လီဗာပူးကစားသမား မာနေး ပရီးမီးယားလိဂ်ပွဲစဉ်အချို့ လွဲချော်မည်

လီဗာပူးကစားသမား မာနေးဟာ ဆီနီဂေါအသင်းနဲ့အတူ ဒဏ်ရာရခဲ့တဲ့အတွက် ပရီးမီးယားလိဂ်ပွဲစဉ်တချို့ကို လွဲချော်ဖို့ ရှိနေပါတယ်။ ဆီနီဂေါအသင်းဟာ တောင်အာဖရိကအသင်းနဲ့ ကမ္ဘာ့ဖလားခြေစစ်ပွဲ အုပ်စုဒုတိယအကျော့ ကစားဖို့ ကျန်သေးပေမယ့် တံကောက်ကျောဒဏ်ရာရသွားတဲ့ တိုက်စစ်မှူး မာနေးကို လီဗာပူးအသင်းဆီ ပြန်လည်စေလွှတ်ခဲ့ပါတယ်။ မာနေးရဲ့ဒဏ်ရာကို လီဗာပူးအသင်းက ထပ်မံစစ်ဆေးမှာဖြစ်ပြီး အနားယူရမယ့်ရက် အတိအကျ မသိရသေးဘူးလို့ နည်းပြ ဂျာဂန်ကလေ့ာက ဆိုပါတယ်။ နိုင်ငံ့လက်ရွေးစင်အသင်းနဲ့အတူ ဒဏ်ရာရခဲ့ပေမယ့် ကမ္ဘာ့ဖလားလို အရေးကြီးတဲ့ပွဲ ဖြစ်တာကြောင့် လေးစားမှုရှိရမယ်လို့လည်း နည်းပြကလေ့ာက ဆိုပါတယ်။ အသက် ၂၅ နှစ်ရှိ မာနေးဟာ ဒီနှစ်ရာသီမှာ လီဗာပူးအသင်းနဲ့ ၉ ပွဲကစားထားပြီး ၃ ဂိုး သွင်းထားပါတယ်။ လီဗာပူးအသင်းအနေနဲ့ ညာနောက်ခံလူတဦးဖြစ်တဲ့ နသန်နီယယ်ကလိုင်းဟာလည်း ဒဏ်ရာခွဲစိတ်ကုသရမှာဖြစ်လို့ အနည်းဆုံး သုံးလအနားယူရမယ်လို့ လီဗာပူးအသင်းက သတင်းထုတ်ပြန်ခဲ့ပါတယ်။

More News
Up