A d v e r t i s e m e n t With Us

တောင်ကိုရီးယားဘက်ထွက်ပြေးသည့် မြောက်ကိုရီးယားစစ်သား သေနတ်ဖြင့် အချက်ပေါင်းများစွာ ပစ်ခတ်ခံရ

ဓာတ်ပုံ - ရိုက်တာ
မြောက်ကိုရီးယား စစ်သားတယောက်ဟာ နိုဝင်ဘာ ၁၃ ရက်နေ့က တောင်ကိုရီးယားဘက်ကို ကားနဲ့ထွက်ပြေးစဉ် သေနတ်နဲ့ အချက်ပေါင်းများစွာ ပစ်ခတ်ခံခဲ့ရတဲ့အတွက် ဒဏ်ရာအပြင်းအထန် ရရှိသွားပါတယ်။ တောင်နဲ့ မြောက်ကိုရီးယား နှစ်နိုင်ငံကြားမှာရှိတဲ့ စစ်မဲ့ဇုန်မှာ မြောက်ကိုရီးယား စစ်သားတယောက်ဟာ ကားတစင်းနဲ့ တောင်ကိုရီးယားဘက်ကို ထွက်ပြေးခဲ့တာပါ။ အဲဒီလိုထွက်ပြေးရာမှာ  မြောက်ကိုရီးယားဘက်က သေနတ်နဲ့ အချက် ၄၀ ခန့် ပစ်ခတ်ခဲ့ပါတယ်။ အဲဒီနောက် ကားဘီးကျွတ်သွားတဲ့အတွက် မြောက်ကိုရီးယားစစ်သားဟာ ကားကိုထားခဲ့ပြီး တောင်ကိုရီးယားဘက်က အဆောက်အဦတွေကို အကာအကွယ်ယူ ထွက်ပြေးလွတ်မြောက်ခဲ့ပါတယ်။ “ဒီတပ်သားရဲ့ အခြေအနေကို ကြည့်ရတာ လာမယ့်ဗုဒ္ဓဟူးနေ့ အစောဆုံးထားပြီး ခွဲရပါမယ်။ လိုအပ်ရင် ကြာသာပတေး၊ သောကြာနေ့တွေအထိ ဆက်ခွဲရပါမယ်။ သူ့ကိုယ်တွင်းအင်္ဂါ ၇ နေရာလောက်မှာ ပေါက်ပြဲတာတွေ ရှိနေပါတယ်။ အတော်များများက ကျည်ဆန်ဖောက်ထွက်သွားတဲ့ ဒဏ်ရာတွေပါ” လို့ မြောက်ကိုရီးယားစစ်သားရဲ့ ခွဲစိတ်မှုကြီးကြပ်သူ အာဂျိုတက္ကသိုလ်ဆေးရုံမှ ဒေါက်တာ လီဂျိုဂွန်းက ပြောသွားပါတယ်။ တောင်ကိုရီးယား ပူးတွဲစစ်ဦးစီးချုပ်ရဲ့ ပြောခွင့်ရပုဂ္ဂိုလ် ဂျေဂျေအန်းက “ကားဘီးတွေက နှစ်နိုင်ငံ စစ်မဲ့မျဉ်းရဲ့ မြောက်ကိုရီးယားဘက်မှာ ကျွတ်ထွက်သွားပါတယ်။ ဒီဘက်နယ်မြေကို ပါမလာပါဘူး။ ကားထဲမှာ သူတယောက်တည်းပဲ ပါတာပါ။ သူ ကားထဲကနေထွက်ပြီး တောင်ကိုရီးယားဘက်ကို ပြေးသွားတော့ မြောက်ကိုရီးယားက သေနတ်နဲ့ပစ်ခတ်ပါတယ်” လို့ ပြောပါတယ်။ ဆက်လက်ပြီး သူက “သူ့ကိုယ်ပေါ်မှာ ကျည်ဆန်ဒဏ်ရာတွေ အများကြီးလို့ ပြောပါတယ်။ သူ့ရဲ့ တံတောင်ဆစ်နဲ့ ပခုံးမှာလည်း ဒဏ်ရာရထားပါတယ်” လို့ ပြောပါတယ်။

A d v e r t i s e m e n t With Us

More News
Up