ရေးမြို့နယ်တွင် ဂျပန်ဦးနှောက်ရောင်ကာကွယ်ဆေး စတင်ထိုးနှံ
DVB
·
November 15, 2017
မွန်ပြည်နယ်၊ ရေးမြို့နယ်ထဲက အခြေခံပညာကျောင်းတွေမှာ ပညာသင်ကြားနေတဲ့ ကျောင်းသား ကျောင်းသူတွေကို နိုဝင်ဘာ ၁၅ ရက်နေ့က စတင်ပြီး နိုဝင်ဘာ ၂၃ ရက်နေ့အထိ ဂျပန်ဦးနှောက်ရောင် ကာကွယ်ဆေးတွေကို ကျန်းမာရေးဝန်ကြီးဌာန ယူနီဆက် WHO Gavi တို့ ပူးပေါင်းစီစဉ်မှုနဲ့ ကာကွယ်ဆေး စတင်ထိုးပေးသွားမှာ ဖြစ်တယ်လို့ သိရပါတယ်။
မြို့နယ်ပြည်သူ့ကျန်းမာရေးမှူး အဆင့်-၁ ဦးမင်းတင်ဇော်ဦးက “အခြေခံပညာကျောင်း တွေမှာ ဂျပန်ဦးနှောက်ရောင် ကာကွယ်ဆေး မထိုးလိုက်ရတဲ့ ကလေးတွေ အားလုံးကိုလည်း ဒီဇင်ဘာ ၁၁ ရက်နေ့က ၂၀ ရက်နေ့အထိ အသက် ၉ လမှ ၁၅ နှစ်အထိ မြို့နယ်ထဲက ကလေးတွေကိုလည်း ဆက်လက်ထိုးပေးသွားမှာ ဖြစ်ပါတယ်” လို့ ပြောပါတယ်။
အဆိုပါ စီမံချက်ကာလမှာ ရေးမြို့နယ်ထဲက ဂျပန်ဦးနှောက်ရောင် ကာကွယ်ဆေး ထိုးပေးမယ့်သူ အရေအတွက်မှာ ၇ သောင်းဝန်းကျင်လောက် ရှိပါတယ်။ ကာကွယ်ဆေး ထိုးရခြင်းမှာ ဂျပန်ဦးနှောက်ရောင် တခုတည်းသော နည်းလမ်းနဲ့ ကာကွယ်ဆေးထိုးတာဖြစ်ပြီး မြို့နယ်ထဲက ကာကွယ်ဆေးထိုးသူ အားလုံး ၁ ယောက်မှ မကျန်ဖို့ အခြေခံ ကျန်းမာရေး ဝန်ထမ်းတွေကလည်း ကြိုးပမ်းထိုးနှံပေးသွားမှာ ဖြစ်တယ်လို့ သိရပါတယ်။
သတင်း - နေမျိုးထွဋ် (ရေး)