကို တွေ့ရှိရသလို ညီလာခံ ပူးတွဲသဘာပတိအဖြစ် ဆောင်ရွက်ခဲ့သည့် တပ်မတော်မှ ဒုတိယဗိုလ်ချုပ်ကြီး ရာပြည့်ကလည်း “ငြိမ်းချမ်းရေးဖြစ်စဉ်ရဲ့ အပြင်ဘက်မှာ ရောက်ရှိနေတဲ့ တခြား လက်နက်ကိုင်တိုင်းရင်းသား၊ လက်နက်ကိုင် အဖွဲ့အစည်းများကိုလည်း ငြိမ်းချမ်းရေးဖြစ်စဉ်မှာ ပါဝင်လာအောင် ကြိုးစားဆောင်ရွက်သွားရမှာ ဖြစ်ပါတယ်။   အားလုံးပါဝင်ရေးကို ကြိုးပမ်းဆောင်ရွက်နေဆဲ ကာလမှာ လက်ရှိ ကျနော်တို့ ငြိမ်းချမ်းရေးဖြစ်စဉ်မှာ ပါဝင်နေတဲ့ တိုင်းရင်းသား ညီအစ်ကို မောင်နှမတွေနဲ့အတူတူ ရှေ့ကို ဆက်လက်ကြိုးပမ်း ဆောင်ရွက်သွားရမှာ ဖြစ်ပါတယ်။ ဒီဖြစ်စဉ်ကလည်း လက်နက်ကိုင် အဖွဲ့အစည်းများစွာရှိတဲ့ ကျနော်တို့နိုင်ငံမှာ ကြီးမားတဲ့ စိန်ခေါ်မှုတခုပဲ ဖြစ်ပါတယ်။   ဒီအခက်အခဲတွေကို ကျော်လွှားနိုင်ဖို့အတွက် ကျန်တဲ့ တိုင်းရင်းသား လက်နက်ကိုင် အဖွဲ့အစည်းတွေကိုလည်း ငြိမ်းချမ်းရေးဖြစ်စဉ်မှာ ပါဝင်လာဖို့အတွက် အမြဲတမ်း တံခါးဖွင့် ကြိုဆိုလျက်ရှိပါတယ်” ဟု ပြောကြားခဲ့သည်ကို တွေ့ရသည်။ သို့ရာတွင် လက်တွေ့အခြေအနေတွင် ဖြစ်နေသော တိုက်ပွဲအခြေအနေအရ တပ်မတော်ဘက်မှ ရက္ခိုင့်တပ်မတော် အေအေအဖွဲ့ကို ငြိမ်းချမ်းရေးအရ ဆွေးနွေးလိုခြင်း မရှိဟု မီဒီယာများတွင် လေသံပစ်ထားသည်။ နိုဝင်ဘာ ၁၄ ရက်နေ့ထုတ် 7 Day Daily သတင်းစာတွင် အေအေကို လက်ခံ မဆွေးနွေးနိုင်ကြောင်း မြန်မာအစိုးရ သဘောထားကို တရုတ်အထူးကိုယ်စားလှယ် ပြောကြားခဲ့ဟု တီအန်အယ်လ်အေ ဆိုသော သတင်းတပုဒ် ပါလာခဲ့သည်။ သတင်းအဆိုအရ မြန်မာ့တပ်မတော်မှ မြောက်ပိုင်းခုနှစ်ဖွဲ့ကို တပြိုင်တည်း လက်ခံတွေ့ဆုံမည်မဟုတ်ဟု တရုတ်နိုင်ငံခြားရေးဝန်ကြီးဌာန အာရှရေးရာ အထူးကိုယ်စားလှယ် မစ္စတာဆွန်ကော်က တအာင်းလက်နက်ကိုင်အဖွဲ့ တီအန်အယ်လ်အေ မှ ပြောရေးဆိုခွင့်ရှိသူ တာ့ဘုန်းကျော်က