A d v e r t i s e m e n t With Us

သြစတြေးလျတွင် လိင်တူလက်ထပ်ခွင့် တရားဝင်ခွင့်ပြုရန် လုပ်ဆောင်မည်

ဓာတ်ပုံ - ရိုက်တာ
သြစတြေးလျနိုင်ငံမှာ လိင်တူလက်ထပ်ခွင့်ကို တရားဝင်ခွင့်ပြုဖို့ အခုနှစ်မကုန်မီ လုပ်ဆောင်သွားမယ်လို့ သြစတြေးလျဝန်ကြီးချုပ် မယ်လ်ကွန်တန်ဘူးလ်က နိုဝင်ဘာ ၁၅ ရက်မှာ ပြောကြားသွားပါတယ်။ သြစတြေးလျ စာရင်းအင်းဗျူရိုရဲ့ စစ်တမ်းကောက်ယူချက်အရ လိင်တူလက်ထပ်ခွင့်ကို ထောက်ခံသူ ၆၁ ဒသမ ၆ ရာခိုင်နှုန်းရှိပြီး ကန့်ကွက်သူ ၃၈ ဒသမ ၄ ရာခိုင်နှုန်း ရှိပါတယ်။ အဲဒီစစ်တမ်းကို စာတိုက်ကနေပေးပို့ပြီး သဘောထား တောင်းခံခဲ့တာပါ။ စစ်တမ်းဖြေဆိုသူ ၈၀ ရာခိုင်နှုန်း ရှိတယ်လို့လည်း သြစတြေးလျဝန်ကြီးချုပ်က ပြောပါတယ်။ “သြစတြေးလျပြည်သူ သန်းနဲ့ချီပြီး ထုတ်ဖော်ပြောဆိုလိုက်ပါပြီ။  တန်းတူလက်ထပ်ခွင့်အတွက် ထောက်ခံမဲ အကြီးအကျယ် ပေးလိုက်ကြပါပြီ။ သူတို့ဟာ မျှတမှုအတွက် ထောက်ခံမဲပေးလိုက်တာပါ။ အခိုင်အမာ သန္နိဋ္ဌာန်ချလုပ်ဆောင်ဖို့ ထောက်ခံမဲ ပေးလိုက်တာပါ။ ချစ်ခြင်းမေတ္တာအတွက် ထောက်ခံမဲ ပေးလိုက်တာပါ။ အခုအခါမှာတော့ ဒီကိစ္စကို ဆက်လက်လုပ်ဆောင်ဖို့ ကျေန်ာတို့ပါလီမန်ဆီကို ရောက်လာပါပြီ။ သြစတြေးလျပြည်သူတွေ ပေးလိုက်တဲ့တာဝန်ကို ဆက်လက်ထမ်းဆောင်ဖို့ ကျနော်တို့ပါလီမန်ပေါ်ကို ကျရောက်လာပါပြီ။ ဒီကိစ္စကို အခုနှစ်ကုန် ခရစ္စမတ်မတိုင်မီ ပြီးစီးအောင် လုပ်သွားဆောင်သွားဖို့ရာဟာ ကျနော်တို့ရဲ့ ခိုင်မာတဲ့ ဆုံးဖြတ်ချက် ဖြစ်ပါတယ်” လို့ သြစတြေးလျဝန်ကြီးချုပ် မယ်လ်ကွန်တန်ဘူးလ်က ပြောကြားသွားပါတယ်။

A d v e r t i s e m e n t With Us

More News
Up