လူမျက်နှာအတုသုံးပြီး အိုင်ဖုန်းအိတ်က်စ်ကို ဝင်ရောက်အသုံးပြုနိုင်

ဓာတ်ပုံ - ရိုက်တာ
ဗီယက်နမ် ဆိုက်ဘာလုံခြုံရေးကုမ္ပဏီတခုက 3D ပရင်တာနဲ့ ဖန်တီးထားတဲ့ လူမျက်နှာအတုသုံးပြီး အိုင်ဖုန်းအိတ်က်စ် (iPhone X) ကို အောင်အောင်မြင်မြင် လှည့်စားနိုင်ခဲ့ပါတယ်။ အက်ပဲလ်ရဲ့ နောက်ဆုံးထုတ် အိုင်ဖုန်းအိတ်က်စ်ဟာ လူ့မျက်နှာကိုဖတ်ပြီး ဖုန်းအတွင်း ဝင်ရောက်အသုံးပြုရတာ ဖြစ်ပါတယ်။ ဗီယက်နမ် ဆိုက်ဘာလုံခြုံရေးကုမ္ပဏီတခုဖြစ်တဲ့ ဘီကေ့ဗ် (Bkav) ရဲ့ ဒု-ဥက္ကဋ္ဌ ငိုသွန်အိုင်းဟာ 3D ပရင်တာနဲ့ ဖန်တီးထားတဲ့ လူ့မျက်နှာအတုကို သုံးပြီး အိုင်ဖုန်းအိတ်က်စ်ထဲကို ဝင်ရောက်အသုံးပြုနိုင်ကြောင်း လက်တွေ့ပြသထားတဲ့ ဗွီဒီယိုဖိုင်ကို ရိုက်တာသတင်းဌာနကို ပေးပို့ခဲ့တာလည်း ဖြစ်ပါတယ်။ မျက်နှာဖုံးအတုဟာ သန့်စင်ကောင်းမွန်တဲ့ မျက်နှာဖုံးဖြစ်ဖို့လိုပြီး အဲဒီမျက်နှာဖုံးကို ထုတ်လုပ်ဖို့ အချိန် ၉ နာရီလောက် ကြာနိုင်ပါတယ်။ ဖုန်းကိုလည်း မှန်ကန်တဲ့ရှုထောင့်ကနေ ပြသရမှာဖြစ်ပါတယ်။ ငိုသွန်အိုင်းက “သာမန်လူတွေအတွက်ကတော့ မလွယ်ပါဘူး။ ဒါပေမယ့် လုံခြုံရေးပိုင်းကလူတွေ၊ နိုင်ငံရေးသမားလို၊ ကော်ပိုရေးရှင်းဥက္ကဋ္ဌလို အရေးပါတဲ့ လူတွေအတွက်ကတော့ စိုးရိမ်စရာပါ” ပြောပါတယ်။ အခုကိစ္စနဲ့ပတ်သက်ပြီး အက်ပဲလ်ကုမ္ပဏီက မှက်ချက်ပေးပြောကြားဖို့ ငြင်းဆန်ခဲ့ပြီး မျက်နှာပြင်မှတ်သားတဲ့စနစ်အကြောင်း ရှင်းပြထားတဲ့ သူ့ရဲ့ဝက်ဘ်ဆိုက်ကို ဝင်ကြည့်ဖို့သာ သတင်းထောက်တွေကို ပြောကြားခဲ့တယ်လို့ ရိုက်တာသတင်းမှာ ဖော်ပြထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up