ပြောကြားထားသည်။ ၎င်းက “ကျနော်တို့ သုံးဖွဲ့ (တီအန်အယ်လ်အေ၊ အမ်အန်ဒီအေအေ၊ အေအေ) တောင်မှ မစ္စတာဆွန်ကော်ရှန်း ရှင်းပြချက်အရဆိုရင် မြန်မာ့တပ်မတော်ရဲ့ သဘောထားက တဖွဲ့ (ကိုးကန့် အမ်အန်ဒီအေအေ) က အချုပ်အခြာအာဏာ ထိပါးတဲ့အဖွဲ့ ဖြစ်တယ်။ အေအေက နောက်မှပေါ်တဲ့အဖွဲ့ ဖြစ်တယ်။ ဘဂါင်္လီ အကြမ်းဖက်ကိစ္စတွေ ဖြစ်တဲ့အချိန်မှာ မြန်မာ့တပ်မတော်က ဘင်္ဂါလီနဲ့ တိုက်ပွဲဖြစ်တဲ့အချိန်မှာ အေအေနဲ့လည်း တိုက်ပွဲဖြစ်တော့ အေအေက အကြမ်းဖက်အဖွဲ့နဲ့ သူက တန်းညှိလိုက်တယ်။ ဒါကြောင့်မို့ အေအေကိုတော့ လုံးဝမဆွေးနွေးနိုင်ဘူး စသဖြင့် အဲဒီလို ပြောလာတယ်” ဟု ဖြေကြားထားသည်။ ရက္ခိုင့်တပ်မတော် အေအေမှ သတင်းနှင့်ပြန်ကြားရေးတာဝန်ခံ ခိုင်သုခမှလည်း နိုင်ငံရေးပြဿနာ ပြေလည်မှုမရှိ၍ လက်နက်ကိုင် တိုက်ခိုက်နေကြောင်း မီဒီယာများတွင် ဖြေကြားထားသည်ကို တွေ့ရသည်။ မြန်မာ့တပ်မတော်မှ ထုတ်ပြန်ချက်တွင် အေအေအဖွဲ့၏ ပစ်ခတ်မှုကြောင့် နိုဝင်ဘာ ၈ ရက်နေ့က စက်မှုလက်မှု သိပ္ပံကျောင်းသားတဦး သေဆုံးကာ ၃ ဦးမှာ ဒဏ်ရာရရှိကြောင်း ထုတ်ပြန်ထားသည်။ အေအေဘက်မှလည်း အဆိုပါကိစ္စမှာ တပ်မတော်စစ်ကြောင်းများ စီးလာသည့် လှေများကြားတွင် အရပ်သားလှေက လိုက်ပါလာသည့်အတွက် ထိခိုက်မိသွားတာ ဖြစ်နိုင်ကြောင်း ပြောဆိုထားသည်။ နိုဝင်ဘာ ၁ ရက်နေ့က ဖြစ်ပွားခဲ့သည့် တိုက်ပွဲများမှာ ယခုအချိန်ထိ မပြီးဆုံးသေးပေ။ စစ်ဘေးရှောင်ဒုက္ခသည်များမှာလည်း ၃၀၀ ကျော်ရှိနေပြီဟု သိရသည်။ မည်သို့ပင်ဆိုစေ ပြည်ထောင်စုငြိမ်းချမ်းရေးညီလာခံတွင် နိုင်ငံတော်အတိုင်ပင်ခံပုဂ္ဂိုလ်နှင့် ဒုတိယဗိုလ်ချုပ်ကြီးရာပြည့်တို့ ဖိတ်ခေါ်ခဲ့သည့် ငြိမ်းချမ်းရေးဖြစ်စဉ်အတွက် ပါဝင်စေချင်သည်ဆိုသော ဖိတ်ခေါ်ချက်မှာလည်း နီးလျက်နှင့် ဝေးသလိုသာ ဖြစ်နေသည်။ ကျော်လင်း(ရောင်စုံ)