နာမည်ကြီး အီတလီအသင်း ဆွီဒင်နှင့် သရေကျပြီး ကမ္ဘာ့ဖလားခြေစစ်ပွဲ မအောင်မြင် (ရုပ်သံဟိုက်လိုက်)

မနေ့ညက ယှဉ်ပြိုင်သွားတဲ့ ကမ္ဘာ့ဖလားခြေစစ်ပွဲအတွက် ဥရောပဇုန်က ရှုံးထွက် ဒုတိယအကျော့ပွဲစဉ်မှာ နာမည်ကြီး အီတလီအသင်းဟာ ဆွီဒင်နဲ့ ဂိုးမရှိသရေကျပြီး ခြေစစ်ပွဲမအောင်ဘဲ ဖြစ်သွားပါတယ်။ ပထမအကျော့မှာတုန်းက ဆွီဒင်က အိမ်ကွင်းမှာ အီတလီကို ၁ ဂိုး ဂိုးမရှိနဲ့ အနိုင်ရထားတာပါ။ ကမ္ဘာ့ဖလား ချန်ပီယံဆုကို ၄ ကြိမ် ရရှိထားတဲ့ အီတလီအသင်းအတွက်တော့ ၁၉၅၈ နောက်ပိုင်းမှာ ပထမဆုံးအကြိမ်အဖြစ်  ခြေစစ်ပွဲမအောင်တာ ဖြစ်ပါတယ်။ ဒီပွဲမှာ အီတလီက အိမ်ကွင်းမှာ တဖက်သတ် ဘောလုံးပိုင်ဆိုင်မှု အသာစီးယူနိုင်ခဲ့သလို ဂိုးပေါက်ကန်သွင်းခွင့်လည်း ၆ ကြိမ်အထိ ရခဲ့ပါတယ်။ ဆွီဒင်ကတော့ အီတလီအသင်းရဲ့ တိုက်စစ်ကို ကြံ့ကြံ့ခံ ကစားသွားနိုင်ခဲ့ပါတယ်။ ပွဲအပြီးမှာတော့ အီတလီဘောလုံးသမားတွေ အားလုံး ခြေစစ်ပွဲ မအောင်တဲ့အတွက် မျက်ရည်ကိုယ်စီနဲ့ ဖြစ်ခဲ့ပါတယ်။ ခြေစစ်ပွဲမအောင်မြင်တဲ့အတွက် အီတလီနည်းပြ ဗန်ကျုရာလည်း ရာထူးကနေ နုတ်ထွက်သွားပါတယ်။ ဆွီဒင်အတွက်တော့ ၂၀၀၆ နောက်ပိုင်းမှာ ပထမဆုံးအကြိမ် ကမ္ဘာ့ဖလား ခြေစစ်ပွဲကို အောင်မြင်သွားတာ ဖြစ်ပါတယ်။

More News
Up