A d v e r t i s e m e n t With Us

အိန္ဒိယနှင့်သရေကျသည့် မြန်မာအသင်း လက်ကျန်နှစ်ပွဲစလုံးနိုင်မှ ခြေစစ်ပွဲအောင်မည် (ရုပ်သံဟိုက်လိုက်)

မြန်မာ့လက်ရွေးစင်ဘောလုံးအသင်းဟာ နိုဝင်ဘာ ၁၄ ရက်က ကစားခဲ့တဲ့ အိန္ဒိယနဲ့ အာရှဖလားခြေစစ်ပွဲမှာ ၂ ဂိုးစီ သရေကျခဲ့လို့ လက်ကျန် ၂ ပွဲစလုံး အနိုင်ရမှ ခြေစစ်ပွဲအောင်မြင်နိုင်တော့မှာ ဖြစ်ပါတယ်။ မြန်မာအသင်းဟာ ပွဲစလို့ တမိနစ်မပြည့်ခင်မှာပဲ ဘယ်တောင်ပံက သိန်းသန်းဝင်းရဲ့ ဖြတ်တင်ဘောကို ကွင်းလယ်ကစားသမား ရန်နိုင်ဦးက ခေါင်းတိုက်သွင်းခဲ့လို့ ဦးဆောင်ဂိုး ရခဲ့ပါတယ်။ ပွဲချိန် ၁၃ မိနစ်မှာ အိန္ဒိယအသင်းက ပင်နယ်တီကနေ ချေပဂိုးရခဲ့ပေမယ့် ပွဲချိန် ၁၉ မိနစ်မှာ တိုက်စစ်မှူး ကျော်ကိုကိုက အဝေးကန်ချက်နဲ့ ဦးဆောင်ဂိုးသွင်းခဲ့လို့ မြန်မာအသင်းက ပထမပိုင်းမှာ ၂ ဂိုး ၁ ဂိုးနဲ့ ဦးဆောင်ထားနိုင်ခဲ့ပါတယ်။ ဒုတိယပိုင်းမှာ မြန်မာအသင်းဟာ ပထမပိုင်းကလောက် ကစားပုံမကောင်းခဲ့ဘဲ ပွဲချိန် ၆၉ မိနစ်မှာ အိန္ဒိယအသင်းက ဒုတိယချေပဂိုး ပြန်သွင်းသွားခဲ့ပါတယ်။ လက်ကျန်ပွဲချိန်တွေမှာ မြန်မာအသင်းဟာ ကွင်းလယ်ကစားသမားတွေကို လူစားလဲ အသုံးပြုခဲ့ပေမယ့် လိုအပ်တဲ့အနိုင်ဂိုး မရခဲ့ဘဲ ၂ ဂိုးစီ သရေရလဒ်နဲ့ ပွဲပြီးခဲ့တာပါ။ ဒီကနေ့ပွဲမှာ ခြေစွမ်းပြနေတဲ့ တိုက်စစ်မှူး ကျော်ကိုကို ကို လူစားလဲခဲ့တဲ့ နည်းပြ ဂတ်ဆီဇီရဲ့ ဆုံးဖြတ်ချက်နဲ့ပတ်သက်ပြီး ပရိသတ်တွေနဲ့ အားကစားကလောင်ရှင်တွေက ဝေဖန်ကြပါတယ်။ မြန်မာအသင်းပါဝင်တဲ့ အုပ်စု အေ တခြားပွဲစဉ်မှာတော့ ကာဂျစ္စတန်က မကာအိုကို ၄ ဂိုး ၃ ဂိုးနဲ့ အနိုင်ရခဲ့ပါတယ်။ ဒီအုပ်စုမှာ အိန္ဒိယအသင်းက ရမှတ် ၁၃ မှတ်နဲ့ အုပ်စုထိပ်ဆုံးက ဦးဆောင်ထားနိုင်သလို ကာဂျစ္စတန်အသင်းက ရမှတ် ၇ မှတ်နဲ့ အုပ်စု ဒုတိယ၊ မြန်မာအသင်းက ရမှတ် ၅ မှတ်နဲ့ အုပ်စုတတိယနေရာမှာ ဆက်လက်ရပ်တည်နေပြီး မကာအိုကတော့ အမှတ်မရသေးဘဲ အုပ်စု အောက်ဆုံးမှာ ရပ်တည်နေပါတယ်။ မြန်မာအသင်းအနေနဲ့ ကာဂျစ္စတန်၊ မကာအိုအသင်းတွေနဲ့ ဆက်ကစားဖို့ ကျန်သေးပြီး အဲဒီနှစ်ပွဲစလုံး အနိုင်ရမှ နှစ်ပေါင်း ၅၀ ခန့်အတွင်း ပထမဆုံးအကြိမ်အဖြစ် အာရှဖလား ခြေစစ်ပွဲ အောင်မြင်မှာ ဖြစ်ပါတယ်။

A d v e r t i s e m e n t With Us

More News
Up