နိုင်ငံစီးပွားရေး အလျင်အမြန်တိုးတက်နေဟု ဒေါ်အောင်ဆန်းစုကြည် ပြောကြား
DVB
·
November 13, 2017
မြန်မာနိုင်ငံဟာ ကဏ္ဍတိုင်းမှာ ပြုပြင်ပြောင်းလဲမှုတွေ လုပ်ဆောင်နေတာကြောင့် နိုင်ငံရဲ့ စီးပွားရေး အလျင်အမြန် တိုးတက်နေတယ်လို့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားလိုက်ပါတယ်။
ဖိလစ်ပိုင်နိုင်ငံ မနီလာမြို့တော်မှာ မနေ့က ကျင်းပတဲ့ အာဆီယံ စီးပွားရေးနဲ့ ရင်းနှီးမြှုပ်နှံမှု ထိပ်သီးအစည်းအဝေး (ABIS) မှာ တက်ရောက် မိန့်ခွန်းပြောကြားရာမှာ ပြောသွားတာ ဖြစ်ပါတယ်။
ရင်းနှီးမြှုပ်နှံမှုကဏ္ဍမှာ ယှဉ်ပြိုင်မှုကို အားပေးပြီး ရင်းနှီးမြှုပ်နှံမှု ပတ်ဝန်းကျင်ကောင်း ဖန်တီးပေးနေတယ်၊ ကုန်သွယ်မှုပြုလုပ်ရာမှာ အဆင်ပြေချောမွေ့အောင် လုပ်ဆောင်တဲ့စနစ် ချမှတ်တာ၊ အွန်လိုင်းကနေ လျှောက်ထားတဲ့စနစ် အစရှိတဲ့ လုပ်ဆောင်ချက်တွေကို ဗျူရိုကရက် ကြိုးနီစနစ် လျှော့ချဖို့နဲ့ ပုဂ္ဂလိကလုပ်ငန်းတွေ ကြီးပွားတိုးတက်လာနိုင်မယ့် စီးပွားရေး ပတ်ဝန်းကျင်တရပ် ဖန်တီးပေးဖို့ ဆောင်ရွက်နေတယ်၊ စီးပွားရေးနဲ့ နိုင်ငံရေးအရ ဆယ်စုနှစ်ချီ ထီးတည်းနေခဲ့ရတဲ့ မြန်မာနိုင်ငံအတွက် မကြာသေးမီအချိန်အတွင်း ကမ္ဘာ့စီးပွားရေး နှေးကွေးလာချိန်မှာ စိန်ခေါ်မှုများစွာ ရှိနေတယ်လို့လည်း ပြောပါတယ်။
ဒါ့အပြင် မကြာသေးမီကာလအတွင်း လူမှုရေး၊ နိုင်ငံရေးနဲ့ စီးပွားရေး အပြောင်းအလဲတွေမှာ အမျိုးသမီးတွေရဲ့ ပါဝင်မှု နိုင်ငံအများအပြားမှာ အံ့အားသင့်ဖွယ် ဖြစ်ပေမယ့် အမျိုးသမီးတွေဟာ နယ်ပယ်များစွာမှာ အခွင့်အလမ်းများ ဆုံးရှုံးနေရဆဲ ဖြစ်တယ်၊ စီးပွားရေးနဲ့ လူမှုရေး ဖွံ့ဖြိုးတိုးတက်မှုမှာ အမျိုးသမီးတွေရဲ့ ပါဝင်ဆောင်ရွက်မှုက မြန်မာနိုင်ငံမှာသာမက ဒေသတွင်းမှာပါ ထင်ထင်ရှားရှား တွေ့မြင်နိုင်တယ်လို့လည်း ပြောပါတယ်။
နိုင်ငံတော်၏အတိုင်ပင်ခံပုဂ္ဂိုလ်ဟာ မနီလာမြို့ SMX Convention Center မှာ ကျင်းပတဲ့ နှစ် ၅ဝ ပြည့် အာဆီယံဂုဏ်ပြုညစာ စားပွဲကိုလည်း တခြားနိုင်ငံ့အကြီးအကဲတွေ၊ အစိုးရအဖွဲ့ အကြီးအကဲတွေနဲ့အတူ တက်ရောက်ခဲ့ပါတယ်။
ဒါ့အပြင် မနီလာမြို့ရှိ မြန်မာသံအမတ်ကြီး နေအိမ်ကို သွားရောက်ပြီးလည်း သံအမတ်ကြီး ဦးဝင်းနိုင်နဲ့ သံရုံးဝန်ထမ်းတွေ၊ မိသားစုတွေကို တွေ့ဆုံခဲ့ပါတယ်။
ဓာတ်ပုံ-MOI
