ကလေးဝမြို့နယ်ရှိ ကျောက်မီးသွေးတွင်းပြိုကျ၊ လုပ်သား ၁ ဦးသေဆုံး

ကလေးဝမြို့နယ်၊ ကျောက်အုံရွာမှာ ကျောက်မီးသွေးတွင်းပြိုကျပြီး လုပ်သားတယောက် သေဆုံးခဲ့တယ်လို့ ကလေးဝမြို့မရဲစခန်းက သိရပါတယ်။ မနေ့က မနက်ပိုင်းက ကျောက်အုံရွာ၊ ထူးဟန်သစ် လုပ်ကွက်က လိုဏ်ခေါင်းထဲမှာ အောင်ခိုင်ဝင်းနဲ့ ကံကြီးအောင်တို့နှစ်ယောက် ကျောက်မီးသွေးတူးနေတုန်း အပေါ်က အမိုးမြေပြိုကျပြီး ဒဏ်ရာတွေ ရခဲ့ပါတယ်။ ကံကြီးအောင်မှာ ညာလက်ဖျံနဲ့ မစိုးရိမ်ရတဲ့ ဦးခေါင်းဒဏ်ရာရပြီး၊ အောင်ခိုင်ဝင်းကတော့ နဖူးမှာ ပေါက်ပြဲဒဏ်ရာ၊ နံရိုးကျိုးတာတွေ ဖြစ်ခဲ့တယ်လို့ ဆိုပါတယ်။ သူတို့ကို ကလေးပြည်သူ့ဆေးရုံကို ပို့ဆောင်ကုသခဲ့ပြီး အောင်ခိုင်ဝင်းက သေဆုံးသွားခဲ့ တယ်လို့ သိရပါတယ်။ ဒါနဲ့ ပတ်သက်ပြီး ကလေးဝရဲစခန်းမှာ သေမှုသေခင်းဖွင့်ပြီး ဓမ္မတာ အတိုင်းသေတာ ဟုတ်၊ မဟုတ် စုံစမ်းစစ်ဆေးနေတယ်လို့လည်း သိရပါတယ်။

More News
Up