A d v e r t i s e m e n t With Us

အားကောင်းပြီး အမှီအခိုကင်းသည့် အရှေ့တောင်အာရှဒေသဖြစ်ရန် ထရမ့် တိုက်တွန်း

ဓာတ်ပုံ - အေအက်ဖ်ပီ
အမေရိကန်-အာဆီယံ အစည်းအဝေးမှာ သမ္မတ ထရမ့်က အားကောင်းပြီး အမှီအခိုကင်းတဲ့ အရှေ့တောင်အာရှဒေသဖြစ်ဖို့ တိုက်တွန်းလိုက်ပါတယ်။ အမေရိကန်သမ္မတ ဒေါ်နယ်ထရမ့်နဲ့ အရှေ့တောင်အာရှ ၁၀ နိုင်ငံ ခေါင်းဆောင်တွေ ဖိလစ်ပိုင်နိုင်ငံ မြို့တော်မနီလာမှာ နိုဝင်ဘာ ၁၃ ရက်နေ့က အစည်းအဝေး ပြုလုပ်ခဲ့ကြပါတယ်။ သမ္မတ ထရမ့်က “ငြိမ်းချမ်းခြင်းနဲ့ လုံခြုံခြင်းကို တိုးမြှင့်လုပ်ဆောင်ဖို့ စစ်မှန်လွတ်လပ်တဲ့ အင်ဒို-ပစိဖိတ်ဒေသဖြစ်ဖို့ ကျနော်တို့ဟာ ခင်ဗျားတို့နဲ့အတူ လက်တွဲ ဆောင်ရွက်သွားမှာပါ။ ဒီဒေသဟာ အချုပ်အခြာအာဏာပိုင် နိုင်ငံတွေဖြစ်ကြပြီး အားလုံး တိုးတက်ကြီးပွားလိုကြပါတယ်။ ဒီနှစ်ဟာ အမေရိကန်နိုင်ငံနဲ့ အာဆီယံအဖွဲ့အစည်း ပူးပေါင်းဆောင်ရွက်မှု အနှစ် ၄၀ ပြည့်တဲ့နှစ် ဖြစ်ပါတယ်။ ဒီအတွက် ဒေသတွင်းမှာရှိတဲ့ ကျေန်ာတို့ရဲ့ မိတ်ဘက်နိုင်ငံအားလုံးကို အားကောင်းစေချင်တယ်။ အမှီအခိုကင်းပြီး ကြွယ်ဝချမ်းသာစေချင်ပါတယ်။ ကိုယ့်ကြမ္မာ ကိုယ်ဖန်တီးတာဟာ လွတ်လပ်ပွင့်လင်းတဲ့ အင်ဒို-ပစိဖိတ်ဒေသ မျှော်မှန်းချက်နောက်ကွယ်က  မူတွေဖြစ်ပါတယ်” လို့ ပြောကြားခဲ့ပါတယ်။ ဖိလစ်ပိုင်နိုင်ငံကို မလာရောက်ခင်က သမ္မတ ဒေါ်နယ်ထရမ့်ဟာ သူ့အနေနဲ့ တောင်တရုတ်ပင်လယ်အတွင်း ဖြစ်ပေါ်နေတဲ့ ပိုင်နက်အငြင်းပွားမှုကို ကြားဝင်ဖျန်ဖြေဖို့ အဆင်သင့်ရှိကြောင်း ပြောကြားခဲ့ပါတယ်။

A d v e r t i s e m e n t With Us

More News
Up