ဝါရင့် အီတလီဂိုးသမားကြီး ဘတ်ဖွန် နိုင်ငံလက်ရွေးစင်အသင်းမှ အနားယူ

ဝါရင့် အီတလီဂိုးသမားကြီး ဘတ်ဖွန်ဟာ နိုင်ငံလက်ရွေးစင်ဘောလုံးအသင်းကနေ အနားယူလိုက်ပါတယ်။ ကမ္ဘာ့ဖလားခြေစစ်ပွဲအဖြစ် အီတလီအသင်းဟာ ဆွီဒင်နဲ့ ဒုတိယအကျော့မှာ ဂိုးမရှိသရေကျပြီး ခြေစစ်ပွဲ မအောင်မြင်တဲ့ ပွဲအပြီးမှာ ဘတ်ဖွန် အနားယူသွားတာပါ။ ဘတ်ဖွန်က "တိုက်တိုက်ဆိုင်ဆိုင်ပဲ ကျနော် နောက်ဆုံးကစားတဲ့ ပြိုင်ပွဲမှာ ခြေစစ်ပွဲ မအောင်မြင်တဲ့အတွက် ရှက်စရာကောင်းတယ်" လို့ ပြောပါတယ်။ အသက် ၃၉ နှစ်အရွယ် ဘတ်ဖွန်ဟာ လက်ရွေးစင်ဂိုးသမားသက်တမ်း အနှစ် ၂၀ အတွင်း လက်ရွေးစင်ပွဲပေါင်း ၁၇၅ ပွဲ ကစားပေးထားပါတယ်။ ဘတ်ဖွန်ဟာ အီတလီလက်ရွေးစင်ဘဝကို ၁၉၉၇ ခုနှစ်မှာ စတင်ခဲ့ပြီး ကစားသမား သက်တမ်းအတွင်း ၂၀၀၆ မှာ အီတလီအသင်းနဲ့အတူ ကမ္ဘာ့ချန်ပီယံဆု ရယူနိုင်ခဲ့ပါတယ်။ ဂိုးသမားကြီး ဘတ်ဖွန်နဲ့အတူ ဂျူဗင်တပ်အသင်းဖော်ဖြစ်တဲ့ အန်ဒရေ ဘာဇာဂလီနဲ့ ရိုးမားကွင်းလယ်လူ ဒီရော့စီတို့လည်း လက်ရွေးစင် ကစားသမားဘဝကနေ အနားယူသွားပါတယ်။

More News
Up